Enjoy reading!
PAGKATAPOS nang nangyari ay nanatili ako sa dati naming bahay ni Calvin. Hindi na rin ako tumanggi dahil hanggang ngayon ay natatakot pa rin ako. Sa buong buhay ko ay ngayon lang ako natakot nang ganito.
"Hindi ka pa natutulog?" Tanong niya nang makapasok siya sa kwarto namin. Nakahiga ako sa higaan ngunit hindi ako dinadalaw ng antok. Maraming pumapasok sa aking isipan. Ang mga nangyari kanina. Hindi ko pa rin makalimutan.
Lumapit siya sa higaan at umupo sa tabi ko. "Iniisip mo pa rin ba ang nangyari kanina?" Tanong niya.
"Hindi ko akalain na magagawa 'yon ni Devorah." Wala sa sariling sagot ko. Nakatitig lang ako sa kisame.
"Huwag mo nang isipin ang nangyari kanina. Kailangan mo ng magpahinga." Sabi niya at hinawakan ang pisngi ko.
"Thank you." Mahina kong sabi
