روايه قطار العمر

البارت الثالث عشر

البارت الثالث عشر....

سلمي لو سليم جراله حاجه انا هموت.

سلمي ماما اهدي بس عمار مالوش ذنب في ده كله وبعدين هو لو بياكل كنت اكلته بس هو محتاجك وسليم والله هيرجع بالسلامة.

مريم بصتلها وكأنها تايهه وبصت لعمار وقامت وقفت ومشيت وسابته لسلمي ومشيت لاوضتها وقبل ماتوصل لباب الاوضه بصتلهم ووقعت من طولها.

سلمي بصريخ ماما الحقني يابابا وقعدت جنبها تعيط فوقي ياماما ياماما احنا مالناش غيرك يا حبيبتي.

حليم طلع جري ايه في ايه.

سلمي الحق يا بابا ماما وقعت ومابتردش.

حليم فوقي يامريم والله ابننا هيرجع بالسلامه خالي عندك يقين في ربنا ابوس ايدك قومي.

حليم الصغير في ايه ايه الي حصل مالها ماما وانهار بالعياط.

حليم اسند امك معايا ونزلوا بيها للعربيه في الوقت ده سلمي خبطت علي سهير جارتهم.

سلمي طنط خالي عمار معاكم علشان ماما تعبانه وهنوديها المستشفى وسابته وجريت علي عربيت ابوها.

حليم فين اخوكي ياسلمي.

سلمي مع طنط سهير.

حليم ليه بس سيبتيه يابنتي.

سلمي انت عارف طنط سهير بتحبنا اد ايه وانا مش عاوزه عمار يروح مستشفيات اهم حاجه نطمن علي ماما دلوقتي.

حليم ماشي يلا بينا.

راحوا المستشفى......

حليم دخل الاستقبال انا عاوز دكتور لو سمحتم.

الممرضه خير يا فندم محتاج دكتور ايه.

حليم مش عارف هي مراتي وقعت اغمي عليها وانا مش عارف مالها اي دكتور يكشف عليها.

سلمي ابوس ايدك بسرعه .

الممرضه خرجت للمرض انقلها علي غرفه الكشف ونادي دكتور صلاح.

نقلوها والدكتور دخل علشان يكشف عليها.

حليم ممكن ادخل معاك.

الدكتور اتفضل قولي بقي جرالها ايه.

حليم للاسف ابنها مجند في الجيش والكتيبه الي هو فيها انض*بت انهارده وهي لما سمعت الخبر ماقدرتش تتحمله.

حليم بيتكلم والدكتور بيكشف عليها.

الدكتور والولد جراله حاجه.

حليم للاسف مش عارفين نوصل لاي حاجه تطمنا عليها.

الدكتور ان شاء الله خير ربنا يطمن قلبكم عليه انا اديتها علاج في المحاليل هتفوق بس هتكون دايخه ويعتبر مش مركزه في اي حاجه من للواقع.

حليم علي فكره يادكتور هي بترضع ومعاها طفل شهرين.

الدكتور كويس انك عرف*ني.

الدكتور للممرضه غيرلها المحاليل وكتبلها نوع غيره خفيف علشان الرضاعه، الدكتور لحليم انا موجود في اوضتي اول ماتفوق عرفني ولو في اي حاجة متقلقش انا موجود تحت.

حليم شكرا يا دكتور علي اهتمامك.

الدكتور ده عملي.

الدكتور اهم حاجه تطمن علي ابنك ده الي هيفرق مع حالتها جدل.

حليم ان شاء الله ربنا يردهولنا بخير.

حليم قعد جنب اوضه مريم يسبح ويذكر ربنا ويرددلاحول ولا قوة الا بالله

سلمي قاعده جنب مامتها لقت محمد بيتصل عليها.

الو ازيك يا سلمي انتوا فين قعدت اخبط كتير وطنط سهير جارتكم قالتلي ان مامتك تعبت وراحوا بيها علي المستشفى.

سلمي اه يا محمد ماما تعبانه اوي والدكتور معلق لها محاليل.

محمد طيب اتتوا فين علشان اجيلكوا.

