"Daddy! I'm hungry na po."
Narinig kong reklamo ng anak naming si Shanna sa Daddy niya. Lumingon ako sa kanyang likuran at napangiti ako dahil hindi na mapinta ang kanyang mukha. Mukhang gutom na talaga siya.
"Okay, sweety. Let's eat, then. Ano'ng gusto mo?" lambing na tanong naman ng Daddy niya at napailing na lang nang sumulyap sa akin.
"Brat.." bulong pa niya.
Maging ako ay napangiti rin sa kakulitan ng anak namin. Hindi kasi siya nahihiyang magsabi kung ano ang gusto niyang sabihin. Mana talaga sa kanyang ama. Walang filter din ang bibig.
"I want that, Daddy!" turo nito sa burger at fries sa isang fast food na may model na may malaking bubuyog.
"Where?" tanong niya matapos patayin ang makina ng kotse.
"Over there, Daddy!" turo uli nito na sinundan naman nang tingin ng Daddy niy
