"البارت الثامن "
1935 Words
اتمنى البارت يعجبكم
روايه ( حب ابدى ) البارت الثامن
بقلم✍️ملك فريد لطفى
هاله / ربنا يوفقكم يارب
خالد / يارب يلا سلام
هاله / سلام علشان هبه بتصل عليا اهو
خالد / ماشى سلام
هاله قفلت مع خالد وردت علي هبه .
هبه/ الو ازيك يا مدام هاله اخباركم ايه ومدام أميره عامله ايه والبنات حبايبي أخبارهم ايه.
هاله/ الحمد لله يا حبيبتي كلنا بخير .
البنات خلصوا امتحانات وعاوزين نخرجهم يغيروا جو لحسن فترت الامتحانات كانت صعبه اوي عليهم غير السنه الطويله العريضة.
هبه /ربنا معاهم وان شاء الله يجيبوا كليات كويسه.
هاله /يارب ياحبيبتى ايه رأيك نقضي اليوم في النادي .
هبه/ اوكي تمام هجهز الولاد سلمي وسليم وأسبقكم على النادي.
هاله /خلاص تمام واحنا هنجيلك هكلم أميره تجهز.
سلام ياحبيبي.
وفعلا كلهم جهزوا وراحوا على النادي وقضوا اليوم هناك والبنات اندمجوا مع سلمى وسليم وجريوا في التراك و***بوا في الملاهي .
وكانوا مبسوطين اوي اوي .
هبه وولادها كانوا فرحانين أنهم خرجوا.
هبه /عارفه ياهاله انا بقالي شهور ماخرجتش الولاد غير اني بروح بس عند ماما .
هاله/ ليه كده وبتشتركيش للولاد ليه في الأل**ب هنا منها تخرجوا ومنها يعملوا أصحاب ولياقة بدنيه فيهم.
أميره/ ازاي مابتلعبيش الولاد هنا ده المكان جميل اوي.
ايه رأيكم انا بفكر اعرض منتجاتي هنا في المعرض أنا متحمسه اوي .
هبه/ الله عليكى وانا هقف معاكي خطوه بخطوه مش هسيبك .
أميره /حبيبتى الي مشجعاني على طول .
هاله /يلا انت نفذي بس مات**ليش بس وأبدأي علي طول وكمان تاليه وريماس فاضيين دلوقت استغليهم
أميره/ ربنا يخليكم ليا وتفضلوا على طول في ضهري على طول يارب.
خالد اتصل علي هاله .
خالد/ ايه الاخبار مبسوطين.
هاله والله كلنا مبسوطين كنا محتاجين نغير جو جدا .
خالد /خلاص انا وانا مروح هعدي اخدكم .
هاله /خلاص ماشي ابقي رن علينا علشان نجهز بس ولا تدخل تاكل حاجه في النادي.
خالد /يبقي انتوا اتغديتوا هناك .
هاله / دي بيتزا بس والبنات جابوا كريب .
خالد/ لا مش قادر اقعد تاني انتوا اخرجولي واروح اتغدا اي حاجه في البيت.يالا سلام دلوقت تليفون بيرن .
خالد /الو الو ......
المتصل /الو ازيك ياخالد .
خالد مين! ....????
ايه ده انت مش عارفني ....
خالد/ انت جمال اخويا صح....
جمال / انا افتكرت مش هتعرف صوتي .
خالد وقف / جمال اخيرا افتكرت أن ليك اخ ده انا افتكرتك نسيتني والله ياجمال .
جمال/ انا عمري ماانساكم بس الشغل هنا صعب اوي وواخد كل وقتي والله مطحون ياحبيبي
خالد/ ربنا يقويك انت مش ناوي تنزل تشوف اخوك وريماس وتاليه ولا نسيت كمان بنت أحمد .
جمال/ انت متحامل عليا ليه بس انا معترف اني مقصر معاكوا بس اعذروني .
انا هنزل مصر اجازه انا ومعاذ هتقبلوني بلوم وعتاب برده .
خالد /نازل مصر بجد أمتي ياجمال والله وحشتنى ووحشتني قاعدتي معاك علي القهوه اغلبك في الشطرنج
جمال /والله فكرتني بالايام الحلوه دي بس علي فكره انا الي هغلبك انت ناسي ولا ايه .
خالد/ تعالا بس واغلبني براحتك ياعم .
جمال/ اول مامعاذ يخلص امتحانات واحجز تذاكر السفر هكلمك علشان تقابلني في المطار ولا اطلب اوبر ولا ايه.
خالد/ لا ياعم انا هجيلك بنفسي وابقي اديني أجرت الاوبر .
جمال/ مش عاوز اجبلك اي حاجه من هنا .
خالد/ تعالا انت بس مصر فيها كل حاجه.
جمال/ تمام سلام ياحبيبي.
معاذ / ليه يابابا ما قولتلوش أننا هننزل على الأسبوع الجاي ماانا هخلص الاسبوع الجاي.
جمال / ياحبيبي انا بقالي سنين منزلتش مصر وعاوز اجبلهم هدايا قيمه مش اي حاجه يعني .