سلمي هبعتلك العنوان بس اطمن علي عمار وادي طنط سهير غيرات ليه والادويه بتاعته مكتوب عليها المواعيد علشان مش عارف أسيب ماما واجي ومش عوزاه يجي المستشفى.

محمد حاضر هطلع اجهزله حاجته واديهلها واجيلك.

سلمي معلش يا محمد تعباك معايا

محمد ان شاء الله خير.

سلمي مع السلامة

حليم اتصل على حسين.

الو ازيك يا كبير مافيش اخبار جديده عاوز اقولك ان امه بتموت.

حسين والله يا حليم انا مش عارف اقولك ايه.

حليم قول احنا موحدين بالله سليم جراله حاجه.

حسين بس هي الكتيبه بتاعتهم هي الي انض*بت بس الحكومه مطلعت بيان بالمصابين ومافيش حد عارف اي حاجه عنها خالص مكتمين علي الخبر بس خالي عندك امل في ربنا.

حليم ونعم بالله وعينيه بقت كلها دموع، طيب لو في اي اخبار طمني.

حسين والله انا مش ساكت متقلقش ياحليم ان شاء الله خير.

حليم ونعم بالله العلي مع السلامة.

سلمي خرجت من عند مامتها.

ايه يا بابا انت بتعيط في ايه بس.

حليم لاء مافيش حاجه مضايق علشان امك.

سلمي بابا اوعي يكون سليم جراله حاجه.

حليم انت اتجننتي متقوليش علي اخوكي كده.

سلمي بجد يابابا قولي وانا مش هعرف ماما هو متصاب طيب ايه.

حليم والله مافيش اخبار

سلمي ربنا يطمنا عليه يابابا انا خايفه علي ماما اوي.

حليم انا هروح للدكتور اشوفه ينفع ناخدها ونروح علشان عمار.

سلمي بس اهم حاجه تبقي كويسه وتقدر تخرج.

حليم لو امك خرجت هتفوق وسطينا ومع اخواتك.

راح حليم لاوضه الدكتور وخبط علي الباب.

دكتور صلاح اتفضل.

حليم ازي حضرتك يا دكتور كنت عاوز اسألك هو ينفع مريم تكمل علاجها في البيت.

الدكتور طبعا ياريت علشان جو البيت أفضل ليها وهي هتخلص المحاليل ان شاء الله هتبقي بخير.

مافيش اخبار عن ابنكم.

حليم مافيش جديد بس فعلا الكتيبه بتاعته الي انض*بت بس مافيش اي اخبار عن اي حاجه مكتمين عن الموضوع.

الدكتور بس خير ان شاء الله متقلقش هما مكتمين علي الخبر علشان يوقعوا الي ض*بوهم.

حليم انا مابقولش غير يارب والي يجيبه ربنا كله خير.

الدكتور ربنا يطمنكم وانا هكتب لمدام مريم علي خروج

حليم دخل لمريم الاوضة....

مريومه انت صاحيه هو انت لازم تخضينا ياستي عليكي الواد عمار عاوزك.

مريم عمار فين ياحليم انتوا سيبتوا فين انا لازم امشي دلوقتي حالا.

حليم اهدي اهدي ماتقلقيش عليه عمار مع سهير صحبتك ماتخافيش عليه ومحمد خد غيارات ووداها لها وادويته وكل حاجه

سلمي متقلقيش ياماما عليه هي خلت مرات ابنها ترضعه وهو زي الفل.

حليم علي العموم ياست الكل انا خليت الدكتور كتبلك علي خروج.

مريم بجد طيب يلا بينا انا قلبي واكلني عليه انا اومره اسيبه كده.

سلمي الحمد لله ياماما اننا اطمنا عليكي.

مريم مسكت ايد حليم وقامت وقفت مافيش اخبار عن سليم.

حليم مافيش اي اخبار بس قدام مواصلناش اخبار عنه يبقي بخير.

مريم بجد ياحليم ياعني هيرجع انا هموت من غيره ده مالحقش يفرح بعروسته سليم ده غلبان ومابيلحقش يفرح باي حاجه.

حليم سليم راجل وهيرجع ماتقلقيش عليه والله هيرجع خالي عندك يقين في ربنا.

