“GALINGAN mo sa pupuntahan mo, Julliana,” sabi sa kanya ni Dra. Jean.
Hindi niya mapaniwalaan ang narinig. Bago pa man siya makatugon dito ay tinalikuran na siya nito at bumalik na ito sa mesa nito. May pasyente na yata ito na dapat asikasuhin. Napangiti na lang siya habang nakatingin dito. Nawala na ang inis niya rito. Sinimulan na niyang ayusin ang mga gamit niya. Iyon na ang huling araw niya sa clinic. Sa susunod na linggo na ang pasukan niya sa art school. Iilan lamang ang nakakaalam na mag-aaral uli siya. Ang akala ng iba ay naihanap na siya ni Benjamin ng papasukan na ibang clinic o ospital. Tahimik lamang siyang aalis ng clinic at tahimik din siyang mag-uumpisa sa bagong career niya.
“Sumabay ka na sa akin sa pag-uwi,” yaya sa kanya ni Dra. Elizabeth paglabas niya ng silid. Mukhan
