روايه قطار العمر

البارت ١٦

البارت السادس عشر.....

سليم وانا ان شاء الله ياحبيبتي مش هسيبك من تاني هفضل في حضنك دايما.

مريم حبيبي ربنا يباركلي فيكم يارب.

حليم يلا ياحبيبي ادخل غير علي مايحضرولك لقمه هتلاقيك علي لحم بطنك.

حبيبه انا هعملك احلي فطار خاليكي امن ياا**ه مريم.

سلمي يلا وانا جايه معاكي.

دخل سليم وياخد شاور ويغير هدومه.

خرج سليم من الاوضه لقي الفطار جاهز فطر وهو كان بيفطر فضل يبص لابوه وامه واخواته ويحمد ربنا علي نعمه الاهل والستر ونعمه العمر الي ربنا مديهوله وبيقول في سره اللهم لك الحمد والشكر يارب.

حليم مالك سرحان في ايه يا حبيبي.

سليم والله يا بابا انا فرحان اوي بوجودي وسطيكم انا كنت خايف لحسن مشفكمش من تاني.

مريم خلاص ياحليم متتكلمش في الموضوع ده تاني.

سلمي سيبيه يفصفض ياماما.

مريم انا مش عاوزاه يفتكر الايام الصعبه دي اخوكي قاسي في الايام دي اوي اوي.

حليم الحمد لله الايام الصعبه عدت على خير وسليم بقي وسطينا اهه ايه رأيكم نعزم حنين وخالد انهارده.

سليم هي حنين عمله ايه يا بابا هما عرفوا بالأحداث الي حصلت ليه دي كلها.

حليم ده الدنيا كلها عرفت.

سليم وعرفوا ازاي بس انا عرفت انهم ماأعلنوش عن اي اخبار عن الموضوع ده.

حليم يابني امك كانت بتموت ودخلت المستشفى اول ماعرفت حكايت ض*ب الكتيبه دي.

سليم ياحبيبتي ياامي حقك عليا.

مريم وهو انت ذنبك ايه يا حبيبي.

سلمي امك رمت عمار واغمي عليها وقضينا يومين زي الفل وحنين كانت مبتفصلش عياط وكانت مقهوره اوي.

سليم ان شاء الله الي جاي يبقي احسن من الي فاتنا.

حليم ان شاء الله ياحبيبي.

سليم انا مابقتش قادر انا هدخل انام.

مريم ادخل ياحبيبي ربنا يباركلي فيك يارب.

سلمي حبيب امك انت اصلك مخلفتيش غيره.

مريم ماشي يا جزمه انتوا كلكم عندي زي بعض.

سلمي واضح ياماما اننا عندك كلنا زي بعض هههههههه.

سليم دخل ينام....

حليم اتصلي بحنين طمنيها علي خطيبها واعزميهم بكره علي الغدا علشان نتجمع مع بعض حلاوه رجوع سليم.

مريم حاضر يا حبيبي هكلمها علي طول.

حبيبه انا هعمل الغدا مع سلمي واروح كفايه كده علي احمد.

حليم ياسلام يعني بقولها عاوزين نتجمع تقولي هروح مافيش مرواح اتصلي يامريم علي ولاء ووفاء اختك وحسن علشان يبقي تجمع عائلي للعيلتين.

مريم والله فكره حلوه ياحليم احنا من يوم سبوع عمار متجمعناش خالص.

حليم واعزمي سهير جارتنا ومرات محمود ابنها.

مريم والله عندك حق انا نسيت اشكرهم اصلا علي انهم اهتموا بعمار وانا في المستشفى.

حليم انا نازل شوفي بقي ولاء ووفاء علشان ينظموا معاكي العزومه.

مريم حاضر هخلي ولاء تيجي من الشغل علي هنا.

حليم سلام...

نزل حليم لشغله ومريم اتصلت على ولاء...

الو ازيك يا ولاء

ولاء مالك يا مريم انت فيكي حاجه.

مريم عينيها دمعت كده ياولاء مش تسألوا عليا يعني لو انا مكلمتكمش متعبرونيش كده.

ولاء فيكي ايه يا حبيبتي.

مريم انا كنت بموت وسليم الكتيبه بتاعته جماعه ارهابيه ض*بتهم وياعالم يمكن ماكنتش شفته تاني.

ولاء ازاي ده كله يحصل وماعرفش وسليم اطمنتوا عليه.

مريم اه الحمد لله لسه راجع انهارده الفجر بس متبهدل خالص بس زمايله كلهم استشهدوا.

ولاء لاحول ولا قوة الا بالله وانتي ياحبيبتي فيكي ايه.

مريم تعالي انهارده بعد الشغل علشان حليم عازمكم بكره علي الغدا علشان نبقي حوالين سليم.

