Nakasimangot ako nang nasa CR nanaman kami para maglinis. Oo, naglilinis nanaman kami. Halos lahat naman kami ay nakasimangot na dahil sa bagong professor namin.
Ang dahilan kung bakit kami nandito ay nakaupo ngayon sa labas at binabantayan kami. Baka raw kasi mag-away away nanaman kami rito. Kumuha pa ito ng upuan para ilagay roon habang binabantayan kami.
"Ang gwapo ni Sir Ian no? May pinagmanahan si Roi at Chester. Ang hot rin niya," napangiwi ako nang marinig ko si Kari na ngayon ay parang binudburan ng asin.
"Gwapo? Hot? Saan banda? Mukha na kaya siyang matanda," sambit ko at mas nilakasan pa para marinig niya na nasa labas.
Nakakainis siya! Sinabi niya na patigilan ko ang mga pamangkin niya na ligawan ako, pero siya itong nakikipaglampungan kay Ma'am Krisha. Kanina ay kumalat na
