الــحــلـقـة الــؤلـى 1
1716 Words
_لــبـوة الـمــوصـل
لــلـكاتــبة: مـــهــرة
اريدك گون تشبگني
لحد ما تنخبط بيه
لحد ما ألتفت للدنيا
وألگه الناس ماهيه ♥️.
_____________
عَــهـد: أمشي بهدوء بالشارع وصافنة وصلت
للبيت فتحت الباب ودخلت لگيت بابا سودة
علية نايم ع الكرسي گمت گعدتة
"هها بابا حبيبي ليش نايم هنا"
عدنان:"ب بابا اا خذذتني نومة"
عَــهـد:"لعد وين البنات ليش مأجنك"
عدنان"وو اللة ب بنيتي ممادري"
عَــهـد:" يلا حبيبي خلي اخذك انومك ،جوعان"
عدنان"لل لا ماريد"
عَــهـد:اخذت ونومتة بسريرة واني ارتب
المكان صفنت بيي صاير بيه بابا من توفت
امي وهو مـَ تحمل خبر وفاتها صارت بي
جلطة وصار بي شلل نصفي ونعوج حلگة
فلههذا ههو يعاني من صعوبة بالنطق ،
طفيت الگلوب وطلعت اشوف اخَواتي
دخلت للغرفة لگيتهن گاعدات
عَــهـد:"هها انتن هنا گاعدات واني عبالي نايمات"
نورهان"اي اني هستوني كملت اقراية وگعدت اتصفح بالفون شوية حتى انام"
عَــهـد: "گاعدات هنا وبابا خطية نايم بالكرسي وم**ورة رگبتة "
نورهان:"حاچي اختج الي معافت الفون ولا لحظة من رحتي لسة"
عَــهـد: هزيت راسي بتعب من هل بنت لشوكت ضل هيج ع الفون
" حنين عوفي الفون وگومي اقري بساع"
گامت وهيا متباوع بوجهي تجاهلتها وگمت
غسلت وجهي وادية وگمت فتحت كتبي
وگعدت اقرة لان باجر عندي امتحان مرت
ساعة وحسيت راح انام ع الكتاب من تعب
لميت الكتب والملازم ورحت فرشت فراشي
ونمت واني افكر واطرح ع نفسي اسئلة
زين امي لو ما ميتة جان صح نفسهاا حالتنة
المادية بس عاد احسن ومانطريت اگوم
اشتغل ويضل اليسوة والميسوة يشمر كلام
علية تن*دت ومن تعب بعد ماحسيت بشي
غير ع صوت منبة ال نورهان گامت نورهان
تقرة گمت غسلت وجهي وفرشت اسناني
وگمت اسوي ريوگ
عَــهـد:" نورهان گومي حبيبتي شوفي بابا خاف گعد او يحتاج شي"
نورهان "ماشي"
عَــهـد:" حنين حنين گومي جيبي **ون بساع "
حنين "بطني دتأذيني ماگدر "
عَــهـد: رحت عليها "شبيچ ماما ليش تأذيج بطنچ " تقربت يمي وهمست
حنين "وياچ مري ع الاسواق جيبيلي فوط"
عَــهـد: ضحكت "ماشي"
حنين "ههااي شبيج ليش ضحكين والله حرام عليچ"
عَــهـد: لبست حذائي واخذت فلوس
" هاي شبيج امي دروحي شربي حليب حاار خلي نورهان تسويلج اذا متگدرين"
ههاي حنين تتأذة حيل من تجيها الدو... بس
ماگدر اخذها للدكتورة لان يادوب تكفي
الفلوس مصرف بيتنة و الراتب مال ابوية
للايجار كلةة مناخذ منة ولا ربع مديت ايدي
بجيبي وطلعت الفلوس لگيت بيها بس الفين
ونص تن*دت ورحت اول شي للأسواق
اخذت فوط انطيت
الفلوس وطلعت رحت لابو **ون اخذت
منة ب خمسمية **ون
عَــهـد: "صباح الخير "
_ "صباح النور"
عَــهـد: گمت شمرت الفوط ع حنين لان
گاعدة بالغرفة ورحت ع بابا
"بابا حبيبي شلونک"
عدنان" ع على الله"
عَــهـد:" ونعم بالله ، يلا نورهان جيبي
الصينية خلي نتريگ علمود نروح للدوام"
