روايه قطار العمر

البارت الخامس

حليم الصغير بابا بابا الخرفان جت انا نازل.

حليم ياواد استني انا جاي معاك.

مريم ربنا يفرحك يا حبيبي.

سلمي انا راحه اتف*ج عليهم.

وفاء هههههههه البت دي مش هتكبر ابدا.

ولاء سيبيها تدلع بكره تخلف وتقعد جنبنا مش قادرين نتحرك من مكانا.

مريم ربنا يخليكم ليها وتفضلوا تدلعوها وتدلعوا اولادها كمان.

حبيبه السلام عليكم.

مريم بيبو حبيبت قلبي تعالي.

ولاء بنت حلال كنا هنكلمك اتاخرتي ليه.

حبيبه والله معلش علي مااغديت أحمد ونزلنا علي طول.

مريم هو أحمد معاكي.

حبيبه واقف عم حليم تحت بيحاسب الراجل بتاع الخرفان.

حليم بينادي علي سلمي .

سلمي ايوه يا بابا.

حليم الصغير هاتي اطباق بلاستك كبير علشان بابا هيدبح دلوقتي.

سلمي ايه بجد.

ولاء في ايه يا سلمي.

سلمي بابا هيدبح دلوقتي.

ولاء والله يلا علي البركه.

لمريم ايه رأيك يا مريم نطبخ انا ووفاء علي ماسلمي هي والبنات يلفوا السبوع علشان منتعبش بكره.

وفاء انتوا هتأكلوا هنا ولا هتوزعوا الاكل وجبات.

مريم مش عارفه هو بيفكر في ايه..

وفاء ايه رأيك بعمل وجبات وتتفرق علي الناس في بيوتهم احسن حتي ياكلوا بحريتهم ايه رأيك والناس الغلابه الي عرفنهم تودلهم علي بيوتهم ولوهتفرقوا في الشارع يبقي علب احسن ايه رأيك.

مريم والله يا وفاء انت ال*قل والنظام كله فكره تجنن طبعا.

ولاء بسم الله ماشاء الله اللحمه طلعت اهه.

مريم فرضيها الأول وبعدين ابدأي اسلقي لغايت ماحليم يطلع نعرض عليه افكارنا.

ولاء حاضر تمام انتوا تأمروا.

سلمي وانا هروح اعملكم الفشار علشان نبدأ نعبي السبوع.

حبيبه الله ايه اللعب الحلوه دي.

مريم عقبال ماأجبلك ياقلبي ده انت عندي ليك مفاجأة حلوه.

حبيبه خير يا عمتو.

مريم اصبري هقولك بينا وبين بعض.

حبيبه طيب هقوم اروح لسلمي اشوفها بتعمل ايه.

مريم روحي ياحبيبتي.

البنات جيرانهم راحوا لسلمي علشان يساعدوها في السبوع.

فضلوا يهيصوا ومشغلين اغاني السبوع.

ومريم كانت فرحانه بلمتهم حواليها.

وولاء واقفه تعمل الاكل في المطبخ.

وسلمي والبنات وحبيبه بيعبوا السبوع وعمالين يزغرطوا.

حليم انا ياماما كان نفسي سليم اخويا يبقي معانا.

مريم والله انا قلبي زعلان انه مش موجود بس ان شاء الله يجي بالسلامه.

وفاء ان شاء الله ياحبيبتي هيجي بالسلامه يفرح بأخوه وهو

في حضنه.

مريم يارب الواد ده مخلي قلبي واكلني عليه.

حليم طلع ايه رأيك يامريومه في المفاجأه دي.

مريم قصدك الدبح.

حليم اه ايه رأيك وايه رأيك اجيب طباخ ويجي يطبخ ويعمل الاكل وجبات علشان منتعبش ولاء ووفاء وتبقي الدنيا متنظمه.

وفاء هههههههه بص يا سيدي اولا الاكل خلاص اطبخ وبنعمل الفته خلاص.

ثانيا احنا فكرنا في موضوع الوجبات وكنا واقفين علي موافقتك علشان ننفذ.

حليم هههههههه انتي علي طول بتفكري في الصح.

محمد السلام عليكم ازيك يا عمي ازيك يا ماما ازيك يا طنط وفاء عموري عامل ايه.

سلمي حبيبي تعالا شوف السبوع.

محمد حبيبتي وهو انت تعملي حاجه وحشه يا روحي.

سلمي تعالا بس.

محمد ده انا الي عملك مفاجأة.

سلمي قول ايه المفاجئه.

محمد تعالي بس لميلي البنات وتعالي، حليم تعالا ابن حلال اقعد معايا هو انا هقعد لوحدي مع البنات دول.

سلمي قول بقي علي المفاجئه.

محمد يلا ياحلوين هنعمل زينه السبوع علشان نفرح ماما مريم.

سلمي هههههههه هههههههه حبيبي يا مادي ايه المفاجأت الحلوه دي.

محمد اقعدي انفخي يلا ياحلوه البلالين

سلمي حاضر يلا يابنات الي عاوز ياخد سبوع يقعد ينفخ يلا عاوزين نخلص قبل ما ماما تطلع من الاوضه علشان نفاجأها.

