روايه قطار العمر

البارت السابع عشر

البارت السابع عشر.....

ولاء طيب بقي ولا انت ولاهما تعالي ياروح خالتك اغيرلك انا دول هيتعزموا عليك.

حليم انت بتتلككي علشان تغيري له.

ولاء انت الي فهمني في البيت ده هههههههه.

وهما قاعدين لقوا سليم خارج من الاوضة صباح الخير يا بابا صباح الخير يا ماما وباس ايد مريم.

حليم هو فعلا صباح الخير ايه يا ابني النوم ده انت كنت في غيبوبه.

سليم ليه هو احنا الساعه كام.

مريم هههههههه احنا الساعه ١٢ بالليل بقالك حوالي عشرين ساعه نايم

سليم بجد ولا بتهزر يابابا.

حليم يابني والله انت مش مصدق طيب تعالي اقعد جنبي وحشتني اوي.

سليم وانت كمان يا بابا وحشتني اوي.

ولاء حبيبي أخيراً صحي حمد الله على السلامة يا بطل.

سليم بطل ايه يا خالتو ده انا بطل نص كم خالص.

ولاء بعد الشر عليك يا حبيبي هما الي خونه ودخلوا عليكم غدر استحاله دول يكونوا مسلمين ياحبيبي.

حليم الحمد لله ياحبيبي انك وسطينا دلوقتي ربنا عالم بينا.

مريم يلا قوم اغسل وشك وتعالي هحضرلك لقمه تاكلها.

سليم حاضر يا ماما في ثواني انا جعان اوي.

واكل سليم وهو مستني الشاي نام وهو قاعد مكانه.

مريم قوم ياحبيبي نام انت خلصان.

سليم والله يا ماما انا تعبان اوي.

مريم معلش يا حبيبي ادخل نام لغايت ماجسمك يرتاح خالص.

سليم دخل نام

مريم يالا يا لولو ندخل ننام علشان نصحي بدري نجهز للغدا.

ولاء اوكي انا هدخل انام مع سلمي وحبيبه.

دخلت ولاء لسلمي وحبيبه ازيكوا يابنات خدوني انام معاكم لحسن خلاص انا مابقتش قادره خلاص.

سلمي تعالي يالولو.

حبيبه مالك يا لولو مفرهده كده ليه.

ولاء انا اتخضيت لما عرفت موضوع سليم وتعب مريم ومن ساعتها وانا اعصابي سايبه.

حبيبه طيب نطفيلك النور.

ولاء لا اعتبروني نمت خلاص تصبحوا علي خير.

حبيبه قوليلي ياسلمي انت حاسه بأيه في الحمل انا نفسي احس الاحساس ده خالص.

سلمي والله مش عارفه احساسي ايه اكمني لسه في الأول مش مجمعه اي احسيس ومن ناحيه انك تحسيه ان شاء الله قريب اوي انا عندي إحساس ان ربنا هيكرمك علي ايد الدكتور ده اتصدقي انا بفكر اتابع معاه.حبيبه ياريت حتي نروح مع بعض ادعيلي بس ربنا يجعل في ايده الشفا.

سلمي يارب.

حبيبه انا هروح اكلم خالك لحسن مطمنتش عليه انهارده خالص وزمانه زعلان مني.

سلمي خلاص روحي كلميه وانا هكلم محمد يارب الاقيه صاحي.

حبيبه لاء خالك هتلاقيه صاحي.

حبيبه اتصلت علي احمد.

احمد الو ازيك ياست هانم لسه فكراني.

حبيبه هو انا اقدر انساك.

احمد ده انت بعتيني.

حبيبه ازاي ابيعك بس ده انت الحبيب الاول والاخير.

احمد انت بتضحكي عليا بكلمتين.

حبيبه انت معرفتش ان سليم رجع بالسلامة.

احمد اهه طيب مش تعرفيني يامجنونه.

حبيبه ماعمو حليم عازمك بكره علي الغدا هو عازم العيله كلها.

احمد طيب مكلمتنيش ليه بس.

حبيبه سليم جاي تعبان اوي ونايم من ساعت ماجه وعمو حليم عامل العزومه بكره تجمع عائلي علشانه كلنا نبقي حواليه ويحس بحب العيله حواليه.

احمد الحمد لله انه رجع بالسلامه

حبيبه ده انت لو شفت شكله هيصعب عليك والله.

احمد ياحبيبي يابني الحمد لله انه رجع بالسلامة.

حبيبه الحمد لله بس انت لسه زعلان انا هاجي بكره وهصلحك

احمد لاء لو كده يبقي خلاص مش زعلان.

