روايه قطار العمر

البارت الثامن عشر

البارت الثامن عشر.....

سلمي طبعا يا بابا هكون معاه في اي حاجه.

حليم ربنا يخليكم لبعض.

ومرت الايام في تجهيز شقه سليم.

وبدأت حبيبه وأحمد في مشوار العلاج وكان الدكتور عنده امل انهم يخلفوا من غير عمليات لانه الحمل متأخر من غير اي سبب وكان علي طول بيأكدلهم انه الموضوع موضوع وقت.

وبعد خمس شهور بدا عمار يحبي ويعمل جو جميل في البيت لحليم ومريم وكل مايكبر يملي البيت فرحه بيه ووسط الفرحه دي مريم كانت علي طول تبص له وتقوله ياترا هفرح بيك زي اخوك ياترا هعيشلك ولا......

وفي يوم قامت حبيبه دايخه ومش قادره تقوم من علي السرير.

احمد ايه يا بيبيو مش هتجهزيلي فطار.

حبيبه جت تقوم من السرير حست بضغطها واطي ومش قادره تحط رجلها الأرض.

احمد مالك يابيبو.

حبيبه حاسه اني ضغطي واطي وماغي لفه.

احمد طيب خلاص نامي ماتقوميش.

حبيبه لاء هقوم اهه ولسه بتقوم ووصلت للمطبخ بتفتح التلاجه دماغها لفت ووقعت محستش باي حاجه حواليها.

احمد سمع خبطه جامده علي الارض جري علي المطبخ حبيبه حبيبه مالك يا حبيبتي وشالها ودخل بيها علي السرير.

اتصل بمريم.....

احمد الحقيني يا مريم.

مريم مالك ياحبيبي في ايه.

احمد حبيبه صغطها كان واطي وقامت دخلت المطبخ ووقعت من طولها مش عارف اعمل ايه.

مريم طبعا اجري شوفلها دكتور يقيس لها الضغط وشها كان اصفر ومش عاجبني.

احمد حاضر سلام.

اتصل علي دكتور جارهم يبص عليها.

الدكتور وصل بيخيط علي الباب.

الدكتور خير يا استاذ في ايه.

احمد اتفضل يا دكتور المدام وقعت اغمي عليها وكانت حاسه قبل ماتقع ان ضغطها كان واطي.

الدكتور دخل كشف عليها وقاس لها الضغط.

احمد خير يا دكتور في ايه.

الدكتور كل الاعراض والاستنتاجات بتقول ان المدام حامل انا مش هقدر اكتبلها اي اديه بس لازم تتعرض علي دكتور نسا يتابع معاه.

احمد واقف مش عارف يرد علي الدكتور من المفاجأة وواقف مابيردش خالص.

الدكتور استاذ استاذ احمد مالك.

احمد فاق للحظه شكرا يادكتور وباسه وحضنه والدكتور مستغرب من رد فعله معاه.

الدكتور خرج روح واحمد دخل لحبيبه.

احمد بيبيو ام احمد فوقي بقي انت مسمعتيش الدكتور.

حبيبه بعياط انا خايفه افرح ليطلع تشخيصه غلط.

احمد عيشي اللحظه حتي لو غلط اهم حاجه نعيش الفرحه دي من نفسنا.

حبيبه حطت ايديها علي بطنها ممكن تكون جوه ممكن خلاص هبقي مامي الحلم اخيرا هيبقي حقيقهاحمد ماتخافيش ان عندي احساس ان حماده قرب.

لقوا الباب بيخبط...

احمد مين الي جاي دلوقتي في اللحظه دي.

احمد قام فتح الباب مريم تعالي ياوش السعد ادخلي.

مريم خير يا قلب اختك في ايه طمني.

احمد بفرحه شديده وبيتكلم بالراحه الدكتور بيقول ان حبيبه حامل.

مريم وعينيها كلها دموع ايه الف حمد وشكر ليك يارب، هي حبيبه فين.

احمد تعالي جوه في الأوضه.

مريم ام الغالي ومرات الغالي مبروووك يا روح قلبي وحضنتها وباستها الف مليون مب**ك.

احمد انا مش مصدق يا مريم انا حاسس ان دماغي هيجرالها حاجه.

احمد لقي الباب بيخبط...

مريم ده اكيد حليم.

احمد هو جهه معاكي.

مريم هو احنا هتيجي لاغلي منكم ده انهارده عيد بالخبر الجميل ده.

احمد فتح اهلا ياحبيبي اتفضل.

حليم خير يا حبيبي في ايه طمني علي حبيبه.

احمد ادخل ياوش السعد انت.

حليم خير يا رب اوعي تقولي انه حصل.

احمد الحمد لله اخيرا انا مش مصدق تعالي ادخل هما جوه حبيبه ومريم.

