فصليتين

بارت الاول

. . . . . .. . . . . . . . . . . . . . . . . . . . . . . . . . . . .

الشيخ سجاد: اسمي سجاد عمري 26. طبعي عصبي. وماتحاجه حتى ابوي يعرف كلمتي متصير ثنين والكل يسمع كلامي. طولي 184 حنطاوي. خريج جامعه بس ماهتميت بشهادتي عدنه حلال. وبساتين خير من الله لهيج ماهتميت بشهادتي اكثر اهتمامي بطلايب العشاير لين معروف بعدالتي وامشي الكل بكلامي عندي اخ واخت

.

.

.

. . . . . .. . . . . . . . . . . . . . . . . . . . . . . . . . . . .

عسل:اسمي عسل من بغداد عمري 22 بابا من البصره وماما من اربيل من زوجو عترضو اهل بابا ع زواجه من ماما لين كورديه. ومحد وافق ع زواجهم. وهوه جان يحبهه راح سفره لأربيل. وخالو يصير صديقه من راحلهم شافهه ونعجب بيهه. وقفل عليهه واجه الكل واخذ ماما واول متزوجو نتقلو لبغداد عندي اخت واخ. اني قزومه وبيضه وشعري لون اسود.

. . . . . .. . . . . . . . . . . . . . . . . . . . . . . . . . . . .

ليث:اني ليث اخو عسل عمري 26سنه اشتغل مودل ومشهور. واذا اروح مكان او مول الكل يصور وياي احب التصوير ومهنتي الاساسيه طبيب اسنان. طبعي هادئ واحب اخواتي لخبلات مرات يزعجني

لين خبلات وراح تتعرفون عليهن بلبارتات الجايه

. . . . . .. . . . . . . . . . . . . . . . . . . . . . . . . . . . .

مرام :انيونق-هاسيو(مرحبا) ياحلوين اني ميمي (مريم)عمري 18. اروح فتره لاهلي وعايشه ويه بيبتي بأربيل احب اروح هناك. مهنتي. كيبوبيه ومتابعة اخبار بي تي اس ? وكوريا واكيد مخبله الكل بأغانيهم ويسموني الخبله رغم المعاناة ?ابقى ارمي ?‍♀️

. . . . . .. . . . . . . . . . . . . . . . . . . . . . . . . . . . .

كرار:اسمي كرار اني اخو الشيخ سجاد اني عايش خارج العراق او درست خارج العراق اني ع** اخويه ماحب سوالف العشاير اعترف بلقانون اكثر لين هواي ضلم شفت حبيت وحده واني عمري 18سنه واخر شي راحت فصليه لهذا السبب حقدت ع العشاير لين بيهه تخلف هواي وماردت اصير شيخ بقو مستمرين لين معروفين عشيرتنه واخوي شيخ سجاد وكم مره كعدت بلديوان ويا واشوف ليطون مره هديه وليطون فصليه وهذا كتل لازم هذا هم يكتل قررت اطلع خارج العراق واتعيين هم خارج العراق واني هسه جامعه مرحله ثالثه قانون ادرس. واني اسمر وطولي 180

. . . . . .. . . . . . . . . . . . . . . . . . . . . . . . . . . . .

ميس: هلو اني ميس اخت شيخ سجاد عمري 22 سنه اني تاركه دراسه بشرتي حنطاوين. وطولي 159. اخواني عرفتوهم كرار صار هوايه طلع خارج العراق ومشتاقيله ميقبل يرجع للعراق وسجاد كال م***ع احد يضغط عليه لهيج ماما تكعد تبجي وتقره قرأن من تشتاقله متكدر تكله ارجع سجاد ميقبل احب الطبخ واني صغيره بلبيت

. . . . . .. . . . . . . . . . . . . . . . . . . . . . . . . . . . .

جلنار: هاي اني جنو (جلنار)صديقة عسل كورديه. لهيج اسمي تشوفو غريب. عمري 22 بشرتي بيضه طولي 165 اني وعسل نصير رقم 10من نمشي ?

.

.