مريم ونعم بالله يا حبيبي طيب يلا بينا علي بيتنا عشان عمار انا قلبي اكلني عليه.

حليم يلا بينا ياسلمي لمي حاجت ماما بسرعه.

سلمي في ثواني يابابا كله هيبقي جاهز.

الدكتور رايحين فين.

مريم كفايه كده يا دكتور انا سايبه عمار شهرين في البيت.

الدكتور لاء خلاص علشان خاطر عمار ولازم تجيبوه زياره بريئه علشان اتعرف عليه.

حليم ان شاء الله يادكتور بس نجيلك زياره بس من غير كشوفات.

الدكتور هههههههه هههههههه طبعا عاوزين زياره بريئه.

مريم شكرا يادكتور لذوقك مع السلامة.

حليم يلا بينا حمد الله على سلامتك يا مريم.

نزلوا ركبوا العربيه وراحوا علي البيت.

وصلوا للبيت.

مريم هاتلي عمار ياحليم.

حليم حاضر ياحبيبتي هركن واجيبهولك وانت ياسلمي طالعي ماما لفوق.

سلمي حاضر ياحبيبي.

طالعت سلمي ومامتها لقت محمد وحليم قاعدين في البيت

حليم ماما ياحبيبتي حمدلله على سلامتك يا ماما البيت وحش من غيرك اوي.

محمد حمد الله على سلامتك يا ماما نورتي البيت البيت مضلم من غيرك.

مريم ده نوركم يا حبيبي ده انتوا الي منورين حياتي انتوا ماشوفتوش عمار ياحبايبي.

حليم ده طنط سهير خلت مرات عمو محمود ترضع وكان نايم طول اليوم وطنط كانت فرحانه بيه اوي.

مريم ربنا يباركلها يارب

حليم الحمد الله عمار رينا هديه وانام

مريم ايه ده حليم جه اهو

حليم اتفضلى يا مريم جبتلك عمار اهو

مريم يا حبيبى ده نايم خالص كانه مش بينام خالص

حليم اه راح نام عند الجيران ويجى هنا يفضل يعيط ويصرخ

مريم يعيط براحتو هو فى بيته

حليم ياستي بيته واحنا كلنا ضيوف متزعليش.

سلمي تعالي ياماما وميرو نايم اغيرلك هدومك وريحي في سريرك.

مريم يابنتي انت مالكيش التعب ده انت واقفه علي رجلك طول اليوم.

حليم روحي ياسلمي ريحي ضهرك شويه وانا هغير لماما وانيمها بأيدي دول.

مريم ايه بس الدلع ده .

حليم هو انا ليه غيرك يا مريوم.

مريم بصتله بأبتسامه وقامت داخلت الاوضة معاه

واول مامريم ريحت ضهرها علي السرير عمار عيط.

مريم حبيب ماما وحشني صوتك وقعدت ترقيه وهي بترضعه ورضع كتير لغايت مانام وخدته علي ص*رها ونام وحضنته في حضنها ونامت كأنها مانمتش من سنين.

حليم خرج قعد في البلكونه وحاول يتصل على حسين صحبه يمكن يكون في اخبار عن سليم.

الو ازيك يا حسين ايه يا حبيبي مافيش جديد.

حسين والله يا حبيبي مافيش اي اخبار برده بس ان شاء الله بكره الصبح انا نازل مأموريه في نفس المنطقه الي فيها سليم وهجبلك اخبار أكيده ان شاء الله.

حليم ربنا يطمنك ياحبيبي.

حسين مع السلامة يا حبيبي.

حليم مع السلامه....

يارب يطمني عليك يا حبيبي قلبي بيتعصر عليك وانا قاعد ايدي متكتفه لا حول ولا قوة الا بالله انا نسيت معاد احمد مع الدكتور ربنا يفك كربه وكربنا.

حليم اتصل على احمد ازيك يا احمد انت فين يا بني مش تسأل علي اختك.

احمد اختي مالها ياحليم.

حليم ده موضوع كبير انت مش معادك بكره مع الدكتور تعالي انت وحبيبه قدوا اليوم مع مريم وتروحوا للدكتور من هنا.