HINDI alam ni Liam kung gaano na siya katagal nagbabad sa ilalim ng shower. Kahit anong pilit niyang alisin sa isip ang narinig niya kanina na pagtatawanan nina Tere at Jayden ay hindi niya magawa. Paulit-ulit niya pa rin iyong naririnig sa isip kahit gaano pa kalakas ang lagaslas ng tubig.
Hindi siya t*nga para hindi maintindihan ang nararamdaman niya. He was jealous of Jayden. Hindi iyon nawala kahit minsan. Lalo na nang naging mag-bestfriend ang dalawa. Nakikita kasi ni Liam na hindi na lang siya ang tanging lalaking nagpapasaya kay Tere. May mga oras pa nga na nararamdaman niyang mas close si Jayden sa kinakapatid niya. May mga pinag-uusapan ang mga ito na hindi niya alam.
Pero walang karapatan na magselos si Liam. Dahil siya ang nagtulak noon kay Tere para mapalapit ito sa lalaki.
