PAALIS sina Tere at Liam nang araw na iyon. Isasama daw siya nito sa condo unit nito. Ipapakilala raw siya sa mga kaibigan at ilang kasamahan nito sa football. At dahil hindi siya makapili ng susuotin kaya kinatok niya si Liam para magpatulong na magdesisyon. Katulad nang ginagawa niya kapag may gusto siyang gawin pero hindi alam kung dapat ba o hindi.
Nakailang katok na si Tere pero walang nagbubukas kaya sumigaw na siya nang sobrang lakas. Kulang na lang ay um-echo ang boses niya sa buong hallway. "Kuya, open the door, please! Hindi ako makapagbihis, eh. Help me first!"
Idinikit ni Tere ang tainga niya sa pinto para pakiramdaman si Liam. Mayamaya pa ay narinig niya ang nagmamadaling mga yapak nito palapit sa pintuan.
"Ano ba kasi 'yon? Naliligo ako, eh!"
"Hindi nga ako ako makapagbi
