Acutus’ POV
Hindi ko mawari ngunit may ibang pakiramdam ako na hindi ko matukoy kung saan nagmumula.
Tiningnan ko si Nitidus na sa kasalukuyang iyon ay natutulog. Hinawakan ko ang kamay niya at hinimas iyon. Sabi ni Iudex nang magbalik kami ay hindi pa rin daw ito gumigising na siya namang lalo kong ipinag-alala.
“Hanggang kailan niya kaya balak na matulog?” Alam kong nagsisimula na ring mairita si Immitis lalo pa at naaantala ang aming paglalakbay.
Kung kailan naman kasi alam na namin kung saan matatagpuan ang korona ng Malacia at saka pa ito nangyari. Sa ngayon ay nasa amin na ang kwintas ng Tractatio, ang pulseras ng Iustitia at ang hikaw ng Sonus. Hanggang ngayon ay iniisip ko pa rin kung paano namin makukuha ang singsing ng Rudimenta gayong alam ko ring hindi iyon ibibigay ni Cres
