Alia's Note: This chapter is divided into 2 parts due to word count limit of Dreame.
--------------
Chapter 16.1
Extreme Love
"Kahapon, hinahanap ka noong kaibigan mo, huh."
Napalingon ako kay Tita Agnes na kanina pa pala nakatingin sa akin. Nabitin tuloy sa ere ang kutsara ko na may laman na kanin. Kahit na hindi niya sabihin ang pangalan ng taong binabanggit niya, kilala ko na iyon kung sino.
"T-talaga po?" tanong ko na lang, tumungo na at nagpatuloy sa pagkain ng sinangag na kanin.
"Oo. Tinatanong niya sa akin kung nasa'n ka raw. Ang sabi ko, pumasok ka na. Nagulat pa nga siya. Mukhang halata sa hitsura niya na alam niya ang oras at schedule ng pasok mo," dagdag pa niya.
Mas lalo tuloy akong lumugmok. Para pa nga akong masasamid sa iniinom kong kape, eh. Tatlong araw ko nang i
