روايه قطار العمر

البارت العشرين

البارت العشرون.....

سليم بسرعه يلا قبل ماارجع في كلامي.

حنين في ثواني هتلاقي الاكل جاهز.

سليم يارب تكوني عملالي اكله حلوه.

حنين عملالك كل الي بتحبه.

سليم انا مبحبش غيرك ياحنين.

حنين انت متأكد بس اوعي ترجع في كلامك.

سليم متخافيش مش هرجع في كلامي بس لو مأكلتنيش حالا ممكن افكر ارجع في كلامي هههههههه.

حنين يلا الاكل جاهز اهه خلاص.

سليم وحنين اتعشوا....

سليم تسلم ايدك يا روح قلبي وباس ايدها الا قوليلي ايه الشياكه والجمال ده كنت مخبيه الحلاوه دي بقالي كتير مشفتكيش لابسه ومتشيكه كده.

حنين معلش قله عقل مني بس من النهارده مش هتشوفني غير كده.

سليم واسماء اختك.

حنين مش هتعرف عني حاجه تاني.

سليم اكيد ياحنين.

حنين جابت موبايلها طيب بص مكلماني كام مكلمه وماردتش عليها.

سليم لاء كلميها دي اختك بس متعرفش عنك اي حاجه خالص.

حنين متقلقش والله.

سليم خلاص كده بقي نقوم نروح اوضتنا وشال حنين ودخلوا اوضتهم.

تاني يوم الصبح.....

حنين سليم سمسيمو انت مش هتروح الشغل.

سليم لاء انا هدي نفسي اجازه.

حنين قامت من السرير وقعدت بجد

سليم بجد عاوزك تدلعيني زي اول جوازنا ولا نسيتي اروح اشوف عروسه.

حنين حطت ايديها علي رقبته انت عاوزني اخنقك.

سليم ايه ده مش مصدق نفسي انت بتهزري عادي كده في ايه انت سخنه اصلي كنت بختبرك.

حنين يعني الحمد لله نجحت في الاختبار.

سليم ايوان وعلشان كده ليكي هديه.

حنين هديه ايه هي قول علشان خاطري.

سليم مفاجأه.

حنين لاء قول بقالك كتير مجبتليش هدايا قول.

سليم ماما قالتلي عاي الدكتور الي قولتلها عليه وانا موافق اروح معاكي والي هيقول عليه هعمله ايه رأيك بقي.

حنين بجد وبقت تتفطط علي السرير.

سليم اعقلي يامجنونه هجيبك من عندنا تحت هههههههه هههههههه.

حنين حضنته تاني انا اسفه ياسليم مش هزعلك تاني خالص

سليم بلاش نتكلم في اي حاجه تنزعل ومن النهارده اهتمامك بعلاجك وبيتك وبس فاهمه ولو مش عاوزه تنزلي لماما خاليكي في شقتك.

حنين يالع** دي ماما مريم حنينه عليا زي ماما امال بالظبط عمري ماحسيت انها بتفرق بيني وبين سلمي

سليم انا حابب انك تبقي بحريتك بس.

حنين لاء متقلقش خالص.

يوم ماهبقي مضيقه من حاجه اكيد انت اول واحد هقوله.

سليم انا بس مش عاوز ابقي ضاغط عليكي في اي حاجه.

..... ...... ....... ......

مريم هو سليم لسه منزلش ياحليم.

حليم سليم واخد انهارده اجازه شكلهم بيتصالحوا جامد شويه.

مريم ربنا يهديهم لبعض خاليهم يقضوا يومينهم.

حليم هههههههه فاكره ايام زمان يامريومه تيجي ناخد يومين نسافر فيهم ناخد اجازه.

مريم ياريت والله احنا بقالنا كتير مخرجناش مع بعض لو اننا مرينا ب*روف صعبه كتير.

حليم بس احنا لوحدينا.

مريم ازاي بس لوحدينا وهتسيب حليم وعمار لمين.

حليم ماحنين وسلمي موجودين في البيت اهم.

