الفصل الثالث
1516 Words
#رحله_ انتقامي
الفصل الثالث❤
وماان شعرت بنفسها ابتعدت عنه مجبره في خائفه للغايه.
صبا بصوت مرتجف:ه هوو ايه الي حصل؟!
مصطفي:باين كده الاسنسير وقف.
صبا:يالهوووي وقف؟طب وبعدين؟
مصطفي:اسالي نفسك ماسيادتك الي قعدتي تلعبي ف المفاتيح لحد مااتعطل.
صبا:ماتزعقليش لو سمحت ،وبعدين هو الي معصبني اصلا،والاهم من كده ان انا خايفه.
وبدأت الدموع تلمع ف عيونها البنية،وصار نفسها يعلوويخفض بسرعه فلاحظ ذلك.
مصطفي:انتي كويسه.
صبا:اه ك......،فدات تسعل فانها تختنق.
مصطفي:انتي مالك في ايه؟!
صبا في وسط سعلاتها:عندي اختناق من الاماكن المغلقه.
مصطفي وهو يلعن غبائها وحظه ايضا:طب اهدي وبلاش تتكلمي عشان مايحصلش اغماء.
فظلت تسعل حتي فقدت وعيها بالفعل.
وماعليه ان يحاول افاقتها ،فكان يحاول الاتصال باحد ولكن المكالمه لم تجمع.
مصطفي بغضب:ياااارب اعمل ايه دلوقتي(وكان يمسك شعره بقوه من شده الغضب).
?????????
فارس:ادخلي اختاري وانا هفضل هنا عشان ممنوع ادخل.
فريد بتافف:ماشي هبقي اطلع اوريك.
فارس:اوك.
-داخل المتجر
فريده:لوسمحتي!ده مقاس كام؟
البائعه:ده ميديم حضرتك.
فريده :انا هدخل اقيسه.
البائعه:البروفه هناك اهيه (واشارت لها ع المكان).
اتجهت فريده لتجرب ماختارته لتصطدم بشخص ما.
السيده بصراخ:مش تحسبي ؟
فريده:انا اسفه جدا ماخدتش بالي.
السيده:لا ي ختي ابقي خدي بالك بعد كده .
فريده:حضرتك مافيش داعي العصبيه حصل خير يعني.
السيده :ياسلام ولما كنت وقعت وجرالي حاجه كان هيبقي ايه الكلام؟
فريده بتلقائيه:مانتي ماوقعتيش اهوه ايه لزمته الظيطه دي كلها؟
السيده:انا ظياطه يابت انتي ،طب والله لمورياكي.
وكادت ان تمسك زراعها،لتقف امامها حوريه قائله بحده:ايدك تتلم وتحطيها جمبك كده احسنلك.
السيده:ودي مين دي كمان؟
حوريه:مالكيش فيه انا مين اسمعيني كويس هو مش شغل بلطجه،البنيه ماعملتش حاجه ،انتي الي كنتي ماسكه الفون وانتي الي مش واخده بالك مش هي، تبقي تتلمي كده وتتكلي ع الله.
السيده:اها انتو شكلكوا اصلا حراميه ومتفقين سوا وده حوار عشان تسرقوني صح؟!
حوريه:نسرقك مين ياوليه ياحربايه انتي بقولك ايه انا طالبه معايا خناقه ع الصبح ف تمشي من هنا احسنلك.
ليدخل صاحب المحل:يافندم بعد اذنكوا كده مش هينفع ،يعني لو ينفع نتكلم بهدوء بدل الشوشره دي.
حوريه:مش احنا الي عملنا الشوشره الهانم الي اودامك دي،وعشان ترتاح احنا مش شارين من هنا،عن اذنك.
ومسكت يد فريده الباكيه وقادتها وقبل خروجها من المحل:بتعيطي ليه دلوقتي ،الموضوع خلص وبعدين مافيش حاجه مستهله.
فريده:اصلها بتتبلي عليه وانا مش الغلطانه وبصراحه مش بحب الظلم.
حوريه:يبقي تخدي حقك من عين التخين.
فريده:انا متشكره جدا مش عارفه اقولك ايه او اردلك جميلك ازاي؟
حوريه:مافيش اي جميل اصلا ده واجب وبعدين(اكملت بمرح) انتي شكلك كده اصلا عايزه كورسات تقويه ومعنديش مانع اد*كي كورسات(قالت الاخيره بتفاخر)
فريد بضحكه بسيطه:حيث كده ينفع نبقي صحاب،(اكملت بحزن)اصلا ماعنديش صحاب،هي وحده ومش صحاب اووي يعني صحاب دراسه بس.
حوريه ببعض المرح :خلاص خلاص صعبتي عليه ،طلعي الفون طلعي ده انتي حالتك صعبه اووي.
لتضحك فريده وتخرج هاتفها ليتبادلوا الارقام.
????????
فارس بصوت مسموع:ادي اخره الي يخرج مع اي انثي.
لياتيه صوت انس:والله ليك حق ،بيبهدلونا معاهم والله.
فارس:هو انت بردو جي مع انثي.
انس:للاسف اه وانا كمان الي عزمت عليها.
