"Mabuti naman at maaga kang nakarating dito, anak. Makakapaghinga ka pa bago ka bumisita sa papa mo sa hospital."
Sinulyapan ko si mama, nakangiti siya sa akin at hindi ginagalaw ang kanyang pagkain. Nilunok ko muna ang nasa bibig ko bago sumagot.
"Sinadya ko talagang agahan ang byahe ko para mabisita ko kaagad si papa. Kumain na po kayo, ma. Hindi ka mabubusog kakatitig sa akin."
Tila ito natauhan at ngayon lang napansin na nasa hapag kami. Puno ang mesa ng mga pagkain at lahat ng myembro sa pamilya ay nandito. Tinignan ko ang mga anak ni Ezra na mga maliliit pa. Nakapag-asawa pala ang bruha. Himala at may nagkamaling pumatol dito. Ang malas ng lalaking napangasawa nito.
"Nasaan ang asawa mo?" taas kilay na tanong ko sa kanya.
"OT daw sa work." Tipid naman na sagot nito. Halatang hin
