“SIR, ano ba’ng ginagawa natin dito?” tanong ni Mang Caloy kay Steven. Kanina pa sila nakaparada sa kalsada sa tapat ng bahay nina Francheska. Dalawang gabi na rin niyang ginagawa iyon. Ayaw kasing sumama ng dalaga sa pagbalik sa mansiyon hanggang nasa ‘kilalanan stage’ daw sila dahil tiyak daw na mauulit na naman ang namagitan sa kanila kung doon ito uuwi.
Sa isang banda ay nakakahanga ang dalaga. Kakaiba ito sa lahat ng babaeng nakilala niya. Kung ang iba ay handang maghabol sa kaniya, not Francheska. She very well knew her worth.
“Dating gawi, Mang Caloy,” aniya saka sinulyapan ang dalagang nakaupo malapit sa pinto. Mula sa kinaroroonan ay nakikita niya ito habang kausap ang isa nitong manliligaw na hindi niya kilala.
Ang dating gawi na tinutukoy