حليم الف مب**ك يا حبيبتي ربنا يكملك على خير يارب.

مريم حفظي علي نفسك ولا تيجي تقعدي معايا اخدمك واحطك تحت عيني

احمد وهو انا فين انا مش هخليها تقوم من السرير.

مريم حبيبي ربنا يخليكم لبعض نسيبكم بقي وعرفوني هتروح امتى للدكتور علشان اجي معاكوا.

احمد هحجزلها وابلغك علي طول.

حليم نسيبكم بقي.

احمد مع الف سلامه ربنا يخليكم ليا يارب.

روح مريم وحليم بيتهم.

سليم خير يابابا انتوا كنتوا فين.

حليم بارك لخالك احمد الحمد لله مراته ربنا كرمها.

سليم بجد الف مبروووك الحمد لله

حليم عقبالك قولي الشقه اخبارها ايه.

سليم كل شئ تمام وفاضل علي اخر وش دهان وننزل نجيب العفش.

مريم وماتعرفش حماك عمل ايه في جهاز حنين

سليم الي اعرفه انهم هيجيبوا كل حاجه علي الشقه علشان ميشغلوهاش عن مذاكرتها.

مريم ان شاء الله كله يتلم علي المعاد ربنا يحعلها سنه سعيده عليكم كلكم واطمن علي سلمي ومولودها هي كمان.

وبعد مرور ثلاث سنوات.

سليم صباح الخير يا نونتي.

حنين هتفضل تحبي لاخر العمر.

سليم انت عندك شك فيا ليه كده.

حنين امال ليه مش عاوز تسعي في موضوع الخلفه ده بأهتمام.

سليم انت عارفه انك اهم حاجه عندي في الدنيا.

حنين ده كلام.

سليم هو انت لازم وصلت النكد ده علي الصبح يابنتي دي ارزاق وماخالي احمد اهه ربنا رزقه بمنه وماليه عليهم حياتهم الموضوع موضوع وقت وبس.

حنين يعني حبيبه ماكنتش بتسعي ولا بتدور علي موضوع الخلفه ده.

سليم طيب ماانت بتابعي هو انت ساكته وهو انت بتبطلي لف عند الدكاتره هي اختك اسماء كلمتك امتي.

حنين وهي مالها اسماء في الموضوع.

سليم والله ده هيا قس البلاوي هي هتبقي سبب طلاقك أسماء اختك دي بصي خاليكي وراها انا هسيبلك البيت وهنزل.

حنين سليم طيب هتنزل مش هتفطر.

سليم شكرا كتر خيرك مش عاوز فطار ولا زفت رزع الباب وسبها ونزل.

حنين بصت للباب وفضلت تعيط.

سليم كان لازم ينزل يصبح علي مريم.

صباح الخير يا ست الكل.

عمار ابيه سليم.

سليم روح قلب سليم خدت المصروف انهارده.

عمار بص لمريم وسكت.

مريم لم نفسك يا بلطجي مش بابا اداك مصروف الصبح.

سليم ايه يعني ياخد تاني مش هو شاطر في الحضانه.

مريم اه من ناحيه شاطر فهو شاطر.

سليم ومراحتش الحضانه ليه لغايت دلوقتي

مريم مستنين الاستاذ حليم بيلبس علشان ياخده وهو رايح الجامعه.

سليم يبقي هتتأخر ياعمار.

مريم عيل دماغه كبيرة اوي.

سليم سيبيه يعيش يومينه دول قبل مايدخل في جواز وارف الجواز.

مريم روح ياعمار شوف اخوك خلص ولا لسه، مالك ياسليم فيك ايه وسمعاك صوتك عالي مع حنين.

سليم مخها صغير ومش عاوزه تكبر وماشيه ورا اختها حتي لو قالتلها ارمي نفسك في البحر.

مريم يابني اصبر عليها وقدر الي هي فيه.

سليم وماحدش يقدر الي انا فيه لو حد غيري كان رما اللوم عليها.

مريم انت موحد بالله ودماغك كبيرة،ماانت شوفت خالك قعد اد ايه وبعدين ربنا رزقه ومن غير اي حاجه.

سليم بعصبيه والله بقولها وهي الي مش صابره.

حنين نزلت وراه شوفتي ياماما علي طول متعصب كده.

سليم ماما انا نازل علشان مرتكبش جريمه عمار تعالي وانا اوصلك الحضانه.

عمار سلم على مريم وباسها وحنين وباسها.

سليم خد عمار ونزل.....

مريم في ايه يا بنتي اهدي شويه انت مجنونه يابت.

حنين فضلت تعيط.

مريم عيشي يومين ودلعي جوزك قبل مايجيلك عيال يطلعوا عينكوا انتوا الاتنين.

