~ NATE ~
NASA HARAPAN KO siya, my girl from nowhere, ang Chelsa ko. Naaalala na niya ako - ako bilang si Nate sa mundo ng mga tao. Naaalala na niya ang aming nakaraan at ang aming pagmamahalan. Nakahiga kami sa higaan na gawa ko mula sa mga tuyong dahon at may dahon akong pinalapad na nagsisilbi naming kumot. Malapit lang kami sa ilog, naglagay din ako ng harang sa palibot namin, mga putol na sangang pinaikot ko sa aming higaan. Nakaunan si Chelsa sa braso ko, ang sarap niyang pagmasdan habang nagsisilbi naming ilaw ang liwanag mula sa napakaraming alitaptap sa paligid at musika namin ang huni ng mga insekto at mga ibon sa kagubatan. Hindi na kami naghanap ng makakain para sa gabing ito, halik niya pa lang kasi busog na ako. At sabi niya, gano'n din siya.
"Isa pa," request ko?
"Na?" tan
