NAGDESISYON ang Tito Albert ni Julliana na lumipat na silang mag-ina sa bahay nito isang araw bago ang kasal nito at ng kanyang mama. Ang orihinal na plano ay lilipat sila roon pagkatapos ng sunrise wedding ng mga ito. Dapat ay sila na lamang ni Benjamin ang maglilipat ng mga gamit nila dahil kaunti lang naman ang mga dadalhin nilang gamit na mag-ina. For sale na ang kanilang apartment, pati na rin ang mga gamit nila.
“Wow!” bulalas niya pagpasok nila sa bagong silid niya.
“Do you like it?” tanong ni Tito Albert. Nasa likuran nito ang kanyang ina na gaya niya ay manghang-mangha rin sa ayos ng kanyang silid.
“Of course she doesn’t like it,” sabad ni Benjamin na bigla na lang pumasok sa loob ng silid. May bitbit ito na isang kahon na may kung ano-anong laman. May nakasunod na isang maid d