حبيبه هتيجي بكره اوعي تتأخر وهات اخوك حسن اختك مريم بتسأل عليه.

احمد علم وينفذ ياجميل انت ياجميل.

حبيبه هههههههه مت**فنيش.

احمد انا اقدر يلا اسيبك تنامي سلام.

حبيبه سلام يا حبي.

حبيبه بتبص علي سلمي لقتها نامت.

حبيبه ايه ده انت نمتي اكيد تعبانه ياحبيبتي من الحمل ربنا يكملك بخير ويرزقني يارب الذريه انا كمان.

ونامت وهي بتدعي ربنا

في اليوم التاني.....

صحيت ولاء اول واحده لقتهم كلهم نايمين.

دخلت المطبخ عملت سندوتشات وفنجان قهوه مظبوط وقعدت في البلكونه.

حليم الصغير صباح الخير يا لولو ياقمر.

ولاء حبيب قلب لولو انت صاحي بدري ليه بس.

حليم انت عارفه يالولو الدروس وق*فها.

ولاء هههههههه احب اقولك ان دي احلي ايام حياتك كله الهم ده سهل الي جاي اصعب بكتير اوي.

حليم لاء يالولو ازاي بس دي أجمل ايام حياتي.

مريم صحيت صباح الخير يا لولو ازيك يا روح قلبي.

حليم صباح الفل ياحلي مامي في الدنيا وباس ايد امه.

ولاء صباح الفل ياروح قلبي.

مريم مصحتنيش معاكي ليه بس.

ولاء انا صاحيه من شويه يادوبك فطرت وشربت قهوتي تحبي اعملكم فطار.

مريم لما حليم والولاد يصحوا تعالي نطلع الفراخ واللحمه ونحضر هنعمل ايه علي الغدا.

ولاء يلا بينا انا جاهزه لاى حاجه.

مريم اهلا فوفا بتيجى انت دايما للمهمات الصعبه.

وفاء صباح الفل علي عيونكم بصي يامريم شوفي هتعملي ايه واطلعي انت بره وانا وولاء هنمسك المطبخ.

ولاء ايوه يا جامد انت.

وفاء انت عرفاني بحب النظام في السغل.

وولاء ووفاء طبخوا وجهزوا الغدا وبدأ الضيوف يوصلوا. احمد وحسن وصلوا وحليم قا**هم وسليم.

احمد اهلا ياسليم حمد الله على السلامة يا بطل.

سليم ولا بطل ولاحاجة.

حسن لاء بطل زي خالك هههههههه.

وقعدوا مع بعض يهزروا ويتكلموا.

مريم حليم اتصل علي خالد علي الاكل مايبردش وانت ياوفاء خشي غيري انت ولولو وانا وحبيبه وسلمي هنجهز الغدا.

وفاء تمام يلا يالولو.

ولاء حسن ابو علي انت فين يا ندل.

وفاء انت علي طول مهزأه كده بس بصراحه عندك حق.

حسن انا عارف ليه ومش هتكلم علشان عارف اني غلطان وباس ايديهم وراسهم.

مريم مش ناوي تتلم وتخطب انت كمان.

حليم ماتسيبوه براحته انت مستعجلين عليه ليه.

مريم علشان عايش زي الرحاله.

حسن شوفولي عروسه حلوه زيكم كده وانا موافق.

وهما بيتكلموا جرس الباب ضرب....

حليم ده اكيد خالد يلا يابنات جهزوا الاكل علي طول

خالد السلام عليكم اتأخرنا عليكم.

حمد لله على السلامة يا سليم.

ازيك يا احمد وسلم علي حسن.

امال وحنين دخلوا سلموا علي كل الموجودين.

حنين لسليم حمدالله على السلامه يا سليم انت عامل ايه حصلك حاجه.

سليم انا الحمد لله بخير انت عامله ايه وحشتيني

حنين انت اكتر انت مش عارف كان هيجرالي ايه لما عرفت الخبر

سليم انا عارف انا اصلا مكنتش اعرف انكوا عرفتوا حاجه وكنت شايل هم لحسن الخبر يوصل لكم والي كنت خايف منه حصل.

حنين معلش يا حبيبي المهم انك وسطينا دلوقتي.

سليم الحمد لله انت مش ملاحظه ان عمو خالد وباباكي مندمجين اوي في الكلام.

حنين اه صح اكيد بيتكلموا في السياسه.

مريم اتفضلوا ياجماعه يلا بينا الغدا جاهز.

وقاموا اتغدوا كلهم وكانت قاعده جميله وكلهم كانوا مبسوطين وكلهم شكروا في الاكل ووفاء كانت مبسوطه اوي.

