"Let's go," nakangiting sabi ni Harry sa kanya.
Tumango siya at tinungo na nila ang kusina. Inilabas niya ang bacon at hotdog mula sa ref at nilapag sa mesa. Kinuha niya rin ang kawali at sinalang sa kalan bago niya binuksan ang kalan. Pinainit niya muna ito bago nilagyan ng konting mantika para hindi dumikit sa kawali ang lulutuin niya. Nang mainit na ang mantika ay agad niyang niluto ang itlog na sunny-side-up. Pagkatapos ay isinunod na niya ang bacon at hotdog.
"Wow! Bakit parang easy lang sayo ang magluto niyan?" manghang tanong ni Harry sa kanya.
Nasa tabi lang niya ito at nagmamasid sa kanya.
"Mabilis lang naman gawin 'yan dahil prito lang lahat," sagot niya habang dinudurog naman niya ang kanin sa rice cooker.
Mabuti na lang at naisipan niyang magsaing kagabi bago matulog. Kaya
