~ SA ISLA NG DULOM ~
IBINIGAY NI HARING Hastro sa pito niyang mandirigma ang bagong misyon ng mga ito. Nais niyang dukitin si Nate. Dahil sa palagay niya ay may malaking rason kung bakit ito nasa mundo ng Anorwa at nagpapanggap na diwata. At nagtataglay pa ito ngayon ng kapangyarihan. Nahihiwagaan siya sa binata at naiisip niya na gagamitin ito ng Ezharta upang mapasuko ang kanilang sugo. Hindi niya inakala na kayang makipaglaro ng patago ng mga Ezhartan.
"Iyon nga kaya ang dahilan?" mahinang nasambit ni Hastro.
"May sinabi ka, mahal na hari?" tanong ni Rangawey. Nakatayo sa tabi ng trono niya ang atervhi.
Umiling si Hastro. "Magiging mabisa nga ba talaga ang perlas, tuluyan na bang mawawala sa alaala ng prinsesa ang nakaraan niyang buhay?" tanong niya.
"Kanina mo pa inaalala ang baga
