"Ayoko!" matigas na tanggi ni Liliana.
Umikot ang paningin ni Alexiel saka mahinang napamura. Ang tigas din ng ulo ng babaeng 'to... sarap banatan.
"Pinalaki ako ng nanay ko na may pagpapahalaga sa sarili! Tingin mo ba may mukha pa akong ihaharap sa kanya, kapag nalaman niyang ibinigay ko ang sarili ko ng gano'n-gano'n lang?"
Inis na natawa si Alexiel. "Teka nga, matanong kita..." Idiniin nito ang sigarilyo sa ash tray, bago muling hinarap ang dalaga. "Kailan ka nga nagbente-nueve?"
Kumunot ang noo ni Liliana at buong pagtatakang napatingin sa kausap. "Mga dalawang araw na nakalipas. Bakit mo naitanong?"
"Puwes, bago mo isipin 'yang mukhang ihaharap mo, siguraduhin mo munang may magme-make-up sayo sa burol mo!"
Natahimik bigla si Liliana.
"You already wasted two days. Now, you only
