NAKALABAS NA KAMI ng kagubatan, nasa daan kami sa gitna ng gubat. Nagpasya ang grupo namin na magpahinga muna. Buti na lang natatakpan ng makapal na ulap ang araw. Kita ko ang pagod sa mga kasama ko. Napahiga sa lupa sina Pinunong Kahab at Rama. Si Mira, naupo sa natumbang kahoy sa gilid. Si Claryvel, tumabi sa 'kin maupo sa lupa. Si Mapo Nhamo naman, napainom agad ng tubig. Nakaramdam ako ng hiya, malamang 'di sila sanay sa mahabang lakaran. Pero kay Pinunong Kahab, Mira, Rama at Claryvel lang ako nahihiya. Si Mapo Nhamo kasi walang pakisama, lumulutang siya gamit ang magic niya. Si Shem-shem naman nasa balitak ko, na kanina ko pa napapansin na tahimik. Guluhin ko kaya? Tanungin ko na kaya tungkol sa mga atervhi. At kanina pa ako kating-kati masubukan na palabasin ang mga dahon na bigay s