محمد بس ايه في الزينه تحفه صح.

سلمي تجنن والله وماحدش في العيله عمل سبوع كده.

ولاء جهزت الاكل وطبخته كله ووفاء نظمت الوجبات.

حليم للشباب يلا ياحبايبي عاوزين نوزع الاكل علشان نفضي الصاله علشان الناس الي جايين السبوع وانا هنظملكم تروحوا لمين وتوزعوا لكل عيله كام وجبه هتروح يامحمد مع حليم.

محمد طبعا ياعمي هروح معاه.

حليم خلاص خد الورقه بالناس والعدد لكل بيت كام وجبه،

علشان تنجزوا بسرعه وترجعوا عاوزكم معانا في السبوع علشان الضيوف الي جايين مش عاوزين حد يزعل مننا او ننسي اي حد.

محمد بص يا عمي هات الورقه وماتقلقش هعملك كل الي انت عاوزه بالظبط.

مريم خرجت من اوضتها لقت حليم والولاد بيتكلموا ووقفت تتكلم معاهم وفجأه بصت في الريسبشن،

ايه ده الله انتوا عملتوا الزينه دي امتي اتاريكوا خرجتوا امبارح وانتوا بتعملوا السبوع ومحدش فيكوا دخلي تاني.

محمد يعني عجبتك ياماما.

مريم تحفه ايه الجمال ده كله

حليم لابجد مفاجأه تجنن ربنا يفرحكم كلكم.

محمد ده أقل حاجه اعملها لعموري عريس العيله الجديد.

انا هنزل اوزع الاكل علشان ارجع اطلع اغير علشان نتصور بقي مع استاذ عمار ونعمله سيشن والله ياماما هوريكي تصوري وهبهركوا.

مريم والله انا مبهوره من السبوع للزينه بكل حاجه يا حبيبي.

يلاخلصوا بسرعه علشان نتصور قبل ماالضيوف يجوا.

محمد خلاص تمام يلا ياحليم.

وفاء محمد جوز سلمي غلبان كده علي طول.

حليم والله وخدوم اوي ومن غير مانطلب منه كمان هو ابن حلال.

سلمي ماما يلا تعالي نغير علشان لوحد من الضيوف جه..

مريم طيب كنت هبس علي خالتك اشوفها عامله ايه.

سلمي خلاص ياماما والله احنا خلصنا والمطبخ بقي زي الفل خالتو وفاء دي عبقرية ومنظمه اوي ماانت عارفه والمطبخ مافيهوش اي حاجه هي بس وخالتو ولاء بيتغدوا وهيقوموا يلبسوا تعالي نلبس انا وانت علشان هما ياخدوا راحتهم في اللبس.

مريم خلاص يلا بينا قوليلي كلمتي حنين تيجي.

سلمي كلمتها بس مش عارفة هتيجي ولا ايه.

مريم يارب تيجي علشان اخد رأي خلاتك فيها.

سلمي والله يا ماما اهم حاجه رأي سليم وبعدين راي الباقي.

مريم يابنتي ماهو سليم رأيه معرف من بدري.

بطلي غلبه وكلميها تاني

سلمي حاضر طيب هروح اكلمها وانت البسي ياماما انت العروسه انهارده.

وانا الي هاجي اللبس عمار اوعي ياماما تلبسيه.

مريم حاضر.

سلمي اتصلت علي حنين.

نونتي حبيبتي انت فين يا بنتي اوعي متجيش.

حنين والله انا م**وفه اوي والله اجي انا معرفش حد عندكوا.

سلمي ماانت عرفاني وعارفه ماما والله هزعل منك انا عوزاكي تسعديني.

حنين مش عارفه م**وفة اقول لماما اني عاوزه اجي.

سلمي اكيد مامتك جايه اديني طنط

امال ازيك يا سمسمه.

سلمي ازيك يا طنط انتوا لازم تيجوا انهارده تحضروا السبوع.

امال طبعا ياحبيبتي هنيجي انتوا هتبدأوا امتي.

سلمي يعني بعد حوالي ساعه كده والنبي يا طنط متتأخريش عاوزه حنين تبقي معايا.

امال حاضر يا هنروح نلبس وننزل علي طول.

سلمي ماشي يا طنط مع السلامة.

وبدأ الكل يتجمع ومريم لبست فستان بيبي بلو وسلمي لبست عمار سلوبته بيضه حميله اوي..

ومريم وقفت تتصور مع عمار وسلمي وكلهم بداوا يتجمعوا حوالين مريم وكلهم بدأوا يتصوروا مع مريم وعمار ومريم كانت حاسه بفرحتهم بيها وبعمار.

سلمي ماما عندي ليكي مفاجأه غمضي عينك.

مريم وقفت بخضه مفاجأة ايه تاني.

سلمي هتغمضي عينك ولا اغير المفاجئه

مريم انا خايفه اغمض عيني.

سلمي متخافيش مش هتندمي.

مريم تمام.

اول مامريم غمضت عينها.

