Halos mapatalon sa gulat si Jhanna nang bigla na lang itulak nang malakas ni Dale si Harry. Dahilan na ma-out of balance ito sa upuan kaya patalikod itong bumangga sa upuang bakal na nasa likuran nito bago bumagsak sa sahig. Hindi kaagad ito makagalaw dahil namimilipit ito sa sakit. Pagkatapos ay hinawakan siya nito nang mahigpit sa may siko niya at marahas na hinila papuntang banyo. Agad nitong ni-lock ang pinto ng makapasok sila bago siya binitawan.
"Care to explain, Jhanna?" hingal na hingal nitong tanong sa kontroladong boses. Diretso itong nakatingin sa mga mata niya habang ang dalawang mga kamay ay nasa baywang nito nakahawak.
Alam niyang nagtitimpi lang ito sa galit dahil ramdam niya iyon sa bawat talim ng tingin nito sa kanya. Kung nakamamatay lang ang bawat titig nito na ibinaba