ولاء هجيلك حاضر.

مريم وكلمي وفاء اختك وانا هكلم حسن اخوكي الندل الصغير.

ولاء اجبلك اي طلبات وانا جايه.

مريم لاء بس متتأخريش.

ولاء حاضر وقفلت مع مريم واتصلت علي وفاء اختها حكتلها وفاء يانهار ابيض انا مش هاجي بكره انا هروح لها بعد الشغل علي طول.

ولاء ووفاء خلصوا شغل وراحوا لاختهم مريم.

ولاء ماله ياسلمي سليم اخوكي مش تكلمينا يابت.

سلمي والله ياخالتو انا كنت ويلي ويلين عمار مش عارفه اعمل معاه ايه ولا ماما الي كانت فاقده الوعي ومرميه ولا سليم اخويا الي مكناش عارفين عنه حاجه.

وفاء يا حبيبتي لما يكون في ظروف زي كده لازم نكون معاكي.

سلمي والله تفكرنا اتشل ومخنا وقف خالص من الخضه ياريتني عرفتكم علي الاقل علشان عمار ده انا سيبته عند طنط سهير جارتنا.

وفاء الحمد لله على كل حال امال سليم فين وامك فين.

سلمي ماما نايمه ماهو سليم جه اربعه الفجر وفطر ودخل نام وماما لسه تعبانه دخلت نامت هي كمان. وفاء سيبيها نايمه.

ولاء امك كانت بتقولي ان حليم عامل عزومه للعيله كلها بكره.

سلمي اه علشان كلنا نتجمع حوالين سليم انت يالولو لو تسمعي كلامه يقطع قلبك.

ولاء وهو في حاجه يعني الحمد لله طلع سليم من الض*ب ده

سلمي الحمد لله كان طالع مأموريه بس رجع شاف منظر اصحابه وقع وسطيهم كانوا فاكرينه بعد الشر بعد الشر عنه ميت هو كمان وخدوه علي المستشفى والدكاترة الي عرفوه انه عايش هناك وفاق سليم وكان عنده انهيار ده هو بيحاول يتماسك قدمنا علشان ماما بس بس باين عليه التعب النفسي الي هو فيه فابابا عاوز نتجمع معاه علشان ننسيه وعلشان خاطري متجيبوش سيره الي حكيته ده قدام ماما، ماما متعرفش اي حاجه.

وفاء بدموع وهي ده حاجه تتحكي يابنتي الحمد لله انه رجع بالسلامة.

سلمي ده بابا بيقول كان جاي معاه قوه من الجيش جامده علشان تأمينه.

وهما بيتكلموا خرجت حبيبه.

ازيك يا ا**ه وفاء ازيك يا لولو.

وفاء هو انت هنا ياحبيبه.

حبيبه انا بيته هنا من امبارح روحت للدكتور الي عمي حليم حجزلنا عنده امبارح واما لقيت ا**ه مريم تعبانه ماردتش اروح مع احمد.

وفاء والله فيكي الخير يا حبيبه وعملتي ايه عند الدكتور قالك ايه.

حبيبه لسه طلب تحاليل في معمل مخصوص تبعه وقالي ان التحاليل القديمه مطمئنه بس نعمل تاني نتأكد اكتر.

ولاء الحمد لله ياحبيبتي ربنا يراضيكي ويرزقك الذريه الصالحه انت واحمد اخويا يارب

حبيبه يارب يا ا**ه لولو. وفاء انا سمعه عمار بيزقزق شويه ليصحي ماما.

سلمي والله مش واخده بالي هروح اجيبه.

حبيبه ده بقي سكر خالص وهو عمال يبصلك ويتأمل فيكي كانه عاوز يحفظ شكلك.

ولاء عقبال ماتجيبي ياروحي.

حبيبه ممكن اجيب بالحلاوه دي.

وفاء ان شاء الله ماانت قمر واحمد اخويا قمرين هههههه.

مريم اهلا بالوحشين..

وفاء والله يا مريم انا برجع من الشغل في طحونه ماانت عارفه البيت والعيال.

ولاء ده انا الي زعلانه انت عارفة اني فاضيه وقاعده لوحدي عرفوني وانا ابقي عندكوا في ثواني.

مريم حصل خير الحمد لله.

ولاء يخواتي علي الحلويات تعالي لخالتو ايه ده يا مريم الحلويات دي كنت عيناها فين ياواد ده انت لو بنت كنت هتلم علينا العرسان.

وفاء هههههههه انت صايعه طول عمرك تعالي ياروح خالتك انا لازم اجبلك عروسه حلوه زيك كده.

ولاء هو انت تعرفي تجيبي الحلاوه دي اصلا بصي بيضحك ازاي عارف اني بتكلم عليه ياخواتي علي السكر ده ليكي حق ياحبيبه.حبيبه شوفتي ياا**ه قمر ازاي.

