Habang nagmamaneho si Dale ay hindi niya maalis ang tingin niya kay Jhanna na nakatulog na sa haba nang byahe nila. Gaya ng inaasahan niya, ay inabutan nga sila ng traffic sa daan. Which is normal lang iyon dahil weekends rin naman. Maraming sasakyan ang bumabyahe papuntang nasugbu, batangas at marami din ang lumuluwas papuntang Maynila.
Gusto sana niyang huminto muna para makatulog ito ng maayos. Pero hindi maaari dahil baka aabutin na sila ng gabi kapag hihinto pa siya. Sinulyapan niya muli ito.
"f**k.." Napamura siya bigla at bahagyang napadilat ng mata nang makita niya itong mauntog na sa bintana ng kotse niya.
Mabilis ang kilos niyang hinawakan niya ang kanang pisngi nito at isinandal sa kanang balikat niya.
"Muntik na 'yon, ah?" inis niyang sabi at itinuon ang tingin sa daan.
