"التالت عشر "
1470 Words
اتمنى البارت يعجبكم
روايه ( حب ابدى ) البارت ثالث عشر
بقلم✍️ملك فريد لطفى
زياد / ليه ايه إلى حصل
معاذ فضل يحكيله وقاله ردها بس إلى فاجئني.
زياد / معاذ هتلاقيها خافت تقولك انت متكونش بتحبها أو ات**فت يابني البنات في مصر خجولين استحاله هتقولك أنها بتحبك ومستنياك.
معاذ / فكرك كده والله.
زياد / ايوه وبعدين الى بيحب حد بيحاول معاه مره واتنين وتلاته .
معاذ / ياريت تكون زى ما قولت
زياد / انا حاسس بيك انت كنت منتظر منها رد مختلف عن إلى قالتهولك ولما رد الرد ده انت ادايقت لانك كنت منتظر منها رد يختلف نهائى
معاذ / ايوه فعلا
زياد / تعالى بقى اخدك ونخرج واف*جك على مصر
معاذ / فى الوقت ده
زياد / اه فى الوقت ده انت اول مره تفضل صاحى لحد ٦ الصبح ده احلي وقت ياباشا.
معاذ / اه على طول كنت بنام الساعه ١١ بالليل.
زياد / لاء ده عندكم هناك لكن هنا عادى دى طبيعتنا واحلى يوم تسهر فيه يوم الخميس ترجع من الشغل تنام شويه وتنزل تجيب لب وسودانى وم**رات وتسهر مع إلى بيحبوك وتنام زى ما انت عايز ويوم الجمعه تنزل تصلى وتنام ساعتين تصحى تخرج وتزور قرايبك وتقعد معاهم تخرج تروح السينما أو اللاهرمات أو تقعد على الكافيه مع اصحابك وبيكون يوم ممتع وترجع تنام وتروح الشغل
معاذ / ايه الجمال ده انا هعمل كده عايز اجرب
زباد / هخليك تجرب على ايدى احنا هنبوظوك
معاذ / طب اركب يلا وأنسي نفسك.
معاذ وزياد فضلو يلفو بلعربيه ودخلو المول و***بوا بلاي ستيشن.
معاذ / يلا هروح انام مش قادر بس كانت ساهره تجنن
زياد / اى خدمه يلا هروح انام ساعتين علشان عندى تمرين همرن الفرقه بتاعتى الصبح.
معاذ / يلا هوصلك واروح
فعلا معاذ وصل زياد وروح البيت
معاذ طلع ولسه هيفتح باب الشقه لقى خالد بيفتحه
خالد / كنت فين
معاذ / نزلت قابلت زياد صاحبى ولسه مروح
خالد / اممممم وروحتوا فين بقى
معاذ / ياه ياعمو روحنا قعدنا فى الكافيه وبعدين فضلنا نلف في شوارع مصر وروحنا المعز فضلنا نلف فيه يعنى
خالد / لاء داحنا صاعنا بقى
معاذ / ايوه يلا هروح انام
خالد / ماشى يا حبيبى تصبح على خير
معاذ / وانت من اهل الخير يا عمو
معاذ دخل نام
هاله صحيت على الساعه عشره اتصلت بخالد
هاله / الو صباح خير
خالد / صباح النور يا قلبى انتى لسه صاحيه
هاله / ايوه محستش بيك الصبح خالص
خالد/ منا مرضتش اصحيكى علشان انتى تعبتى امبارح فقولت اسيبك ترتاحى
هاله / فطرت
خالد / اه فطرت الصبح مع محمود
هاله / ايوه محمود ده ديما مظبطك
خالد / اه والله ابعتى بقى البنت تروق شقه جمال
هاله / حاضر هتصل عاليها اهو عملت ايه فى الد*كور الى كنت هتعمله فى فيلا
خالد / الاء ومنه هيروحو على ١٢ الظهر يقا**ه المدام صاحبه الفيلا.
