Nahigit ko ang aking hininga nang mapagtantong ako ang tinatanong sa proposal na 'yon nang muli ko itong binasa.
"Gavin--"
Napahinto ako nang may nagsalita mula sa aking likuran. Kasabay nito ang biglang bumukas ang ilaw na sa amin lang nakatutok.
"Mahal, thank you for the happiest one year being with you. Hindi mo alam kung gaano ako kasaya sa isang taon na kasama ka. Na maging asawa ka. Napakasaya ko, Mahal, sobra. Kaya please...hayaan mong pakasalan kita muli."
Sumikip bigla ang dibdib ko at mabilis nag-unahan sa pagpatak ang mga luha ko nang marinig ko ang boses na iyon ni Gavin na malambing na nangungusap. Kaagad akong pumihit paharap sa kanya at lalong lumakas ang mga luha ko sa hindi ko maipaliwanag nang makitang nakaluhod pala siya habang hawak ang kahitang mayroong laman na k