فارس:هههه انا بقي مجبر،وانت بقي جي مع اختك زيي،ولا المدام؟
وكاد ان يجيب،ليستمع كل منهم لصوت يعرفه جيدا ليلتفتا معا ليروا ان فريده وحوريه يأتوا معا.
فريده:تعالي اعرفك ع اخويا.
ولكن حوريه كانت في عالم اخر فها هو الذي اعادها للحياه يقف امامها،فكانت كالمغيبه وهو ليس اقل منها صدمه ،فقادتها فريده حتي وصلوا معا.
فريده:فارس اعرفك دي حوريه.
فريده وهي تلوح بيديها امام وجهه:فااااارس
ليفيق فارس:ها،تشرفت.
حوريه وهي كالمغيبه:الشرف ليا.
انس:ايه ياحبيبتي جبتي كل الي انتي عيزاه.
اومأت براسها بايجاب.
انس:مين دي؟!
حوريه وقد فاقت:دي فريده
انس:انا انس تشرفت بمعرفتك(ومد يده ليسلم فمدت يدها تسلم)فنظر لعيونها الزيتونتان وتاملهم باعجاب شديد فهي لاحظت وتوترت وهو استفاق ع توترها.
انس:احم انتو مالكوا بتبصوا لبعض كده ليه انتو تعرفوا بعض.
وفي نفس الوقت،فارس:ايوه،حوريه:لا.
ثم اسرعوا،فارس:لا،حوريه:ايوه.
لينظروا انس وفريده لهم بشك .
فماكان امام حوريه ان تتصنع التعب لتنقذ نفسها فهي لا تريد ان تخبر انس عن محاولتها للانتحار.
حوريه:انس انا حاسه اني تعبانه ممكن نمشي.
انس:سلامتك ياحبيبتي تحبي نروح للدكتور.
حوريه:لالا انا هبقي تمام ده تعب من اللف بس ماتخفش.
انس:ماشي ،(ووجه كلامه لفارس)فرصه سعيده يافارس.
فارس انا اسعد ياا....
انس:انس.
فارس:انا اسف فرصه سعيده ياانس.
فريده:هبقي اكلمك ي حوريه ها.
حوريه ببسمه بسيطه:وانا مستنيه مكلمتك.
وودعوا بعضهم وكل منهم ف رأسه اسأله واستفسارات كثيره.
يدق هاتف فارس في نفس الوقت الذي يدق فيها هاتف حوريه وتنقسم الشاشه.
فارس:الو.
حوريه:مين حضرتك؟
فارس:ايه الي حصل؟
حوريه:اييه؟ازاي ده حصل!
فارس:اناجاي حالا.
حوريه:اوكي سلام.
وذهبت راكضه وذهب خلفها انس.
فارس:يلا ي فريده بسرعه.
فريده:في ايه؟
فارس هقولك ف الطريق.
وذهبا معا
??????????
في احدي المستشفيات
مصطفي:بس قمت نقلتها ع المستشفي وقلت للسكرتيره تكلمك.
فارس:طب كلمت حد من اهلها؟
وقبل ان يرد كان صوت حوريه هو من استحوذ علي قلبه الذي نبض بسرعه ،قبل اذنيه.
مصطفي:اهدي ي انسه حوريه ،انا مصطفي الي كلمت حضرتك.
حوريه ببكاء:طب هي عامله ايه دلوقتي؟
مصطفي:بيعملوا الازم والدكتور طمني ان الوضع مستقر.
حوريه:انس انا عايزه ادخل اشوفها.
فريده اقتربت من حوريه واحتوتها بيديها:اهدي ي حوريه انشاء الله خير ماتقلقيش.
حوريه:عايزه اشوفها طيب.
انس:هروح اسال الدكتور.
????????
سالم:الهانم بنتك اتاخرت ليه؟
زينب:هي مع انس ماتخفش.
سالم:طب والناس الي جايه بعد كام ساعه دي هنعمل ايه؟
زينب:هكلمها دلوقتي ياخويا ماتتعصبش بس.
?????????
صبا:يابنتي اهدي انا زي القرده اهوه اهدي بقي.
حوريه:طب ايه الي حصل؟
صبا:بعدين هحكيلك خلاص بقي.
ليدخل كل من مصطفي وفارس ،فكان انس وفريده مع صبا ف الغرفه.
مصطفي:حمدلله ع سلامتك ي انسه صبا.
صبا:الله يسلمك ي استاذ.....
مصطفي ببسمه هادئه:مصطفي.
حوريه:مش عارفين نشكر حضرتك ازاي؟
مصطفي:ده شكرا ع واجب ي انسه حوريه،ثم اكمل :اهم حاجه اطمنا عليها ،بس لو تبطل العصبيه دي.
صبا وهي تجز ع اسنانها:كله من مدير الغفله هو السبب ،بس يلا الحمد لله كده كده مش ريحاها تاني.
مصطفي بسرعه:اوعي.
لينظروا له باستغراب وضحكه خبيثه من فارس:انا اقصد اوعي ماتروحيش ده حقك وبعدين هو الي غلطان مش انتي.