وسليم كان فرحان باللمه العيله حواليه ومبسوط بيهم.

حليم تشرب ياخالد قهوه ولا شاي.

خالد ياريت قهوه مظبوط.

حبيبه انا عليا القهوة.

وفاء يابنتي المطبخ من اختصاصي انهارده.

حبييه انا كنت عاوزه اريحك شويه.

وفاء تعالي نعملها سوا.

قعد خالد وحليم واحمد دخلوا يشربوا القهوه في البلكونه.

وحنين وسلمي ومحمد وسليم وحسن قاعدين في الرسيبشن مقضينها ضحك وهزار.

ومريم وامال وولاء قاعدين بيحكوا لوحدهم.

حليم لخالد ايه رأيك ياحبيبي انا مش عاوز فترت الخطوبه دي تطول ايه رايك نخلي خير البر عاجله.

خالد مش فاهم قصدك ايه.

احمد قصدك الي فهمته.

حليم ايوه.

خالد طيب فهموني

حليم عاوزين نلم شمل الولاد بدل ماكل واحد منهم في حته.

خالد بصدمه بسرعه كده.

حليم انا نفسي افرح سليم ومش هيطلعه من الي هوه فيه غير الجواز وبعدين حنين قدمها كام شهر وتخلص المدرسه وتكمل الجامعه عندي ايه رأيك.

خالد انت فجأتني طيب اخد رأي امها حتي.

حليم امها موجوده قوم كلمها وخد رأيها.

خالد تمام وقام خد امال ووقف معاها علي جنب حكلها.

امال بجد والله.

خالد مالك يا وليه انت مبسوطه كده ليه.

امال كل ما الخطوبه تطول بيحصل مشاكل انجز احسن وبعدين ده عريس مايتعوضش.

مريم دخلت لحليم خير في ايه خالد قام خد امال ووقفوا علي جنب كده ليه.

حليم حكي لمريم.

مريم بجد.

حليم وخالد قام ياخد رأيها.

مريم يبقي هيوافق امال هتموت علي الولا.

حليم ياواثق انت من نفسك يا جامد.

مريم امال ايه طبعا.

وهما بيتكلموا لقي خالد جاي وشه مخضوض وامال وفرحانه اوي.

مريم شوفت ازغرت.

حليم هههههههه زعرطي.

مريم راحت ض*بت زعروطه.. سليم ايه ده انا اول مره اسمع ماما تزغرط.

حسن تعالوا نشوف في ايه.

حنين اكيد بتزغرط علشان رجوع سليم.

سليم هما مش بعيد تعالوا يلا.

حسن خير يا جماعه في ايه ايه الزغاريط.

حليم بص لسليم وحنين بفرحه شديده ايه رايكم نجمع شملكم انت وحنين بعد ماحنين تمتحن امتحانات اخر السنه.

سليم بص لابوه بدهشه ايه طيب ازاي احنا مبدأناش في اي حاجه.

حليم ماتشلش هم حاجه اهم حاجه ان ابوها وامها موافقين يبقي كل حاجه سهله ان شاء الله.

حسن مبروووك يا بطل.

احمد الف مبروووك يا عريس.

وكلهم بدأوا يباركولوا وهو مندهش وحنين مخضوضه ومابينطقوش.

مريم مالكم ياحبايبي ماتقلقوش كل حاجه هتخلص وهنعملها زي مااحنا عاوزين.

وفاء فضلت تزغرط وولاء ترد عليها لوللولوي.

اخر الليل كل واحد روح بيته احمد لحبيبه هتروحي معايا ولا هتقعدي مع مريم.

حبيبه جايه معاك ياروح قلبي طبعا وقربت عليه انت وحشتني اوي.

احمد اه واضح خالص.

وفاء انا هروح بقي لحسن العيال هيجننوا ابوهم وهيطلقني بسببكم.

ولاء خديني معاكي.

مريم انتوا كلكوا هتمشوا هتفضوا عليا البيت ياولاد.

حليم واحنا مش كفايه عليكي.

سلمي وانا همشي الصبح.

مريم انت كمان ياسلمي هتسيبني.

سلمي ماما انت عارفه انا سيبه محمد بقاله كتير قاعد لوحده.

حليم اقعدي معانا انت وجوزك تاخدوا بحسنا.

سلمي يابابا محمد بيبقي قاعد م**وف بس هكون موجوده كل يوم مع ماما اط شاء الله.

حليم ايوه علشان تجهيزات شقت اخوكي مش عاوزك تسيبيه في اي حاجه.

سلمي طبعا يابابا هكون معاه في اي حاجه