نورهان "ماشي گلبي"
عَــهـد: رحت ال حنين "هها امي شلون صرتي"
حنين " عَهد راح اموت بطني"
عَــهـد: "سودة عليةة امي انتي"
حضنتها من راسهها
"يلا گومي نتريگ "
حنين" ماگدر اگوم اكل والله, اليوم ماروح لان ماگدر "
عَــهـد:"يلاا امي نامي ودفي و خلي بالچ ع
بابا تمام"
عَــهـد:غطيتها وگمت اتريگ وياهم كملت
ولملمت الغراض وبدلنة وطلعت وي نورهان
"نونايتي شلونج بالمدرسة "
نورهان"الف الحمد لله زينة "
عَــهـد:"عفيةة امي املي كلةة مخليتة بيچ"
نورهان"أن شاء الله ارفع راسچ وراس بابا"
عَــهـد:حضنتها من چتفها وبستها براسها
راحت المدرستها ورحت امشي للجامعة خلي
اسولفلكم شويةة عني
" اني عَــهد طالبة بجامعة بغداد قسم -تحليلات مرضية
حالتنة المادية كُلش مو زينة من زماان بس
منگول غير الف الحمد لله قبل 3 سنوات
ماما توفت بحادث سير بابا چان يعشق ماما
ماتحمل خبر وفاتها فصابتة جلطة ?? بعد
مگدر يشتغل و راتب ميكفي بس للإيجار
يعني حرفياً كلهه لابو الايجار ما ناخذ منة
شي ف انجبرت اطلع اشتغل بمجمع ملابس
يعني مو راتب شهري بس يومية 30 الف
الحمد لله ع كل حال اني اداوم صبح
بالجامعة و العصر بالمجمع عندي اخوات
اثنين ماعندي اخوان حنين صف خامس
علمي و نورهان رابع علمي حنين متطلبة
وحيل جاي تعبني وياها ع** نورهان الي
شاطرة واخذوها مدرسه اهلية بلاش داوم
لان ب ثالث متوسط جابت معدل عالي
دائماا مخلية املي بيها "
وصلت للجامعة بعد ماطاحت رجلية متت
اول مدخلت رحت للقاعة ماعندي صديقات
اني كُلش هادئة كملت دوامي جان عندي
بس محاضرتين كملتهن وطلعت للبيت طول
الطريق احس واحد ديراقبني كل ما التفت
ماشوف احد استغفرت ربي ومشيت وصلت
للبيت دخلت لگيت بابا گاعد بالصالة ابتسمت
بوجهه سودة علية يخاف يروح منا لو منا اذا
ماياخذة احد بحيث منا لمن اروح وارجع
الگاة بصالة ومرات البنات ياخذنة ومرات لا
رحت بست راسة
"شلونک بابا"
عدنان "ح حبيبي ال الحمدلله "
عَــهـد: "إلحمد لله ، اجت نورهان "
هز راسة رحت طبيت للغرفة لگيتها جاي
تبدل
نورهان"ياااا تحچين صدگ مو جاي ابدل
ليش دخلين ,دوري وجهج "
عَــهـد: عفتها دردم ورحت ع حنين
"امي سودة علية حرارتها ارتفعت"
حنين " كل مرة هيج جيبيلها دوة من صيدليه"
عَــهـد:"صدگين اذا اگلچ ماعندي ولا ربع"
حنين "لعد شون ضلل ههشكل "
عَــهـد:"مابيدي شي احاول اجي اليوم من
وقت وجيبلها علاج ،روحي للثلاجة يمكن
عدنه خافظ حرارة جيبي ونطيها "
گمت بدلت وكملت ورحت للمطبخ سويت تمن
ويابسة وگملت خليتهن مهدرات ورحت
للغرفة شفت نورهان تقرة. وحنين بعدها ع
نومتها بدلت لبست بنطلون وبدي اسود
عَــهـد:" نورهان ديري بالچ عليها وإذا ضلت هيج حرارتها سويلها كمادات"
نورهان "ماشي,بس الله يخليج لتتأخرين اليوم باجر عندي امتحان و حنين منا وبابا مناا ماگدر"
عَــهـد:"حبيبتي أن شاء الله ماتأخر,يلا بابا اني رايحة تريد شي اجيبلك وياي "