حليم ايه ده ايه المفاجئه دي.

سلمي شاورت لباباها يوطي صوته.

مريم هاه يلا المفاجأه فين.

مريم حست بحد حضنها.

مريم بجد سليم وفتحت عينها ايه ده سليم ياحبيبي وفضلت تعيط وحشتني ياحبيبي.

سليم متعيطيش ياماما هتخليني اعيط.

مريم لاء ياحبييي انا بعيط من فرحتي بيك كان ناقصني وجودك معايا ياقلبي.

سليم والله ياماما انا عملت أرجوز علشان انزل أحضر معاكي الاسبوع .

مريم يا حبيبي ربنا يخليك ليا شوفت اخوك .

سليم هو فين انا جاي علشانه.

سلمى خد ياعم الاستاذ عمار بنفسه .

سليم ماشاء الله ده شبهك ياماما بالظبط.

مريم روح سلم علي بابا وادخل غير وتعالي نبدأ السبوع مع بعض.

سليم راح لباباها وحشتني اوي وباس ايد باباه .

حليم كده يا جبان مش تعرفني

سليم والله يابابا انا نفسي مكنتش اعرف انا نزلوني مفاجأه ومصدقت قلت يافكيك هههههه.

حليم اهم حاجه انك وسطنا دلوقت.

ودخل سليم سلم علي ولاء ووفاء وحبيبه .

سليم امال خالو احمد فين.

حبيبه علي ماتغير هتلاقيه وصل هو وحسن .

سليم اوكي تمام في ثواني هتلاقيني غيرت.

وهو داخل اوضه شاف حنين واقفه علي جنب.

حنين بصوت منخفض حمد الله على السلامة يا سليم.

سليم حنين وحشتيني اوي اوي ايه المفاجئه دي.

حنين خدودها احمرت وب**وف وانت كمان وحشتني اوي.

سليم انا مبسوط انك جيتي انهارده.

سلمي جت ازيك يا حبيب اختك ادخل غير لحسن طنط امال هتاخد بالها منك.

سليم امتي اخلص الجيش واجيلك علشان اخطبك ومحدش يقدر يبصلنا.

حنين ب**وف مت**فنيش بقي.

سليم خلاص هغير واجيلكم علي طول وحاولي توزعي امك.

سلمي هههههههه هههههههه يلا بطل غلبه.

احمد وصل وحسن معاه.

حسن اهلا مريومه عامله ايه.

مريم الندل الي مبيسألش علي اخته الي مربياه.

حسن والله عارف اني مقصر معاكي بس حقك عليا والله طالع عيني في الشغل وباس راسها.

حليم تعالي يلا نتصور مع مريم مش وقت عتاب.

حسن انا جعان اوي اوي.

ولاء ياحبيب اختك تعالي بدل ماتفضحنا.

حسن لولو حبيبتي الي دايما مدلعاني.

ولاء يلا يااحمد انت كمان تعالي تتغدا.

احمد انا مش جعان.

مريم لا لازم تتغدا علشان خاطري.

احمد خلاص علشان خاطرك.

حليم وسليم هيجي يتغدا معاكوا.

احمد هو سليم جه ياحبيبي.

سليم خالو حبيبي وحشني اوي.

حسن حمد الله على السلامة يا سليم باشا.

احمد ايه المفاجات دي.

سليم ايه رايكم والله طلع عيني علشان انزل الاجازه دي.

احمد هانت ياسليم وبكره الأيام دي تبقي ذكريات حلوه وايام متتعوضش.

ولاء يلا يتحبايبي تعالو اتغدوا مع بعض.وحضروا وغنوا ومريم كانت مبسوطه اوي وحاسه كأنها صغرت عشرين سنه وكانت حاسه بحب كل الناس الي حواليها.

احمد يلا ياحبيبه.

حبيبه استني شويه الناس تمشي ونوضب الشقه لا**ه مريم علشان هي مش هتقدر تعمل حاجه من البيبي الصغير.

احمد بس انا تعبت خلاص مش قادر اقعد.

حبيبه هعملك فنجان قهوة علشان تفوق.

احمد طيب اعملي وانجزوا يلا في الشقه.

امال يلا ياحنين علشان منتأخرش علي ابوكي.

حنين ماما سيبيني اروق مع سلمي الشقه وهنزل علي طول.

مريم لاء ياحبيبتي ماتتعبيش نفسك ليه بس كده.

سليم انا هوصلها ياطنط ماتخافيش عليها.

حنين بصت لأمها بترجي.

امال خلاص ماشي بس متتأخريش.

سلمي ياطنط سيبيها نسهر مع بعض يوم من نفسنا وبعدين ده احنا جيران مافيش فرق بينا........بااااااااااااااااااااااس

‏ ‏عايزه تعليقات كتير وتفاعل علشان انزلكم البارت السادس وشكرا بجد على دعمكم ليا بحبكم كتير متنسوش تقولو توقعاتكم ورأيكم الان رايكم يهمنى

‏ ‏ ‏ ‏يتبع بقلم✍️ملك فريد لطفى