Acutus' POV Dalhin ang bagay pabalik sa kung saan ito nagmula? Ngunit bakit? Katanungang dumagdag sa palaisipang naglalaro sa akin ngunit sa kabilang banda ay may naidulot din na maganda ang pagkikita namin ng aking ama kahit na iyon ay isang mensaheng na lamang na nagmula sa Caelum. "Acutus..." Napalingon naman ako kaagad sa nagsalita. "Vis..." Nakita kaya niya? Narinig? "Kanina ka pa ba riyan?" tanong ko sa kaniya. "Ngayon lang. Naalimpungatan kasi ako na wala ka sa iyong kinauupuan kanina kaya nag-alala ako kaya napagpasyahan kong hanapin ka," dire-diretsong sabi niya. Nag-aalala siya sa akin? "A-ayos lang ako," tanging tugon ko. Nabalot naman kami ng katahimikan. Malakas na ihip ng hangin lang ang siyang naririnig habang humahampas ito sa dahon ng bawat punong naroon. Napansi