معاذ / انا مجاش في بالي موضوع الهدايا ده خالص.
خالد/ راح النادي لهاله واميره والولاده
عند النادي خالد اتصل بى هاله
خالد / الو يلا تعالو مستنيكو اهو على البوابه
هاله / خلاص ماشى جاين اهو
.....
هاله / يلا يا اميره خالد مستنينا بره
اميره / خلاص ماشى
هبه / محمود جه
هاله / ايوه واقف بره اهو
هاله واميره طالعوله وركبوا معاه والبنات .
خالد عارفين مين كلمني انهارده...
اميره وهاله/ مديرك في الشركه القديمه .
ريماس / قول ياعمو ايه الفوازير دي.
خالد/ يالمضه.
تاليه / معاذ ابن عمو جمال.
خالد / قربتي طالعه لابوكي ناصحه.
هاله/ اوعي تقولي جمال اخوك .
خالد/ ايوه جمال اخويا والله أنا زعلت اني معرفتهوش من الاول .
تاليه / من المفاجأة مسكت أيد ريماس جامد مش مصدقه نفسها وقلبها بيدق جامد...
تاليه / بجد يابابا وبيكلمك ليه.
خالد مفاجأه .....
هاله/ اوعي تقول إنه نازل .
أميره/ ايه أخيرا شبع من الغربه ولا نازل علي طول .
خالد/ نازل أجازه هو ومعاذ .
تاليه /بجد يابابا نازل أمتي .
خالد /لما معاذ يخلص امتحانات وهو هيكلمني يبلغني علشان اقبله في المطار.
يلا وصلتوا لموا الاجره يلا .....
أميره/ انا هد*ك الاجره هعشيكوا عندي انهارده.
هاله/ عشا ايه انت فيكي نفس كلنا جايين تعبانين علي أخرنا .
أميره/ اطلعوا غيروا بس وعلي ماتنزلوا العشا هيكون جاهز .
ريماس/ ماما دايما جاهزه .
خالد/ انا عن نفسي هغير وانزل في ثواني انا هموت من الجوع.
أميره يلا ياهاله بطلي **ل .
هاله/ حاضر.
تاليه /وريماس واحنا هنساعدك اعتبرينا ايدك اليمين .
أميره /جهزوا القاعدة انتوا بس .
وهاله نزلت وجابت لب وفول وحاجه سقعه.
جبتلكم فيلم علشان نسهر عليه بمناسبة خلاصنا من الثانوية العامة.
وشغلوا الفيلم وكانوا مبسوطين بالقاعده والمه الحلوه الي كانوا محرومين منها بس الدراسة والمذاكرة.
خالد / هاله انا مش قادر اقعد انا فصلت هطلع انام .
أميره / في ايه ياخالد اقعد شويه .
خالد / انت اكلك سيبلي اعصابي ولازم انام لحسن هنام هنا جنبكم .
هاله /هههههههههههه خلاص اجي أطلع معاك
خالد/ لاء خاليكى انا هنام علي طول خاليكي معاهم ياحبيبتى.
هاله / هخلص الفيلم وهطلع على طول
خالد / ماشى تصبحوا على خير.
وتاليه وأميرة خلصوا الفيلم وطلعوا ناموا ....
كان يوم طويل بس عرفوا يطلعوا تاليه وريماس من جو المذاكره والامتحانات.....
خالد قام الصبح راح شغله من غير ما يصحي هاله معاه لانه عارف انها كانت سهرانه ومانمتش كويس .
تليفون خالد بيرن.....
خالد الو ايوه حبيبتي صباح الخير صحيتوا أمتي .
هاله/ لسه صاحيه انا والله ماحسيتش بيك خالص
طيب ماصحتنيش ليه بس.
خالد/ فيها ايه بس بقالك ١٩ سنه ماسيبتنيش يوم انزل من غير فطار وانت عارفه العشا بتاع أميره عمل فيا ايه يعني صاحي مش قادر
هاله/ يعني مش مضايق.
خالد/ اضايق وانت بتكلمينى وبعدين محمود عامل الواجب وخلاص فطرني وشربنا القهوه وكله تمام سيبيني اراجاع الرسومات دي علشان نبدأ في تنفيذ الشغل ادعلنا.
هاله/ خلاص يا حبيبي سلام ربنا يوفقكم يارب ويصلح حالك انت ومحمود
هاله قفلت وروقت الشقه وبدأت تجهز في حاجات الغدا ونزلت اشترت طلبات للبيت وكل ده وتاليه نايمه .
هاله خبطت على أميره وهي طالعه .
أميره فتحت الباب
اميره/ ازيك يا هاله ادخلي تعالى.
هاله/ انت ماروحتيش شغلك.
أميره/ بصراحه انا مش عاوزه اروح تانى وأبدأ في المشروع الي قلتلكم عليه وهروح انهارده النادي اشوف موضوع ايجار مكان في معرض النادي
هاله/ والله فكره ممتازه وفعلا لازم تكوني متفرغه لها .
أميره/ طيب شوفي تاليه لو تحب تيجي معانا هيا وريماس بدل قعدت البيت.
هاله /خلاص هطلع اصحيها واخليها تجهز.
