A THREAT
Matapos ang klase ay umuwi na rin kami agad ni Kimia. Dumaan lang saglit si Kimia sa organization na sinalihan niya pagkatapos no’n ay umalis na kami. Hindi na kami nagtagal sa school kahit na may event pa galing sa ibang department. Inanyayahan nila kaming lahat na manood pero hindi na kami tumuloy ni Kimia.
Hindi naman kailangan ng attendance kaya nauna na kami.
“Babe,” aniya kaya napasulyap ako sa kanya. “May assignment pala tayo sa economics. Ako na gagawa, ah?” pagpapatuloy niya habang nakatingin sa cellphone niya.
“P’wede naman tayong magtulungan,” saad ko habang nakatingin na sa daan, nagmamaneho.
“Eh, ikaw na nga gumawa no’ng assignments ko last time, ‘di ba? Gusto kong ako naman ngayon para makabawi din ako, please?”
Saglit akong napatingin sa kanya at napangit
