Several months ago before the chaos...
Malalim ang ginawang pagbuntong hininga ni Millicent matapos mapatingin sa ina niyang nakaratay sa kama, nagkamalay na ito kanina ngunit muli ring nakatulog. Nakapagdesisyon na siya sa bagay na inalok sa kanya ng Doktor ng kanyang ina, ni hindi na sumagi sa isip niya ang tumanggi o baguhin pa ang pasya niya. Napasandal na lamang siya sa pader, ang maupo man lang ay hindi magawa, hindi pa rin kasi mapawi ang pag-aalala niya sa kanyang ina.
Napatingin siya sa pintuan ng bumukas ito. Dumating ang kapatid niyang si Luhan kasama si Amelou. "Ate, kumain ka muna." May inabot na pagkain ang kapatid niyang si Luhan sa kanya subalit inilingan niya ito bilang pagtanggi, wala siyang gana na kumain ngayon.
Ang atensyon niya ay natuon kay Amelou dahil sa pagbu