. . . . . .. . . . . . . . . . . . . . . . . . . . . . . . . . . . .

.

.

.وهذا بارت التعريف. اتمنى عجبتكم الشخصيات وانتضرو القصه نار ?‍♀️?

.

.

.

. . . . . .. . . . . . . . . . . . . . .. . . . . . . .. . . . . . . . .

عسل:صباح الخير ياحلوين

ام ليث: صباح النور حبيبتي

ابو ليث:صباح العسل بنتي

ليث:هوه ليشوف وجهج منين يجي الخير

عسل:مثل وجهك انته شايف نفسك من تكعد صبح جنك بنگلادشي

ليث:وشبيهم البنگلادشيين هم خلقة الله

عسل:مابيهم شي بس انته تشبهم يعني من تطلع بره الكل. يريد يشغلك. عبالهم جاي من دولة البنگلادش

. . . . . .. . . . . . . . . . . . . . . . . . . . . . . . . . . .

ليث:خاب تروحيلي فدوه غير جني كيك احلا منج ولمعجبين لعندي والبنات

عسل:اب هوه كاتلاتك البنات الزاحف

ليث:شعدنه غيرهن هذن عطية الله

عسل:الله يساعد تزوجك يازاحوف

ليث:اني اعوف الخير واتزوج وحده شنو ماعندي عقل

ام ليث:كافي نگره من الصبح دوختونه ميس احترمي اخوج

. . . . . .. . . . . . . . . . . . . . . . . . . . . . . . . . . .

عسل:حاضر ماما

ليث:هههه حللل حترمي لا تجاوزين ع اسيادج ?

ام ليث:انته نجب شو طالعه عينك هذا شغلك سوفلك الا ازوجك بت اختي وارجع اربيك

. . . . . .. . . . . . . . . . . . . . . . . . . . . . . . . . . .

ليث:يوم لا ترجعيلي ع بت اختج جنهه طالعه من المگبره هيكل عضمي ماريدهه مو تمشينهه براسي

ام ليث:تروحله فدوه يا. حيوان

ليث:اذا حيوان اني شسوي كاعد بنصكم

عسل:مو الله سبحانه وتعالى كال الرفق بلحيوان واجب

ليث:لااا يااا خر.......

ابو ليث:ولكم كافي تهدووو شجاكم اليوم جمعه ومجمعين ندهرتووو

عسل:اوك بابا يله خلي ناكل جوعانه ومتت جوع

ليث:ام بطن دومهه جوعانه

ميس:عادي ماكله من جيبك

ابو ليث:ليث

ليث:آمرني يابه

ابو ليث:اليوم لو باجر اطلع لأربيل روح جيب اختك.

ليث:انشالله

. . . . . .. . . . . . . . . . . . . . . . . . . . . . . . . . . . .

شيخ سجاد:هسه اهدو واشروحلي شني لصاير من جديد. وكافي صياح

شيخ ابنهم طافر على بيتنه ويحجي ويه بتنه. هوه هذا حق الجار على جاره واحنه نريد دم ابنهم نكتله ونكتل بتنه سودت سمعتنه بلعشيره واحنه صار علينه و**ة عار ولازم نضفه

. . . . . .. . . . . . . . . . . . . . . . . . . . . . . . . . . .

شيخنه:اني ابني ماسلمه وشيسوون خلي يسون اكبره واربيه واتعب عليه ولبنيه تحبه وطلبناهه منهم مرتين ورفضو لين يحب بتهم. يكتلونه اني قابل. بتكم اكتلوهه ابني ماسلمه لو يوصل دم. للرگب

. . . . . .. . . . . . . . . . . . . . . . . . . . . . . . . . . .

شيخ سجاد:هسه اسمعوني. بدون كتل احد زوجوهم. وفضو سالفه همه مو اول ثنين حبو ولا اخر ثنين واعذرني يخوي بس هذا صوج منكم انتم تدرون لبت تحبه وهوه يحبهه. ومحد يكدر يوكف العاشگين احسن يشردون زوجوهم وكل واحد يحافظ على شرفه وسمعته وهمه هم. انته تسعد بنتك وانته تسعد ابنك شتكولون على كلامي

. . . . . .. . . . . . . . . . . . . . . . . . . . . . . . . . . .

