~ CHELSA ~
NANG LUMABAS ANG mga kasama kong mandirigma, kasama na nila si Nate. Wala siyang malay. Hindi ko siya matingnan. Naguguluhan na talaga ako sa sarili ko. Lalo na kapag nakikita ko siya, may mga imaheng pumapasok sa utak ko - nasa kakaibang lugar kami at iba ang aming kasuotan. Walang mga pakpak ang mga nilalang doon at maraming kakaibang bagay.
Tinalian siya ng mga kasama kong hatao at winasak nila ang malaking bato sa makipot na daanan papasok ng kuweba nang nasa labas na ang lahat.
"Bumalik na tayo sa Dulom," sambit ni Ayreen. Nag-baltas kami pabalik sa islang aming tirahan. Ngunit hindi namin magawang makaalis, nawawala kami ngunit muling nasa dating lugar pa rin kami. "Maaaring may mahika o proteksyon ang diwatang ito!" galit na bulalas ni Ayreen.
Nagpasya kaming lumipad
