Halos hindi makatulog si Jhanna nang pumasok siya kinabukasan dahil sa kakaisip niya kung sino ang may-ari ng nasabing lending company na tutulong sa kanila.
"Uy, ang laki ng eyebags mo, ah? Bakit, napuyat ka ba sa kakaisip sa dalawang fafabels kahapon?" tudyo ni Lyn sa kanya.
Awtomatikong napatingin siya dito. "Fafabels? Ano 'yon?" balik tanong niya dito, na halatang wala siyang ideya sa sinasabi nito.
"Ano pa ba? E, 'di 'yong dalawang pogi na, hot pa kahapon?!" kinikilig na sagot nito.
Tumaas ang kilay niya sa narinig na sagot nito. "Ah..sila ba ang tinutukoy mo?"
"May iba pa ba?"
"Pwes, nagkakamali ka dahil ni sa panaginip nga ay hindi sila sumagi sa isip ko. May mas mahalaga akong pinagtutuunan ngayon," sagot niya dito at pagkatapos ay huminga nang malalim.
"Grabe ka naman. Kung
