Diri-diretso na sana siya sa labas para makalayo na kay Dale, nang bigla naman sumagi sa isipan niya ang kanyang ama. Kaya agad rin siyang napahinto at hingal na hingal na sumanda sa may pader.
'Hay kaasar! Kung hindi lang talaga kailangan, hindi talaga ako pupunta dito. Ito na nga ba sinasabi ko, e.' himutok niya.
"Kaya mo yan, Jhanna! Laban lang. Isipin mo na lang na para sa Papa mo ito," aniya at pampalakas sa sarili.
Nang kumalma na ang paghinga niya ay dahan-dahan siyang pumihit at bumalik sa condo, kung saan ang dating boyfriend niya, ay magiging boss niya na ngayon.
"Siguro naman ay nakabihis na siya ngayon," nakanguso niyang sabi at pilit inalis sa kanyang isipan ang nangyari kanina.
Muli siyang nag-doorbell nang sa gano'n ay magkaroon ito ng sapat na oras para makapag-bihis
