[Chloe's POV]
NAGLAKAD ako kasunod ni Yaya Amy. Pinagmamasdan ko ang mga bulaklak. Balak ko sanang kumuha ng bulaklak at ilagay sa silid ni Brix.
“Ahm, Yaya Amy? P'wede ho ba akong mamitas dito?” tanong ko
“Saan mo ilagay, Hija?”
“Sa silid ho sana ni Brix. Pasasalamat ko sa kaniya dahil ipinasyal niya ako kahapon sa labas,” nahihiya kong sagot.
Ngumiti si Yaya Amy at hinatak ako patungo sa mga bulaklak. Inabot niya sa aking isang pirasong guting at tinanggap ko ito.
“P'wede ho? Hindi po ba magagalit si Brix?” naninigurado kong tanong.
“Sige lang, Hija. Matutuwa 'yon kapag galing sa 'yo ang bulaklak.”
Hindi ko alam pero kinakabahan ako sa sagot ni Yaya Amy. Nagsimula akong pumutol ng mga tangkay ng iba't ibang uri ng bulaklak.
“Yaya bakit ang daming binili ni Brix na bulaklak k
