"Bye, baby. Pupunta na si Mommy sa shop…"
Nakangiti kong paalam sa anak kong si Shanna. Nasa dining area ito kasama ang kanyang Daddy at Lola habang kumakain ng almusal.
"Bye, Mommy…" malambing na sagot naman nito bago muling sumubo sa pagkain.
"Ma, alis na po ako. Ikaw na po muna ang bahala kay Shanna. Tawagan niyo po ako kapag may kailangan kayo."
Paalam ko rin kay Mama nang bumaling ako sa kanya.
"Have some breakfast, hon." biglang singit ni Gavin sa usapan.
Sumimangot kaagad ako nang marinig ko kung ano ang tinawag niya sa akin. Hindi ako kumibo. Ni hindi ko rin siya nilingon. Baka akala niya ay natutuwa ako sa kanya ngayon porket may nangyari sa amin.
"Tama si Gavin, Bella, kumain ka muna ng almusal bago pumasok." sang-ayon rin ni Mama pero hindi nakatakas sa akin ang pasimpl