مريم ان شاء الله تجيبي احلي منه ماانت قمر ياحبيبه وعلي فكره احمد كان شبهي وهو صغير.

حبيبه ماانا خايفه يطلع شبهه وهو كبير هههههههه.

وفاء انا هقوم امشي علشان متأخرش وبكره هجيلك من بدري علشان نشوف موضوع العزومه دي.

مريم طيب اصحيلك سليم.

وفاء ماانا جايه بكره سيبيه نايم الله يكون في عونه اشوفكم بكره ان شاء الله.

مريم مع السلامة يا حبيبتي متتأخريش بقي بكره.

ولاء علي فكره سليم مش هيخرج من الي هواه فيه غير لما يلاقي حاجه تشغله وتنسيه.

مريم ماهو هينزل بقي الشغل مع ابوه.

ولاء شغل ايه الهيه وجوزيه علي طول.

مريم بصتلها بأبتسامه وإعجاب بفكرتها والله فكره والشقه جاهزه علي الفرش بس وحنين كمان دي اخر سنه لها في الدبلوم يعني تخلص السنه دي ولو عاوزه تكمل تكمل الجامعه وهي عندنا.

حبيبه وعمو حليم هيوافق.

مريم ده حليم نفسه يفرح بيه ويشوف عياله.

سلمي هما جايين بكره ممكن تفتحوا الموضوع بس خدي راي بابا الاول.

مريم طبعا انت عاوزه ابوكي يدبحني هههههههه هقول له كمان قبل مااعرف سليم.حبيبه تعالي يابنتي نشوف الغدا لحسن ابوكي يجي يعلقنا.

مريم اه قوموا شوفوا الاكل زمانه ابوكي جاي.

عدا الوقت ومريم وولاء قاعدين بيتكلموا لغايت ماحليم رجع من الشغل.

حليم اهلا انت فين يا بنتي انت بتروحي وتقولي عدولي كده.

ولاء انا موجوده اهه اول مامراتك بعتتلي جتلها علي طول.

حليم عرفتي اختك جرالها ايه هي وابنها.

ولاء عرفت الحمد لله انها جت علي قد كده.

حليم الحمد لله هو سليم فين لسه نايم؟

مريم اه لسه ماصحيش من النوم نايم في غيبوبه.

حليم طيب بصيتي عليه.

مريم طبعا كل شويه ادخل اشوفه واطمن عليه.

حليم خلاص سيبوه نايم وحطوا الاكل لحسن واقع من الجوع.

سلمي الاكل سخن ادخل غير الاكل هيبقي علي السفره.

حليم الله عليكي طالعه لامك وقبل مايدخل يغير دخل بص علي حليم لاقاه نايم في سابع نومه مش حاسس باي حاجه.

وبعد الغدا....

حليم جوزك فين يا سلمي.

سلمي هيجي بكره يابابا هو في مأموريه في اسكندريه.

حليم تمام والواد حليم فين.

مريم في الدروس طيب هاتي الواد عمار في حضني شويه وحشني ياواد يا ابن......

مريم وانت كمان وحشه والله شوفت بيبصلك ازاي.

حليم معلش يا حبيبي كنت قلقان علي اخوك علشان كده كنت مشغول عنك.

مريم ايه رأيك يا حليم نتمم فرح سليم وحنين علي طول.

حليم وليه الاستعجال في الامر.

مريم ولا استعجال ولا حاجه عاوزه اطمن عليهم وافوق سليم من الي هوه فيه.

حليم والله انا معنديش مشكلة بس مش نشوف الطرف التاني.

مريم كده كده هما جايين بكره افتح مع خالد الموضوع.

حليم خلاص بأذن الله كويس انهم مجوش انهارده انا مكنتش هصحي سليم لاي سبب من الاسباب.

مريم انت عزمت خالد.

حليم طبعا وانت كلمتي مراته.

مريم اه كلمتهم الصبح بس قلتلهم ان حالته صعبه وتعبان ونايم قالتلي خلاص نسيبه يرتاح انهارده وانا قلتلها هنستناكي علي الغدا بكره ان شاء الله.حليم برافو عليكي انا كنت خايف لحد يجي ومش عاوز اقلقه.

مريم انا هقوم اغير لعمار لحسن من هو كده ريحته هتطلع علينا.

سلمي هاتيه ياماما اغيرله

مريم اقعدي ارتاحي شويه انت وقفه طول اليوم.

حبيبه هاتيه انا الي هغيرله.

مريم ماانت واقفه انت كمان طول اليوم.

ولاء طيب بقي ولا انت ولا هما تعالي ياروح خالتك اغيرلك انا دول هيتعزموا عليك.