"BANGTAN?" NASAMBIT KO, at bigla na lang bumuga ang dragon, sunod-sunod na nagpakawala ng apoy ang pitong ulo nito.
Isang hakbang ko lang paatras, hindi na umabot sa 'kin ang mga apoy. Kaya pala sinasabi ni Yeontan na 'wag kung patayin ang dragon na kanyang mga anak, na parang hindi siya nag-aalala para sa kaligtasan ko dahil ang dragon na pinangalanan nilang Bangtan ay kasing laki lang ata ng kunehong sinasakyan nila. Well, para kasi sa kanilang mga butingoy, halimaw na ang laki ng dragon. Ang anyo nito ay ang ini-expect ko talagang hitsura ng dragon na nakikita ko sa mga fantasy movies, 'yon nga lang talaga pito ang kanyang ulo na may mahahabang leeg. Brown at itim ang kulay niya na kung talagang dambuhala ito tulad ng halimaw na ayam, sobrang nakakatakot ito lalo pa may mga sungay ang
