Chapter 19.2
“Nandito na po tayo,” sabi ni Mark na nakatingin sa side mirror.
Ngumiti naman sila at nauna nang lumabas. Si Mark naman, katulad ng dati ay inaalalayan si Nanay at si Kuya Dan naman ay inaalalayan ako sa pagbaba ko.
“Kinakabahan po ako,” sabi ko bago kinurot ang sarili.
Hindi ko alam kung ano-ano ang ipagagawa sa ’kin. Wala akong kahit anong ideya sa pwedeng mangyari pagtapos nito pero kahit papano’y na-e-excite akong malaman ang gender ng anak ko.
“’Wag kang kabahan, hija,” nakangiting sabi sa ‘min ng obgyne na bagong dating. “Hindi naman masakit ‘to.”
Tumango ako sa kanya at nag-umpisa na silang mag-usap ni Nanay.
Ilang minuto rin ang tinagal at pinapasok na ako sa loob ng kwarto. May kung anong pinasok sa loob ko at mula roon ay nakita ko ang loob ng tyan ko, ang