مريم لاء ماينفعش اسيب حنين تشيل حملهم لوحدهم.

حليم خلاص هظبطلكوا اجازه يومين نطلع مصيف كلنا وناخد احمد معانا علشان منه تلعب مع عمار ويوسفمريم ربنا يخليك لينا بس عرف سلمي علشان جوزها يعرف ياخد اجازه علشان ميرخمش عليها.

حليم طول ماانا عايش محدش يقدر يرخم عليها.

مريم ربنا يخليك ليها بس لازم تحترم ظروف زوجها وتقدرها كمان.

حليم ياسلام عليكي يا ست الكل انتي قوليلي الواد عمار فين.

مريم بيرخم علي حليم علشان يوديه الحضانه.

حليم والله الواد حليم ده خم نوم معرفش طالع لمين.

مريم كنت عوزاك في موضوع.

حليم خير قولي.

مريم حنين بتقولي ان في دكتور كبير بيعمل الحقن المجهري في مستشفي حكومي بس في قسم اقتصادي بيعمل عمليه الحقن دي عاوزينك تكلم سليم.

حليم وليه نعملها في مستشفى حكومي مااعملها لهم في احسن مستشفي.

مريم انت عارف سليم مش هيرضي ياخد منك فلوس وهي بتقولي الدكتور ده عنده عياده كبيرهحليم تمام تعالوا نروح نكشف في العياده الاول وبعدين نقرر هنعملها عنده ولا لاء.

مريم ربنا يخليك لينا يارب.

حليم قوليلها انا هكلمه متشلش هم خالص طول ماانا عايش.

حليم صباح الخير يا بابا صباح الخير يا ست الكل.

مريم نموسيتك كحلي انت بتجيب النوم ده كله منين.

حليم ياماما ابنك طول الليل مشغلي اغاني طيور الجنه بيعملي وش في دماغي لغايت مابنام صح يااستاذ عمار.

عمار ياماما انا بوطي الصوت صغنن علي قدي.

مريم شوفت الراجل طلع مظلوم.

حليم طيب انا عاوز فلوس للمواصلات.

حليم هوانت مابتشبعش فلوس اخوك الكبير كان بيصرف علي نفسه وهو في سنك.

حليم يابابا انا في الجامعه سليم كان بيشتغل.

حليم طيب ناتنزل تشتغل معانا بدل ما انت قاعد في البيت طول الاسبوع وبتاخد فلوس علي الفاضي.

حليم وقف وسكت وهومضايق طيب انا هنزل يلا ياعمار علشان الحضانهنزل حليم وهو مضايق من كلام ابوه.

مريم راحت وقفت في البلكونه وندهت عليهم عمار حليم استني.

حليم ايوه يا ماما.

مريم خد وحدفتله فلوس ملفوفه في ورقه ودخلت.

حليم برده ادتيه فلوس انت الي هتبوزيه.

مريم طيب يسيب دراسته علشان يشتغل هيصرف منين يعني.

حليم انت مشكلتك معايا حنيتك الزياده علي الولاد حتي مع مرات ابنك مش عارفه تمشي البيت صح زي ماانا عاوز انا نازل احسن مانتخانق.

مريم اضايقت وقعدت تستغفر هو في ايه ايه الي حصل لده كله هو احنا كل يوم بمشكله شكل لاحول ولا قوة الا بالله العلي العظيم.حليم خرج راح الورشه ولكل بيسأل علي سليم.

وحليم هو تعبان وواخد اجازه انهارده وهو قاعد لقي خالد داخل عليه.

خالد ازيك يا حبيبي انت فين وحشني.

حليم اهلا انت فين يا عم احنا جوزنا العيال علشان نشوف بعض اكتر وبقالي فتره كبيره مشفتكش انت مالك ومابتنزلش الشغل كتير.

خالد والله كنت تعبان شويه هي حنين ماقلتلكش.

حليم لا مقالتش حاجه والله مااعرف حاجه ازاي تكون تعبان ومعرفش.