هاله / إن شاء الله يعجبها الد*كور
خالد / يارب يلا هقفل معاكى علشان ورايا شويه حاجات اظبطها
هاله / ماشى سلام انا كمان هقوم اروق الشقه وأشوف هعمل اكل ايه انهارده
خالد / خلاص ماشى سلام
هاله قامت فضلت تروق الشقه ولقت جمال صحى
جمال / صباح الخير
هاله / صباح الخير انا علمناك تصحى متاخر ولا ايه
جمال / اه القعده فى مصر ممتعه احسن من بره
هاله / امال كنت قاعد بره ليه ومش بتنزل اجازت .
جمال / مكنتش بنزل علشان معاذ وشغلي وغير كده انا مكنتش عارف اوصلكم خالص
هاله / علشان كده مكنتش بتنزل
جمال / ايوه انا هتصل بى خالد اشوف شركته فين واعرف منه العنوان واروحله علشان اشوف الشركه الجديده بتاعته
هاله / ماشى هروح اجهز الفطار
جمال / مالوش لزوم لو فى بسكوت مع كوبايه شاي
هاله / هو ده فطار
جمال / ما هو ده فطار اتعودت عاليه
هاله / حاضر طب اعملك شاى بالبن
جمال / ماشى نص معلقه سكر
هاله / حاضر
راحت هاله تجهز كوبايه الشاى بلبن وبسكوت
هاله / اتفضل
جمال / تسلم ايدك وراح قعد في البلكونه مكان خالد المفضل
الله عليك ياحبيبي طول عمرك رايق ياخالد وبتحب الد*كورات .
هاله / بالهنا والشفا بس ايه رأيك في الي أخوك عامله في البلكونه.
جمال/ انت بتقري أفكاري كنت لسه بقول علي خالد طول عمره فنان وبيحب الد*كور.
هاله/ طبعا لازم تروح له الشركه وتتف*ج علي شغله .
جمال/ طبعا أكيد هفطر وننزل اروح له.
هاله/ دخلت المطبخ خلصت المواعين إلى وراها ونشرت الهدوم ودخلت عملت الفطار
هاله مسكت التليفون واتصلت بى تاليه
هاله / تاليه قومى يلا علشان تفطرى وصحى ريماس كمان
تاليه / حاضر هصحى ريماس اهو
هاله قفلت مع تاليه وفضلت تكمل الفطار
تاليه / ريماس يلا قومى ماما جهزت الفطار فوق
ريماس / سبينى نايمه شويه
تاليه / لاء يلا قومى بلييز
ريماس / حاضر خلاص هقوم اهو
اميره دخلت على صوت تاليه وهى بتصحى ريماس
اميره / يلا يا ريماس قومى
تاليه / ايه ده انتى مروحتيش الشغل
اميره / لاء هغيب انهارده
تاليه / ليه كده
اميره / والله يا تاليه صحيت كان جسمى مت**ر فا مكونتش قادره خالص
تاليه / يا عينى يا طنط انتى بتعبى طيب يلا نطلع نفطر مع بعض.
أميره/ طيب ماكفايه علي ماما عمك وأبنه .
تاليه /ياطنط ماما عملت خلاص الفطار يلا علشان خاطري
أميره /خلاص يلا تمام يلا بينا ياحلوين
طلعوا لهاله البنات بيخبطوا جامد .
هاله /ماشي ياتاليه هوريكي هههههه أميره ايه المفاجأت دي انت ماروحتيش الشغل.
أميره/ والله ياهاله انا نفسي قافله اوي من الشغل ده من يوم مافكرتش في المعرض
هاله/ طيب تعالي ادخلي نفطر وبعدين نفكر مع بعض في موضوع المعرض ده.
جمال/ مين بقي فيكم الي عامل الازعاج ده.
تاليه /ب**وف انا أسفه ياعمو حقك عليا
جمال/ حبيبتي أنت تعملي الي انت عوزاه ياحبيبت عمو.
جمال ازيك ياأميره وازيك ياريماس ياحبيبتى.
أميره/ بخير الحمد لله .
ريماس/ بخير ياعمو .
جمال/ انتوا لسه زعلانين مني.
أميره/ ليه بتقول كده انا مش زعلانه من حد واي حد من أهل أحمد عمري ماازعل منه كفايه أنه بيفكرني بأحمد.
جمال/ الله يرحمه وباس راس ريماس.
جمال /طيب انا نازل رايح لخالد مش محتاجين حاجه مني.