صبا بتفكير:فكرك كده؟
مصطفي:امممم.
صبا:تمام انا هعمل بنصحتك واشوف ايه الي يحصل.
رن هاتف انس فكانت زينب فرد ثم اغلق:حوريه ماما بتستعجلنا.
صبا:ياخبرر انتي لازم تروحي حالا.
حوريه :ابدا لايمكن اسيبك.
صبا:يابنتي ماينفعش،ماتتكلم ي انس.
انس:هطلع اشوف الدكتور هيقول ايه ولو كده يكتبلها خروج.
وخرج من الغرفه.
بعد عده دقائق.
حوريه:تمام انس كلمني وقال ان الدكتور كتبلك ع خروج يلا عشان نستعد.
فارس:احم طب يلا بقي احنا ي مصطفي.
فريده وهي تتجه الي الباب لتفتحه وهي تنظر لهم لا امامها:يلا بقي من غير مطرود عايزين نجهز البونيه.
ولكن كيف ومتي اصبحت ف احضان جسد ضخم يحتويها بزراعين ذات عضلات بارزه، لا تعرف،لترفع عيونها لتتقابل بعينين عسليتين من ينظر لهم يغرق فيهن.
لا يعلم كم الوقت الذي ظلوا ع هذا الحال ،فاستفاق اخيرا بعد معانات ولولا وجودهم لظل يتأمل غاباتها الخضراء.
ابتعدوا عن بعضهم البعض.
انس:انا اسف.
فريده وقد اصبح وجهها وجهها مثل لون سترتها الحمراء:مافيش مشكله ،انا انا خارجه.
حوريه بصياح:فريييده انتي مش قولتي هتساعديني؟
فريده بارتباك:اه صح طب طب (وبصوت منخفض ولكنه مسموع) هو الفروض كنت جايه ليه؟اهااا،فارس مصطفي يلا اطلعوا بره و و حضرتك بردو اتفضل عشان نغير لصبا.(كل هذا وانس يبتسم باستمتاع ع ارتباكها)
خرجوا الشباب وحوريه تحاول كبت ضحكاتها هي وصبا.
حوريه:اجمدي يابت ايه ارتبكتي كده ليه.
فريده بتوتر:انا لا ولا ارتبكت ولا حاجه.
صبا:اه فعلا ده كان باين عليكي جامد.
فريده:لا طبعا وهرتبك ليه .لت**ت ثم تكمل:يعني الكل خد باله يعني؟
حوريه:اه واكتر واحد انس.
فريده:يالهووووي.
صبا:ايه يابنتي هتعيطي ولا ايه عادي يعني عادة هذه الامور الصغيره تحدث في مثل هذه الاماكن الكبيره سنيوريتا.
ليضحكن معا.
بعد عده دقايق،خرجن الثلاث فتايات،وكلا من فارس وفريده ومصطفي ودعوا حوريه وصبا وانس وكلا منهم يحمل شعور مختلف ،ففريده وانس ف حاله حزن لعدم رؤيه كل منهم للاخر
وصبا فكانت تشعر ببعض الغضب من ذاك المدير،اما مصطفي فلديه شعور مختلط مابين السعاده والقلق.
واخيرا فارس وحوريه كان يدور في عقولهم اسئله عديده وشعور بغصه ف قلب كل منهم وخاصه فارس الذي اراد ان يراها ،يحب رؤيتها ،ولكن كل مايشغل عقله اكثر من ذاك الانس هل هو اخيها ام...،لا لم يريد حتي تخيل هذا،ولكن لحظه لماذا يكره هذا التخيل فهي مجرد فتاه لم يراها سوا مرتين فقط (فهذا كله يحدث نفسه ليكمل):كفايه هبل يافارس وركز ع الي انت عايش بتحلم بيه طول عمرك.
?????????????
زينب:ماشاء الله زي القمر،ربنا يحفظك يابنتي،(لتكمل محدثه صبا)خليكي هنا ي حبيبتي هروح اطمن لو في حاجه ناقصه .
وذهبت لتتحدث صبا:افردي وشك واتعاملي عادي وحاولي بذكائك تخلصي نفسك فكري صح ،عشان تخلصي من الهم ده.
حوريه اومأت رأسها بتفكير.
دخلت زينب قائله:يلا يا حوريه تعالي الضيوف وصلوا.
حوريه:طب انس فين؟
زينب :بيعمل تليفون وهيجي يقعد معانا يلا .
وخرجن كل من زينب وصبا يصطحبن حوريه،ويقابلن انس في طريقهن للخروج،وما ان خرجوا جميعن.
ينصدم كلا من الجالسين.
????????
لما انصدموا؟
لماذا يريد فارس الانتقام؟وما الظلم الذي وقع ع حوريه؟
هل انس وفريده وقعوا ف الحب؟وهل لفتاه كفريده ستكون علاقه حبها خاليه من المشكلات؟
ماذا ينتظر صبا،وما سر سعاده مصطفي؟
اسئله تحتاج الي اجوبه واجوبتها في الفصل القادم?❤
#تيسير_محمد
- Writer
- chap_listContents
- likeADD