ابو الولد:انه موافق

ابو الابنيه: وانه بعد موافق

شيخ سجاد:ع الخير

مشكور شيخنه

شيخ سجاد:هلا بيكم

ابو سجاد:رفعت راسي ابني نقذت ثنين من الدم

شيخ سجاد: راسك دومك مرفوع بويه يله نروح للبيت من رخصتكم

ميس:جنت دااسوي غده ندك الباب

ميس:منوووو

شيخ سجاد:اني فتحي الباب

ميس:طبعا موصيني اخوي م***ع افتح الباب الا اصيح منو يله لين عدنه هوايه اعداء يخاف منهم رغم المنطقه الي كاعدين بيهه امان وعدنه حراس بس وقت غده يرحون يتغدون. فتحت الباب ها خويه الله يساعدك بابا الله يساعدك بست ايده

. . . . . .. . . . . . . . . . . . . . . . . . . . . . . . . . . .

ابو سجاد:هلا بيج بنتي

ميس:يله ادخلو حضرت وراح اجيب الاكل

شيخ سجاد:دخلت هلا بيج يمه

ام سجاد:هله وليدي شلونك اليوم انشالله كدرتو تحلون الطلابه

ابو سجاد: والله يا ام سجاد ابنج حلاهه بربع ساعه

ام سجاد:كفو منو اوليدي السبع بس كون ماضلمت احد

شيخ سجاد:افا عليج يمه اني اضلم من شوكت اضلم

ام سجاد:ادري بيك دومك عادل وماتقصر. بعد گلبي ميس يله وين الاكل

. . . . . .. . . . . . . . . . . . . . . . . . . . . . . . . . . .

ميس:اجيت اجيت خليت صينيه بلگاع وكعدنه نتغده

ابو سجاد:اي شلونج اليوم ميس

ميس :الحمد الله بابا

شيخ سجاد: بابا مال مايعات

ابو سجاد:خليهه مال مايعات جم ميوسه عدي بس وحيده

شيخ سجاد :هوه محد طلع عينهه غير دلالك بويه

ميس:شني طلع عيني شسويت قابل

شيخ سجاد:اكبر دليل ترادديني شوفي وهذا الشي غلط.

ميس:اهو صار ينطي محاظره خلي اسكت واكل احسن الي لا احصلي رزاله وكتله سكتت وبقيت اكل

. . . . . .. . . . . . . . . . . . . . . . . . . . . . . . . . . . .

.

ليث:رحت لبيت جدي جبت الخبله ميمي

عسل:جنه كاعدين وندفر الباب

مرام:هيلاووو

عسل:لاا هلااا ولا مرحبا اجت الازعاجات جنه مرتاحين

مرام:واني هم شتاقيتلج يااختي الزفت

عسل:واني مرتاحه منج حبيبتي الغرفه هدوء ومابيهه اغانيج وركصج مال مخابيل

مرام:رجعتلج وبقوه حبيبتي

عسل:اشمرج من لبلكونه من هسه

مرام:مااامي حبيبتي

. . . . . .. . . . . . . . . . . . . . . . . . . . . . . . . . . .

ام ليث:هلا بيج بنتي گلبي يمه مشتاقتلج كعدتي هناك متكولين ماما. وحدهه ومشتاقتلي

عسل:واني بنت البطه السوده وحدج موو ?

ام ليث:لا انتي هم بنتي حبيتي شعندي غيرجن تعالي هم

عسل: رحت وهم حظنت ماما

ليث:واني احظن المخده.

ام ليث:هم الك حصه انته تعال ابو البنات

عسل:هههههه شهلسمعه عليك

. . . . . .. . . . . . . . . . . . . . . . . . . . . . . . . . . .

ليث:وافتخر جاشبيهن البنات يخبلن بس انتي ومرام جنجن زلم مامحسوبات ع البنات

مرام:خب دطير لو بجمال زوجي جان شسويت

الكل بقه صاافن هاااا منو زوجج ??

