Kabanata 43: Katotohanan na Pilit Itinatago
GABI nang dumalaw si Hezekiah sa ospital. Nakitaan na ng pagbabago ang dalawa at confirm na may dengue ang mga itol. Possibleng iisang lamok lang ang kumagat sa kambal at nagpalipat-lipat lang ito. Ngayon ay nagagawa na nilang kumain ng marami-rami ngunit nandoon pa rin ang pakiramdam na nasusuka.
“Mama, hindi po ba pupunta rito si Papa Crim Carl?” tanong ni HB habang nakatingin ito sa kanya.
Napatingin si Denzel kay Hezekiah na medyo nagulat sa tanong ng bata. “Hindi ko pa alam, e. Nasabihan ko na naman siya na may sakit kayong dalawa. Baka bukas ay pupunta siya rito upang bisitahin kayo.”
“Mabuti na lamang at nandito si Tito Hezekiah at Yaya Mabel para samahan ka Mama kahit wala si Papa. Hindi na siya nagpupunta sa amin. Kahit tawag man l