أميره/ وانا هصحي ريماس هي كمان نايمه البنات تعبت اوي السنه دي.
هاله / اه والله سنه كانت طويله ورحمه
يلا هطلع اصحى تاليه
هاله طلعت صحت تاليه...
هاله/ يلا يا توتا قومى بقى
تاليه/ ايه يا ماما سيبيني نايمه
هاله / تحبي تروحى مع أميره وريماس النادي.
تاليه / نروح النهارده تاني ليه مش كنا هناك امبارح.
هاله / اميره هتروح تأجر مكان في المعرض تعرض شغلها هناك هتروحي ولا لاء.
تاليه / هروح طبعا اعتبريني جاهزه.
تاليه قامت من على السرير بسرعه وليست بسرعه برضو
تاليه / ماما انا جاهزه اهو
هاله / ماشى يا حبيبتى يلا انزلى لى اميره وخاليبالك من نفسك ماشى
تاليه / حاضر متخافيش سلام
هاله / سلام ياقلبى
خادتهم اميره وراحت النادي.
اميره/ طلعت الإدارة تستفسر عن موضوع المعرض .
تاليه/ وريماس بيتمشوا في النادي .
ريماس/ انا كان وحشني النادي اوي ..
تاليه/ فعلا احنا بقالنا كتير ماجيناش .
ايه رأيك نشوف لعبه نلعبها نغير جو وننزم وقتنا ويبقي عندنا لياقه بدنيه.
ريماس/ والله اول مره تقولي كلام موزون.
تاليه / ماشي الله يسامحك بس قوليلي ممكن عمك جمال / يرجع فعلا هو ومعاذ انا خايفه اتعلق وماينزلش مصر انت عارفه من يوم ماعمك سافر وأول مره يقول هنزل مصر..
ريماس / انت خايفه ليه كده ياتاليه هو حر ينزل ماينزلش براحته.
تاليه / انت ليكي حق تزعلي منه لانه مابيسألش على حد من ساعت ماسافر
ريماس / ربنا يخليلي عمو خالد انا مش عارفه من غيره كنت عيشت ازاي هو الوحيد الي اهتم بيا وعوضني عن غياب بابا الله يرحمه.
تاليه/ يعني انت هتضيقي لونزلوا .
ريماس /تاليه انا مش عوزاكي تفهميني غلط انا عارفه أن معاذ مالوش ذنب في الي عمله معانا عمك جمال
وكفاية عليا اوي عليا بابا خالد.
بس بصراحه هما مش فارقني معايا انت وبس الي تفرقي معايا فرحك لما ينزلوا مصر عندي بالدنيا.
تاليه /عارفه ياريماس انت انسانه ناقيه من جواكي مابتحبيش النفاق والكذب وانا بحبك اوي انت أختي ياريماس الي مقدرش استغنى عنها.
وحضنوا بعض وجت أميره وهما بيبوسوا بعض .
اميره الله الله علي الحب ماليش حضن حلو زي ده.
ريماس وتاليه ليكي طبعا احلي حضن وباسوا أميره وحضنوها.
ريماس/انت عملتي ايه ياماما
اميره/ هيخصصولي مكان اول ما يتوفر مكان والإداري مهتم اوي وعاجبه أفكاري اوي.
تاليه/ الف مبروووك ياطنط.
اميره/ حبيبتي تعالوا اعزمكوا علي اي حاجه انتوا عاوزينها .
تاليه انا عاوز أيس كريم.
ريماس / وانا كمان عاوزه أيس كريم .
أميره / هههههه وانا كمان أيس كريم يلا بينا نروح ننقي الايس كريم الي انتوا عاوزينه.
دخلت أميره محل الايس كريم .
اميره لوسمحت ممكن عاوزين ٣ايس كريم.
الشاب حاضر ثواني وكان شاب في أواخر الثلاثينات وسيم طويل امور اوي يعني.
تاليه لوسمحت مشينا .
الشاب حاضر والله مش انا الي معطلكوا.
ريماس / ياسلام امال موقفنا ليه.
اميره / عيب ياولاد مايصحش كده.
الشاب انا مش قصدي والله بس مش انا الي ببيع بس هو بيجيب بولات وجاي .
الشاب لأميره انت أكيد اختهم الكبيره صح.
أميره لاانا مامتهم.
الشاب استحاله ازاي يعني.
ريماس بغضب وغيره علي مامتها / هوايه الي ازاي.
الشاب انا أسف والله اني ضايقتك بس مش قصدي أنا أسف .
بياع الايس كريم جه اهه الحمدلله.
تاليه/ طيب يلا ياطنط احنا مش عاوزين .
الشاب انا أسف مش قصدي اضايقكم انا كريم مدرب السباحه في النادي مش يعا** ولا حاجه ولو تحبوا تدربوا سباحه انا تحت امركم .
تاليه وريماس/ بجد احنا كنا بتفكر نلعب رياضه بس
ماكناش عارفين نلعب ايه.......بااااااااااااااااااااااس
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت التاسع وشكرا لكل واحد شجعنى دومتم سالمين .??
يتبع بقلم #ملك_فريد
- Writer