مرام: زوجي جيمين

عسل:اهووو رجعت سوالفهه شيخلصنه بعد راح تبدي خلي اركض اكطع نت من لبلازمه مال غرفه لين راح تخبصنه

مرام:غير امووتج لاااا

عسل:اركض وتركض ورايه تلاحقتني ردت امسح رمز نت واحنه مغيرينه متعرفه كلت اسيطر ??‍

.

. . . . . .. . . . . . . . . . . . . . . . . . . . . . . . . . . . .

.

.

.

كعدنه ع الغده نسولف. ونضحك

ليث:اني ارد اروح للبصره

ابو ليث:شنييي شسوي رايح شعدك هناك

ليث:ماعدي بس جلسة تصوير. واصدقائي هناك هم عزموني كالو تعال شوف البصره يعني مثل السفره

ابو ليث: هااا بس لا تروح منا منا

ليث:بابا لاتخاف ماروح لهلك ولا اوصلهم همه مايعترفون بينه اني هم ماعترف بيهم

ابو ليث:انجب لك هذول بيت جدك وعمامك تبقه راجع اللهم

. . . . . .. . . . . . . . . . . . . . . . . . . . . . . . . . . .

عسل:صار اللقاآآ حاد بين بابا. وليث واني هم حاقده ع بيت جدي اهل بابا لين ولا مره سئلو علينه او واحد منهم اجانه ولا واصلينه حتى اشكالهم منعرفهم واحنه مانسئل بابا لين ينقهر من هذا الموضوع لهيج مانهتم بيهم

. . . . . .. . . . . . . . . . . . . . . . . . . . . . . . . . . .

ليث:عذرني يابه بس اني ماريد هيج عمام. حتى من بعيد مايسئلون علينه عوفك منه انته مو ابنهم من دمهم ولحمهم وربيتو سوه ماشالو عليك موبايل والله شنو تزوجت وحده تحبهه وكورديه. همه ناس همج وعدهم العالم مثل الح*****ت يردون يمشوون الكل ع الخط الراسمه ابوك.

ابو ليث:ليييييييث ??????

. . . . . .. . . . . . . . . . . . . . . . . . . . . . . . . . . . .

.

.

.

عسل: مرت الايام وراح ليث للبصره وهوه جان ع اساس يبقه. سبوع بس مر شهر ومراجع ميقبل لين تعارك ويا بابا بقه معاند ميوجع وماما تتوسل بي ونخابره ونقنع. بي. وميقبل وبابا هم معاند ميخابره ولا يكوله ارجع

. . . . . .. . . . . . . . . . . . . . . . . . . . . . . . . . . . .

.

.

اجه يوم الدوام رحت للجامعه

جنو:هلا بلحب مشتاقين وين هلغيبه حيوانه متسئلين لا تكولين

عسل:والله مشغوله بلبيت وعدنه مشاكل ولموبايل مالحك الزمه

جنو:خير انشالله خو مصاير شي

عسل:تعالي نمشي للقاعه لاتبدي المحاضره ونتأخر واسولفلج بلطريق

جنو:ماشي

. . . . . .. . . . . . . . . . . . . . . . . . . . . . . . . . . . .

.

.

شيخ سجاد:يمه شكم مره كتلج لاتخابرين كرار. وتكليله ارجع

ام سجاد:شسوي غير ابني واشتاقله واذا كتله ارجع شني حرام انه اريد ابني انته تطلبني.

شيخ سجاد:لو يريدج ماجان عافج

ميس: اي غير راح من وره سوالفكك انته وابوي. مخلصينهه فصليه وعرك ودم يمته نخلص من هاي سوالف

شيخ سجاد:ولج شو صايره ترفعين صوتج عليه ????

ابو سجاد:ولك سجااد شلون ترفع ايدك على اختك

. . . . . .. . . . . . . . . . . . . . . . . . . . . . . . . . . .