عدنان "الله و وياج بب بنيتي "
عَــهـد:ابتسمت بوجه ورحت اركض لان
تأخرت شوية اول ماوصلت اجتني خزرة من ابو المجمع
"السلام عليكم"
_وعليكم السلام
سيف" ليش تأخرتي"
عَــهـد:"اسفة بعد مَـ تأخر "
سيف "يلا روحي شغلچ بساعع "
عَــهـد: "حاضرر"
عَــهـد: ضليت طول اليوم اجامل بالزبائن
صارت ب 5 خفت ع حنين وم***ع الاتصال
بوقت الشغل شون بيةة رحت ال سيف
"استاذ سيف ممكن احچي وياك "
جاوبني وهوة مخلي راسة بالفون عابت لهل
راس
سيف " اي احچي "
عَــهـد: "اختي مريضة واريد اتصل ع البيت حتى اطمن عليها "
جاوبني بنتر وهلشي نرفزتي
سيف "لا"
عَــهـد:" حيل مريضة اريد اطمن عليها"
سيف "لا "
عَــهـد:"زين انطيني اجازة زمنية "
سيف"لاا"
عَــهـد:"ليش استاذ ههاي مو كلهها تنطيها اجازات ساعة وساعتين "
سيف"روحي كملي شغلچ "
عَــهـد:رحت اتأفئف ليش هيج صارت ساعة
ب 6 وبعد ما اتحمل رحتلة
"استاذ سيف اليوم اريد اطلع من وقت"
انتبهت يمة واحد
سيف " هههف تعبتيني "
عَــهـد:"بس اليوم والله اختي مريضة "
سيف"اذا تردين روحي بس بشرط "
عَــهـد:"شنو استاذ "
سيف"اليوم مانطيچ يوميه"
عَــهـد:"استاذ ماعندي ولا ربع غير اجيبلها علاج وبعدين هذا تعبي اني من 3 ولسةة اشتغل"
سيف"بكيفچ هو هذا الموجود "
أسـمر : "انطيها فلوسها وخلي تروح البنية"
سيف:"أسـمر لتدخل بشغلي مثل ما اني مادخل بشغلك "
أسـمر : "گتلک انطي البنية فلوسها وخليها تروح "
عَــهـد: صراحه خفت من حدت صوتة
وضجت لان يشفق علية هشكل تن*دت وگلت
يلا المهم ارجع للبيت هسهه انطاني سيف
25 الف بس باوعتلة عرفت يقصد 5 الف
مال ساعتين الي مراح اشتغل بيهن يلا
همزين ماأخد اكثر من هيچ وجهت نظري
لههذا الي اسمة أسـمر
"شـُكراً"
باوع بوجهي و ههز راسة عفتة ورحت اركض
جنطتي سمعت ههواي حچي يذبنة علية
مهتميت وبالي كلةة يم حنين رحت للاسواق
بسرعة تقرضت رصيد من الشركة وتصلت ع نورهان
عَــهـد:"هها امي نورهان شونها حنين"
نورهان " والله بعدها نفس حالها وقبل شوية
بس ترجف "
عَــهـد: "تمام أمي هسه جايتكم"
سديتة ورحت اركض لاقرب صيدلية دخلت
لگيتهم 3 ولد اخخ شون بية حيل خجلت
هسه شسوي
الولد"تفضلي "
عَــهـد:حچيت بخجل وصوت ناصي
"اختي عليها شهرية وبطنها حيل تأذيهاا وحتى حرارتها ارتفعت"
الولد "زين هاي اول مرة ههيج يصير بيها لو كل مرة"
عَــهـد:"كل مرة بطنها تأذيها صح بس ما تصخن وضل ترجف "
الولد"تمام راح انطيهاا علاج واعتقد لازم تراجع دكتورة"
عَــهـد:"إن شاء الله "
احسهم كلههم يباوعولي والله غطيت بملابسي
الولد"تفضلي "
عَــهـد:"بيش صارن"
الولد"خليهن علينة "
عَــهـد:"لا شكراً "
الولد "ب 10"
عَــهـد: انطيتة ال25 ورجعلي 15 الف
خليتهن بجيبي وطلعت اركض بكل سرعة
عندي وصلت الفرعنة وماحس الة نعثرت ع
وجهي وگعدت طشر العلاج وصار بحالي
أسـمر : "الله الله الله خو ماتأذيتي"
