"MARIA TERESA? Liam? Ano ang ibig sabihin nito?!"
Napabalikwas ng bangon si Tere nang marinig niya ang tila kulog na boses ng ama na um-echo sa buong paligid ng kuwarto ni Liam. Gulat na gulat ang dalaga nang makitang nasa bungad ng pintuan si Don Amado at nasa likuran naman nito si Kiesha.
Parang tinakasan ng kulay ang mukha ni Tere nang maalalang wala nga pala siyang damit kaya agad niyang hinila ang kumot at ipinantakip sa katawan. Eksakto namang nagising si Liam. Animo'y naaalimpungatan na bumangon ito. Sa pintuan agad humayon ang tingin nito.
"Ninong? Kiesha? Ano'ng ginagawa n'yo rito?" nagtataka nitong tanong, walang kamalay-malay sa sariling kahubdan at kay Tere na katabi nito.
Nagpalipat-lipat sa kanila ni Liam ang matalim na mga mata ng ama niya. "Ayusin n'yo muna ang mga sa