خالد هتلاقي امها قالتلها متقولش علشان متتعبكمش.

حليم اتعب لأغلي منكم ده انت اخويا الغالي مالك فيك ايه يا حبيبي.

خالد كان عندي قرحه في المعده وكنت متبهدل بس الحمد لله دلوقتي احسن بكتير.

حليم الحمد لله بس العلاج عمل نتيجه.

خالد والله بالعلاج وعلاج بعسل النحل كنت شغال علي كله.

حليم ربنا يجعله بالشفا.

خالد هو سليم فين مش شايفه ليه.

حليم مدي لنفسه اجازه ياسيدي.

خالد ربنا يخليك ليهم وتدلعهم.

حليم والله الواحد كبر ومافيش غير سليم بس الي شايل عني الحمل كله الواد حليم مكبر دماغه علي الاخر ومطلع عيني.

خالد علشان الصغير الي بيشيل الحمل الكبير وسليم قدها وقدود.

حليم واهوه قالي هاخد انهارده اجازه مقدرش اقوله الشغل عاوزك الراجل مش مقصر معايا خالص.خالد ربنا يبارك لك فيهم وتشوف اولادهم وتفرح بيهم.

حليم يارب انا خايف اوي مشوفش عيالهم.

خالد ليه بتقول كده.

حليم والله مش عارف ليه دايما قلقان وخايف من يوم مخلفت عمار لوان اخواته منتهي الحنيه معاه اكتر مني كمان.

خالد انت ولادك ولاد حلال.

حليم الحمد لله ياحبيبي.

خالد انا هقوم اشوف الولاد الي عندي في الورشه علشان اروح.

حليم خلاص ياحبيبي ابقي طمني عليك مع السلامة.

انا كمان تعبت انهارده انا هقوم اروح مش عارف اقعد وسليم مش موجود.

...... ..... ....... ..... ......

سليم وحنين قاموا العصر من النوم

سليم بيلعب في شعرها وعمال يبصلها ويتأمل في وشها.

حنين انت مالك كأنك اول مره تشوفني.

سليم كنت وحشاني ووحشني هدوءك ورقتك دي.

حنين ياسلام قصدك ايه.

سليم قصدي انك كنت شعنونه.

وهما بيتكلموا لقوا التليفون بيرن

اسماء.

حنين دي اسماء خلاص مش هرد.

سليم لاء ردي دي اختك.

حنين طيب بس علشان متزعلش.

سليم ردي ياحنين ادام بترن كتير كده يمكن فيه حاجه

حنين الو ازيك يا اسماء.

اسماء انت فين عماله ارن عليكي.

حنين مالك كنت نايمه في ايه.

اسماء ابوكي تعبان ياهانم.

حنين بابا ماله ايه الي حصل.

اسماء خرج راح الورشه انهارده وانت عارفه الدكتور قايله بلاش حركه خالص وراجع تعبان وعمال يرجع دم واخواتك خدوه علي المستشفى قولت اعرفك احنا فين.

حنين اتخنقت من العياط ومش عارفه تتكلم.

سليم مالك في ايه الو ايه يا أسماء قولتلها ايه.

اسماء بابا تعب ياسليم ودخل المستشفى فقولت اعرفها.

سليم ايه ياساتر في ايه.

اسماء هنروح المستشفى ونطمن عليه سلام دلوقتي.

سليم اهدي ياحنين ان شاء الله كله خير متقلقيش خالص.

حنين انا خايفه علي بابا ده الدكتور محظره من الحركه انا لازم اروحله دلوقتي.

سليم طبعا قومي اجهزي وانا هكلم بابا ونروح مع بعض يلا اجهزي بسرعه.

سليم اتصل على حليم....

سليم الو ايوه يا بابا معلش يابابا انا هقولك خبر وحش هو انت فين الاول.

حليم في ايه يا بني ماتقول انا في البيت.

سليم عمي خالد تعب ودخل المستشفى.

حليم اه ده كان قاعد معايا انهارده ازاي بس.

