Hindi ko na napansin ang oras sa dami ng ginawa namin ni Macy. Lalo't hindi maalis sa isipan ko ang sulat ng damuho kanina. Naiinis ako dahil kung makabanta siya akala mo may relasyon kami. Baka nakalimutan niyang walang kami. Kaya umayos-ayos siya! Akala niya siguro matatakot ako sa banta niya. Leche siya!
"Ate Bella, umuwi na po kayo. Ako na po ang tatapos nito."
Maya-maya ay biglang pukaw sa akin ni Macy. Kaya natigil ako sa pag-iisip at lumingon sa kanya.
"Hindi tapusin natin ito. Maaga pa naman. Saka kaunti na lang din naman ito kaya okay lang, sabay na tayong umuwi," tugon ko at tipid na ngumiti.
"Baka po kasi hinanap na kayo ni Baby Shanna," nag-alala niyang wika.
"Hindi pa siya tumawag sa akin, Macy. Kaya malamang hindi pa ako namiss no'n," nakangiti kong sagot sa kanya.
"Oo
