Pakiramdam ko ay parang sasabog na ang aking dibdib sa hindi maipaliwanag na emosyon habang walang kurap na nakatingin at naghihintay sa mahal kong reyna. Damn. Kinikilig ako dahil para akong nakakakita ng diyosang nagkakagusto sa akin.
Tama ang nakikita ko nang makita ko ang gown para sa kanya. Magiging dyosa siya kapag suot niya na ang gown dahil bagay na bagay sa kanya. Maging ang mga taong inimbitahan namin ay nasa kanya rin nakatuon. Lahat ay napanganga at halos gano'n rin ang reaksyon nang pumasok na siya sa simbahan.
Magkahalong kaba at saya ang aking nadarama ngayon dahil sa wakas, dumating na ang araw na pinakahihintay ko. Ang araw ng kasal namin. Ang araw na maging legal ang lahat sa amin. Ang araw na mapapa-sa akin na talaga siya. Araw na maging tunay na pamilya ko na sila.
