"Sa ngayon, nakatitiyak pa lang tayo sa kinaroroonan ng kwintas ng Tractatio at singsing ng Rudimenta. Hawak na rin natin ang pulseras ng Iustitia. Dalawa na lang ang kailangan nating alamin kung nasaan - ang hikaw ng Sonus at ang korona ng Malacia," sabi ni Vis.
"Mayroon akong mapa rito na ibinigay sa akin ni Amare bago tayo umalis ng Regia Mundi. Baka maaari itong makatulong sa paglalakbay natin." Inilabas ni Acutus ang mapang ibinigay sa kaniya ni Amare at binuksan ito. Namangha naman ang lahat dahil sa pagkakaguhit nito.
"Hindi ko akalaing may ganyang angking talento si Amare. Magiging malaking tulong ito sa atin lalo pa at detalyo ang mga nakasulat sa mapang ito," sabi ni Vis habang masusing tinitingnan ang mapa. Saglit niyang binalingan ng tingin si Iudex at tinanong ito. "Iudex, a