شيخ سجاد:بويه هذا دلالك الزايد خربهه. اكص ل**نهه بعد اذا رفعت صوتهه بوجهي انه شيوخ ماتعلي صوتهه عليه مو اله هاي. لهستوهه طلعت من بطن امي

ميس:صرت ابجي بحركه وركضت حضنت ابوي بعدين صعدت لغرفتي دومه قاسي وياي اخوي انه ليش احب كرار لين ولا مره اذاني لو مد ايده عليه

. . . . . .. . . . . . . . . . . . . . . . . . . . . . . . . . . . .

.

.

.

.

.

جنو:يااا وهسه اخوج ميقبل يرجع ح يعيش بلبصره

عسل:لاا اكيد ميعيش هناك لين موجودين اهل بابا وهوه يكرهم وميطيقهم والمشكله كولهه من وراهم.

جنو:انتي هم متحبيهم

عسل:اي طبعا ماحبهم شفنه منهم حتى اسمائهم منعرفهن. وحقودين صار سنين مايوم شالو موبايل

. . . . . .. . . . . . . . . . . . . . . . . . . . . . . . . . . .

على بابا وبابا شكد مقهور ويشتاق لامه ولأبو. ومرات حتى يبجي اسمعه ويدعي بصلاته بس همه ماعدهم رحمه

جنو:حسبي الله عليهم شنو من بشر هذول هاي كوله لين اخذ الي يحبهه

عسل:اي شلون مزوجو همه وتزوج ماما كورديه معجبهم الوضع

. . . . . .. . . . . . . . . . . . . . . . . . . . . . . . . . . . .

.

.

ميمي:ياگلبه ياحقيره يابواگه الرياجيل اعلمج اليوم

زينب: لج عووفي شعري بنات ساعددني ?

المديره:ولجنن هاي شدايصير هنااااا انتن صغار شنو هلتصرفاتت ?

. . . . . .. . . . . . . . . . . . . . . . . . . . . . . . . . . .

ميمي: ست هيه البدت والله

زينب: وشعرهه منكوش ست هيه شوفي شسوت بحالي ?

المديره:شنو سبب العركه ومريم هاي ليش مسويه بيهه هيج

ميمي: هاا ست هيه شمرت جنطتي وداست ع رجلي

زينب: لا ست والله جذاب

المديره:كومي انتي رقيه شصاير هنا

رقيه:ست يتعاركن ع واحد اسمه جيمين يمكن هاي تكولهه زوجي وهاي تكولهه زوجي الي ومريم كتلت زهراء

المديره:ياادبسزيات يامتستحن شنوووو علخجي السخيف هذا جايات هننا. تدرسن لوو تسون تصرفات سخيفه كل وحده تجيب ولي امرهه باجر

ميمي: حاضر ست ?

زينب: حاضر

. . . . . .. . . . . . . . . . . . . . . . . . . . . . . . . . . . .

.

ليث:محمد لاتحاول لااخابر ولا اررجع لبغداد صارلي شهر موبايل ماشال وتصل عليه

محمد:مهما يكون هوه ابوك وشيسوي هوه على حق وهمه اهله وانته حجيت عليهم ماكو واحد مايحب اهله لازم تتفهمه مايصيز تبقه هيج معند. لخاطر امك وعدك خوات ياهو الهن هناك انه اكيف تبقه يمي هنا بس مسؤليه عدك هناك خويه

ليث:الله كريم خويه. هسه خلي نروح للمول نشوق لبنات وفانزاتي

محمد:هيه احلا شي هاي بيك لو ماعدك فانزات ماگلب جهرتك

ليث:تخبل جهرتي

. . . . . .. . . . . . . . . . . . . . . . . . . . . . . . . . . . .

.

شيخ سجاد:طلعت ضايج ومعصب من البيت رحت ويه ابن عمي كعدنه بگهوه

ثائر:شني شبيك خويه شو جنك مالك خلك

شيخ سجاد: لا بس بلبيت ميس رفعت صوتهه عليه و لين ابوي يوكف ويه ميس من يشوفه تغلط وهيه تبقه تتجاسر هاي اكثر من مره سوته وانه اريد اتوبهه قابل شعدي وياهه غير اختي

. . . . . .. . . . . . . . . . . . . . . . . . . . . . . . . . . .