سليم والله يا بابا اختها لسه مكلمانا دلوقتي ماهو الدكتور كان مانع عنه الحركه

حليم طيب انا هلبس علي ماتنزلوا.

سليم سلام يا بابا، حنين لبستي.

حنين اه يلا بينا يلا انزلي عند بابا وانا هنزل اطلع العربيه علي ماتنزلوا.

حنين نزلت خبطت.

مريم تعالي يابنتي ايه الي حصل.

حنين بعياط مش عارفه والله بابا كان كويس.

مريم طيب ماتعيطيش ان شاء الله خير.

حليم سليم نزل يابنتي.

حنين ايوه يا عمي.

حليم يلا بينا.

مريم طيب ابقوا طمنونينزلت حنين مع سليم وهي من كتر العياط مش شايفه بعنيها وقعت علي وشها.

سليم نزل جري مالك يا حنين اهدي ماتخفيش عمو هيبقي بخير وكويس.

حنين من كتر العياط مش قادره تتكلم بس بتقول يارب.

حليم والله يا بنتي كان قاعد معايا الصبح زي الفل، يلا ياسليم يابني توكل علي الله.

جري سليم بالعربيه......

واول ماوصلوا المستشفى نزل حليم وسليم استني ياحنين متنزليش وركن سليم ولف اخد ايدها خاف لاتقع تاني.

حنين بتبصله وهي خايفه.

سليم ماتخافيش.

حنين انا هموت ياسليم لبابا يجراله حاجه.

سليم ماتقلقيش انامعاكي.

طالعوا سألوا عليه.

حليم لسليم بصوت واطي ده في العنايه المركزه يابني.

سليم طيب يلا بينا نطلع للجماعه يابابا هما قالولك الدور الكام.

حليم في الدور الثالث يا بني.

..... ....... ...... .....

مريم انا مش هاين عليا اسيب حنين لوحدها في موقف زي ده انا هتصل علي سلمي تيجي نروحلهم سوا.

الو ازيك يا سلمي.

سلمي مالك يا ماما صوتك ماله مش عاجبني بابا في حاجه.

مريم لاء يابنتي عمك خالد ابو حنين.

سلمي من الخضه من صوت امها قعدت عمو خالد مين.

مريم يابنتى خالد ابو حنين ركزي.

سلمي ماله بس ياماما.

مريم مش عارفين بس خدوه علي المستشفى مش عارفه ماله بس حنين نازله مش شايفه من العياط، لوان ابوكي بيقول كان قاعد معاه انهارده في الورشه بس الدكتور كان مانعه من الحركه ربنا يعديها علي خير هتيجي نروح علشان مرات اخوكي.

سلمي طبعا ياماما جيالك.

مريم ربنا يباركلي فيكي يابنتي سلام.

سلمي مع السلامه.

حليم في ايه يا ماما مالك بتتكلمي علي مين مع سلمي.

مريم عمك خالد ابو حنين شكله تعبان اوي ربنا يسترها يابني.

حليم خلاص ياماما انا هاجي اوصلك.

مريم خاليك في البيت علشان اخوك الصغير مش عاوزاه يروح مستشفيات.

عمار انت هتروحي فين يا ماما.

مريم انت شاطر تقعد مع حليم تلعب معاه علي مااجي واجبلك شكولاته وايس كريم.

عمار لا انا زعلان.

مريم انا الي هزعل لو ماسمعتش كلامي مفهوم.

عمار بأمصه مفهوم خلاص..

مريم انا مازله يلا باي باي.

حليم وعمار باي.مريم نزلت وقفت تا**ي وعدت علي سلمي.

مريم اتصلت ايه ياسلمي جهزتي.

سلمي اه يا ماما كله جاهز انا نازله اهه.

مريم يلا انا تحت البيت.

سلمي نزلت....

مريم فين محمد يابنتي.

سلمي مع مرات عمه.

مريم وهيسكت.

سلمي ده بيحبهم اكتر مني علشان اللعب مع العيال.

مريم ربنا يهد*كم لبعض