ISANG malusog na batang lalaki ang isinilang ni Joy. Tuwang-tuwa naman si Travis, dahil meron na itong Junior. Pati si Trixie, ay pumapalakpak pa sa tuwa ng malaman niya na lalaki ang kanyang kapatid. Ayaw daw kasi niya ng babae, para siya lang ang Princess ng kanyang Daddy at Mommy. Kaya lalaki ang lagi niyang ipinagdarasal na maging kapatid. Dininig naman ng panginoon ang kanyang panalangin dahil lalaki nga ang kanyang kapatid.
"Daddy, can we call kuya Pj? sasabihin ko lang na boy ang kapatid ko." wika ni Trixie, habang pinagmamasdan nilang mag-ama ang natutulog na baby.
"Ok sweety, tatawagan natin si Kuya Pj..." sagot ni Travis, sa anak kaya lalo itong natuwa.
Agad din na tumawag si Travis, sa Pilipinas upang maka usap nila si Pj, na laging bukang bibig ni Trixie. Mahal na mahal t