ثائر:هسه انته على هاي بعدين هيه صغيره عده كيفك وياهه وهيه بنيه مو زلمه حتى تتحمل صياحك وض*بك

شيخ سجاد:همه لزلم سكتو وهيه ماتسكت ام ا****ن وتعاند كلش

ثائر: جا هسه اختمن بعد شتريدهه تطلع

شيخ سجاد:شو دنجب

. . . . . .. . . . . . . . . . . . . . . . . . . . . . . . . . . . .

.

.

محمد:ليث عوف المول خابرني ابوي كال صاحبك جاي من بغداد وماتضيفه بلبيت مالنه مو من عاداتنه هاي وحصلت رزاله كتله انته ماتقبل وكاعد بفندق شسويلك

ليث:يله لخاطر ابوك مو لخاطرك راح اروحلكم وانه ماعرف شي على اهلك ماحاجيلي

محمد:على اساس انته حاجيلي صارنه صحبه اربع سنين ومانعرف اهل بعض بس. اسم ابوك اعرفه

ليث:دمشينه خلي اتعرف اليوم على ابوك واهلك

محمد:يله

.

. . . . . .. . . . . . . . . . . . . . . . . . . . . . . . . . . . .

ليث:رحنه لبيت محمد جان بيتهم كلش جبير وحلو مثل القصر دخلنه السياره بلكراج مالتهم حيل جبير ونزلنه

محمد:تفضل لبيت بيتك ليث لا تستحي

ليث:دنجب هوه اني شوكت مستحي حتى استحي هسه

محمد:هم صدك جان منيتي اشوفك مستحي بس هوه المطي ماعده حساس

ليث:ارد اغلط عليه وطلع زلمه جبير لزمه من اذنه

محمد:اخخخ بويه اذاني اريدهه بروح ابوك عوفني

جد محمد:لا ياكلب انه عايش وتحلف بروحي ليوم الا ا**ر العوده على راسك وراس الخلفك

ابو محمد:بويه هسه انه شكو خليتني بلنص

جد محمد:كله بسبتك انته ماعرفت تربي هذا لصعلوك

محمد:نعم الله عليك جدي سويتني صعلوك صدك عود شني صعلوك

ابو محمد:سد حلكك ول** عدنه ضيوف هلا بيك وليدي اعذرنه

ليث:هلا بيك عمو لا عادي

محمد:تفضل خويه

ليث:زاد فضلك

. . . . . .. . . . . . . . . . . . . . . . . . . . . . . . . . . . .

.

.

كعدنه بلديوان جبير كلش

جد محمد:اي ليث شلونهه بغداد شخبارهه

ليث:الحمد الله بخير

جد محمد:اي ابني انته سولفلي منين اهلك من ياعشيره ابوك شنو اصله

ليث:اعذرني جدي بس اني ماحب احجي بمواضيع لعشاير. وابوي اسمه. سعد ضياء

.

.

.

. . . . . .. . . . . . . . . . . . . . . . . . . . . . . . . . . . .

.

شو الكل نصدم ووكفو مصدومين

جد محمد:هوووه

ابو محمد:خااف تشاابه اسماء(بتردد)

ليث:شصار احد يفهمني ليش استغربتو من سمعتو اسم ابوي تعرفونه شنوو

محمد:لييث عشيرتك شنو وبيت جدك حجيلنه اكثر

ليث:ماعرف بيت جدي لين ابوي صارت ويا مشاكل بيت اهله تبرو منه لين تزوج امي بعدني ممكمل وكع جد محمد بلكاع والكل انخبص وبقو يذبون عليه مي

. . . . . .. . . . . . . . . . . . . . . . . . . . . . . . . . . .