حنين انا حاسه اني ناقصه نقصني شئ.

مريم ده حتي كلامك دبش ناقصه ايه يا بت هو انت في ايدك حاجه ارحمي نفسك.

لقوا جرس الباب بيرن....

حنين هشوف مين.

مريم لاء روحي اغسلي وشك علشان محدش يشوفك كده.

حنين حاضر

سلمي...

مريم حبيبتي انت فين يا وحشه وحشتوني انت والجزمه الصغنن ده انت بقي هتفضل صغير ومش هتروح حضانه.

يوسف انا عاوز اروح مع عمار ماما مش راضيه.

سلمي هو ياماما لسه صغير وانة خايفه عليه.

مريم يروح يتعود يبعد عنك.

حنين ازيك يا سلمي يويو حبيبي عامل ايه وحشتني اوي.

يوسف حضنها وقعد على رجلها.

سلمي مالك يا نكد فيكي ايه.

مريم بصت لحنين علشان متحكيش.

حنين عادي مافيش حاجة.

سلمي عادي واضح اوي اهه.

مريم انتوا فطرطوا يابنات.

سلمي لاء انا جايه افطر معاكوا اصلا.

مريم وانت ياحنين.

حنين لاء.

سلمي تعالي نعمل فطار مع بعض يلا قومي وانت ياسوسي اقعد مع ننا هنا متجيش ورايا فاهم.

يوسف بدلع حاضر.

مريم تعالي انت اقعد في حضن ننا الا هو الواد حليم راح فين هو نام تاني تعالي ياسوسي لما نشوفه.

مريم يانهارك ابيض الواد نام تاني.

مريم سوسي نط عليه.

يوسف ده نايم.

مريم نط متخافش ده خم نوم.

يوسف نط علي حليم.

حليم بخضه ايه ده في ايه.

مريم قومي يافاشل انت يابني مش كنت بتلبس.

حليم مش عمار راح الحضانه خلاص وتعالا انت بقي انا هعرفك تخضني ازاي وقعد يزغزغه وخده في حضنه ويوسف استسلم ونام في حضنه.

مريم عليه العوض فيكوا انتوا الاتنين.

سلمي مالك يا ماما في ايه عملوا فيكي ايه.

مريم اخوكي هيجنني وابنك خدته يصحيه نام في حضنه.

حنين هي ا**ه حنين مابتجيش ليه.

مريم انت عارفه انها بتخاف علي منه اوي.

حنين ليها حق دي جايه بعد شوقه

سلمي وايه يعني انا بحب البساطه في كل حاجه مانبقاش اوفر.

مريم يابنتي وهي اوفر في ايه هو اول طفل بيبقي الاهتمام بيه زياده بس.

حنين انا نفسي احس الاحساس ده اوي.

سلمي بكره تزهقي وتقعدي تصوتي وتجري وراهم.

مريم هههههههه اه والله اهه الي كان يشوفني وانا بعامل سليم وسلمي مايشوفنيش وانا كنت بجري ولا حليم بالشبشب هههههههه.

حنين هههههههه هههههههه.

مريم اخيرا ضحكتي.

سلمي اكيد واحد يهودي مات.

مريم فرفشوا كده وانبسطوا وعيشوا يومكم وكله بيمر ويتنسي

حنين يارب يعدي انا تعبت اوي، انا هطلع اروق الشقه وانزلكوا تاني.

يوسف انا هاجي معاكي.

حنين تعالي ياروح قلب حنين.

طلعت حنين واتصلت علي أسماء

أسماء الو ازيك يا نونا.

حنين انا اهه.

اسماء مالك يا نونا مزعلك زي العاده.

حنين اتعصب عليا لما كلمته في موضوع الخلفه.

أسماء مش عاوز يتعب ولا يدفع بخيل.

حنين لاء هو مش بخيل بس معرفش هو ماله في موضوع الخلفه ده.

اسماء هو انت اصلا بتطلبي منه حاجه علشان تعرفي بخيل ولا كريم

حنين طيب هو مش عاوز يخلف مني ليه.

أسماء شوفي انت بقي مش عاوز يشيل مسؤليه ولا يدفع مصاريف عيال.

حنين تعالي يايوسف.

اسماء هو كمان سي يوسف قاعد معاكوا خاليه يبهدلك شقتك قبل عيالك.

حنين طيب سلام انا هروح اروق علشان انزل لماما مريم.

أسماء يختي مش بنتها تحت سيبيها تخدم امها وانت مالك بيها.

حنين اعمل ايه يعني بس ماانا عايشه معاهم تحت.

اسماء انت خايبه مسلامهم كل حاجه معندكيش شخصيه خالص.

حنين يعني انا بكلمك علشان تضيقيني.

أسماء انا خايفه عليكي وبوعيكي علشان انت ع**طه