BEATRIX
Hindi na siya mapakali sa kanyang inuupuan habang hinihintay ang Kuya Vince niya. Hindi na niya alam kung ano ang unang dapat gawin. Nakatulala lang siyang nakatingin sa kawalan, at napabuntong-hininga. Wala siyang magawa kung 'di sumunod sa kung ano ang gusto ng Kuya niya. Hindi siya nito titigilan hangga't hindi nito malalaman ang totoo.
Hindi niya namalayan na nasa harapan na pala niya ito. Nanginginig ang kamay niyang tinanggap ang inilahad sa kanya ang pregnancy test. Sobrang kabog ng dibdib niya habang nakatitig do'n. Pakiramdam niya’y para siyang mahihilo kapag malalaman na niya kung ano ang nangyayari sa sarili niya.
"Pumunta ka na sa banyo para malaman natin kung buntis ka ba o hindi. Maghihintay ako rito," walang kangiti-ngiting pinatayo siya nito mula sa pagkakaupo s