عَــهـد:گمت واني مفتشلة ضليت گاعدة
بالگاع وهو يلم بالعلاج
أسـمر : "ليش تركضين هسه انتي لو متأذية "
عَــهـد: گمت بهدوء ونكتت ملابسي وهو
انطاني العلاج
"شُكرا"
أسـمر :ابتسمت بوجهها "ههلا بيچ ،مو تركضين "
عَــهـد:مشيت واني ميتة من المستحة بس
عبالكم تبت درت وجهي شفتة بعدة واگف
مهتميتلة ورحت اركض واسمع صوت
ضحكتة العاليه حتى اني ضحكت ع روحي
وصلت للبيت رأستاً
"هها شلون صارت"
نورهان "نفس حالتها ، عَـهد اني خايفة عليها"
عَــهـد:"أمي لا تخافين ماكو شي أن شاء الله"
گعدتها
"هها بنيتي شون صرتي"
حنين:بدموع"بردانة"
عَــهـد: "أمي لا تخافين اني يمچ ،گومي
نورهان سويلها حليب حاار "
نورهان"تمام "
حنين:بدموع"راحح اموت من الوجع "
عَــهـد:"يلا يروحيي لا تخافين اني يمچ "
گمت انطيتها علاج وهيا مماكلة لان ماكو غير
هذا االحل
نورهان " عَـهد ماكو عدنة حليب "
عَــهـد:" استغفرالله شلون هسهه "
حرت شسوي ماعندي بس 15 الف وخاف
نحتاجهن وننطر ناخذها للمستشفى
"اركضي نورهان وجيبيلج ت**ي بسااع "
راحت نورهان تركض گومتهها وغسلتها
وبدلت ههيا لان ملابسها مدمرة كملنة وخذتها
نورهان" عَـهد ماكو ت**ي بس ههذا ولد شافني واجة يساعدنة "
عَــهـد: خزرتة "يا ولد "
طلعت بيها واني ناوية ارفض المساعدة من
الولد بس وصلنة شفتة نفس الولد أسمَر
هستوني ردت ارفض المساعدة
حنين: "الله يخليچ عَـهد راح اموت بساع"
أسـمَر : " اساعدچ صعدينها "
عَــهـد:"لا لا اني اصعدها "
صعدتها واشو شفت نورهان تريد تصعد
عَــهـد: خزرتها "لا وين ضلي يم بابا نايم خاف يگعد ويحتاج شي خلي فونچ يمچ ومن يگعد بابا گوليلوو ماكو شي لا ياخف ،تمام"
نورهان"تمام"
أسـمَر : "نتوكل"
حنين"فدوة بسااع راح اموت "
عَــهـد: "أمي كافي لا تخافين اني يمچ"
ضل يسوق سكتة وصلنة ونزل ويانة
" شُكرا الك عيني ، ميحتاج بعد احنة نروح لوحدناا"
أسـمَر : "لا لا لازم اضل وياكم انتو بنات الوحدكم خاف تحتاجون شي "
عَــهـد:ردت اجاوبو بس وقفني صوت حنين وهيا تون
حنين"يللا عَــهد راح اموت "
عَــهـد:"يلاا أمي مشينة "
رحنه للطوارئ والولد ابدد معافنة ويفتر
ويانة دخلت للفحص واني نتضرتها برة
والولد ضل واگف گلت والله عيب من الولد
خلي احاچي
"احم عيني اني جداا اشكُرك ع وگفتك ههاي ويانة ماتقصر ،تگدر تروح ماعدنة شي بعد وبس تكمل نرجع "
أسـمَر : "أفااا والله عيب تحجين هيج تدللون انتم واني مارجع منا لمن اوصلكم بيدي "
عَــهـد:"والله ميحتاج "
أسـمَر : " أفااا وين الغيرة والنخوة اذا اخليجن هننا واروح "
عَــهـد: ابتسمت بوجهه ، صفنت بية ونتبهت
الوجهه وتفاصيل حلو الولد عيونة سود عندة
لحية خفيفة ومرتبة جسمو كلش حلو
ومرتب ضليت صافنة بملامح وجهها الحادة
______________
_ لــبـوة الـمــوصـل
لــلـكاتــبة: مـــهــرة
???? ????????
بارت حلو نفسكم ، احـــبــكــم بنياتي?✨
- Writer
