Chapter Twenty-two
Hindi ko alam kung paanong may bihisan na ako pagkatapos kong naligo ng dagat.
Basta nang dalhin ako ni Knoxx sa isang silid at pinapasok ay nakita ko na agad sa ibabaw ng kama ang pamalit.
Nag-shower muna ako bago ako nagbihis.
Iba talaga ang mga mayayaman. Sana all.
Nakaayos na ako nang lumabas ako ng silid. Ang damit kong suot kanina ay inilagay ko na lang sa plastic at bitbit ko iyon nang hanapin ko si Knoxx.
"Uwi na tayo?" tanong ko sa lalaki pero sumenyas lang ito sa akin na sumunod.
Nagkalat na pala sa paligid ang mga tauhan nito. Kanina'y isang sasakyan lang ang narito. Iyon ang sasakyan na nilulanan namin.
Nang nakalulan kami sa sasakyan ay saka ko lang naalalang mag-usisa.
"Knoxx, bakit? Bakit narito ang iba mong tauhan? May aatake na naman ba s