ليث:محمد شصااير فهمني شكوووو

محمد:ماعرف شلون اشرحلك بسسس

ليث:بس شنوو احجي فضنيي شكوو

محمد:ليث انته ابن عمي واحنه نصير بيت جدك

ليث:ههه محمد لا تشاقه هيج واني كايلك قبل اكره بيت جدي مو وكتك هسه

محمد:لبث هاي الحقيقه ابوك يصير عمي وامك كورديه وازوجهه وجدي جان رايدله بت عمه وماقبلو ع امك وعصه امر جدي وجدي طرده من لبيت وبعد ماسئل عنه

. . . . . .. . . . . . . . . . . . . . . . . . . . . . . . . . . .

ليث: عقل مابقه عندي مستحيل هذا الشي محمدد شلوون

محمد:هذا الي صار وبعد قضاء وقدر احنه ننجمع

ابو محمد:للييث انته ابن اخوي

ليث:لاا. غلطان اني ماعرفكمم اعذروني. كبل طلعتت صعدت بلسياره وكبل لبغداد توجهت

. . . . . .. . . . . . . . . . . . . . . . . . . . . . . . . . . . .

.

عسل:بابا

ابو ليث:ها بنتي

عسل: بابا. خابر ليث والله شتاقيناله وميقبل يرجع.

ابو ليث:انشالله بنتي

عسل:طلع لموبايل يريد يتصل ع ليث وفجأه نفتح الباب ودخل علينه ليث وجهه احمر واعصاب صاير وميتحاجه اجه كبل كعدد

. . . . . .. . . . . . . . . . . . . . . . . . . . . . . . . . . .

ابو ليث:لا ياطايح الحظ هيج تتصرف واحنه صار شهر ماشايفينك صاير تشيل على ابوك ومتحاحي ياحيف تربيه بيك

. . . . . .. . . . . . . . . . . . . . . . . . . . . . . . . . . .

ليث:(ساكت)

عسل:ليث شبي وجهك احمر وعيونك حمر شصاير

ابو ليث:نتبهت ع وجهه ليث جاوب شبيك شصاير وياك ليش هيج وجهك. مسويلك مصيبه

ليث:لا ممسوي شي

ابو ليث:احجي شبيك شصار وياك

ليث:انته تعرف صديقي محمد مسولفلك عليه قبل

ابو ليث:اي اعرفه. الي بيتهم بلبصره. وكلت خوش ولد

ليث:عزمني بيتهم

ابو ليث:اي واذا عزمك شنو يعني

ليث:مو اهله طلعووو

ابو ليث:نشفت ريگي احجي شبيهم اهلهه باقي تجر بلسالفه

ليث:وكفت ع حيلي وكلتله يابه اهلهه طلع محمد ابن عمي وشفت ابوك واخوك

ابو ليث:شنيييي

ليث:ايي مثل مسمعت

عسل:جانت صدمه النه. وماما سمعت هم كولشي

.

. . . . . .. . . . . . . . . . . . . . . . . . . . . . . . . . . . .

..

.

.

سجاد:رجعت للبيت واجتني ميس اعتذرت مني وكلتلهه لتعيدين هذا غلطج

ميس:حاضر خويه انشالله مايعله صوتي عليك بعد

سجاد:بستهه براسهه ونطيتهه 50 اني هم قسيت عليهه

. . . . . .. . . . . . . . . . . . . . . . . . . . . . . . . . . . .

.

.

.

.

ليث:محتار اني اكره اهل ابوي وصديقي طلع منهم شلوون شسوس وخلصتهه جكاره وره جكاره مادري شسوي.

. . . . . .. . . . . . . . . . . . . . . . . . . . . . . . . . . . .

.

.

لحد مااجاني اتصال من جماعتنه بلبصره لكك ليث

ليث: خيرر علي شصاير شكووو

علي:بجي وصياح لكك محمدد راححح

ليث:شنووووو راح

علي:(بجي)محمد عافنه وراااح كتلوووو

ليث......

. . . . . .. . . . . . . . . . . . . . . . . . . . . . . . . . . . .

يتبع

الكاتبه:noor

لاتنسون التصويت والاشتراك بحسابي

. . . . . .. . . . . . . . . . . . . . . . . . . . . . . . . . . . .