هاله/ شكرا ياجمال .
نزل جمال وهاله وأميرة والبنات دخلوا يفطروا حسوا
بصوت في الشقه
تاليه /ايه الصوت ده
هاله /اصبري ليكون معاذ صحي احنا نسيناه
هاله/ معاذ انت صحيت ياحبيبي.
معاذ/ صباح الخير ياطنط.
هاله/ يلا حماتك بتحبك تعالي افطرو.
معاذ وانا والله لا بحب بنتها اوي.
هاله/ ده كلام كبير تعالي نفطر وتحكيلي علي كل حاجه.
معاذ/ أنا بهزر والله .
هاله/ يلا كلنا قاعدين تعالا افطر احنا سيبنهم جعانين
معاذ /تمام يلا بينا .
معاذ/ صباح الخير يا طنط أميره.
ازيك ياتاليه ازيك يا ريماس..
تاليه وريماس الله يسلمك.
أميره/ شكلك يسهرت كتير امبارح.
معاذ/ فعلا انا راجع الفجر اول مره أسهر كده في حياتي.
تاليه / بالهفه وكنت فين بقي وسهران مع مين.
ريماس/ نغزت تاليه بس أهم حاجة انك انبسطت .
معاذ/ طبعا كأني عاملت مغامره.
تاليه /ياسلام يعنى كنت فين .
معاذ/ قلبه بيضحك علشان حس أن تاليه بتغيير عليه .
روحنا كافيه و***بنا بلايستيشن وأخيرا اتعشينا في المعز.
أميره/ الله عليك من غيرنا كده.
معاذ/ ان شاء الله نروح المعز بس كلنا مع بعض.
...............
جمال وصل عند خالد الشركه .
انبهر بالشركه ايه ده انا مكنتش متخيل أنها بالشكل ده نظام وأمن وموظفين وعملا.
دخل للسكرتيره ممكن أقابل خالد الشريف لوسمحت .
السكرتيره/ في معاد سابق
جمال/ لا بس قوليله جمال الشريف.
السكرتيره /هو حضرتك أخو مستر خالد.
جمال/ أيوه انا أخوه .
السكرتيره/انا أسفه والله مستر خالد في انتظارك اتفضل حضرتك.
خالد جمال اهلا وسهلا ياحبيبي في مكتبي المتواضع وقام من على المكتب تعالا ياخويا اقعد مكاني.
جمال لا ياحبيبي انا هقعد هنا خليك مكانك انت مالي مركزك طالع لأخوك الكبير.
خالد حبيبي ياجمال ربنا مايحرمنيش منك بس إيه رأيك في الشركه انفع مهندس د*كور.
جمال بصراحه انا اتوهمت من الد*كورات الي انت عامله ماكنت اعرف انك مهندس شاطر كده.
خالد بصراحه ده شغلي وانا والمهندس محمود مش لوحدي .
الباب بيخبط محمود دخل .
خالد جبت سيره القط جه ينط تعالا يامحمود ماتتخضش كده ده جمال أخويا.
محمود /أهلا وسهلا بحضرتك منور مصر كلها انا بقول المهندس خالد اول مره يكلمني قدام عميل كده.
خالد /جمال عاجبه شغل د*كورات الشركه اوي.
محمود /ولسه هجبلك صور الشغل واف*جك على الشغل الحقيقي.
جمال/ من غير مااتف*ج شغلكم باين علي الشركه من جوه المكاتب ومن بره.
وانا هسلمكم شقتي تشتغلوا فيها علي طول .
انا مش هقعد فيها تاني بعد الشغل الي شووفته ده.
محمود احنا تحت أمرك حضرتك تحب تبدأ من أمتي
جمال من بكره ابدأ فورا.
...........
هاله واميره قاعدوا مع بعض بعد الفطار .
اميره قوليلي ياهاله اعمل ايه انا خايفه أسيب شغلي وبعدين أندم .
هاله ماتقلقيش ابدأي وسيبيها على الله انت تعبتي في الشغل المؤرف ده وواخدك من بيتك وبنتك............استووووب
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الرابع عشر وشكرا لكل واحد شجعنى دومتم سالمين .??
يتبع بقلم #ملك_فريد
- Writer
