البداية

الفصل الرابع

الفصل الرابع

دايما براهن على الجزء السيء في البشر مؤمن بفكره اني كل الناس وحشه بس محتاجين الدافع اللي يظهر الجانب السيء ده اصل لما كان صباعي تحت ضرس اي حد كان يدوس عليه و ده اثبت الفكره بقيت ماشي بمبدأ ( كل البشر وحوش حتي تستطيع ترويضهم ) ممكن اكون غلط ممكن اكون صح بس من تجربتي بقول انا صح ممكن يكون القارء ليه رأي تاني غيري على حسب نظرته في الحياه انا عايز اعرف اراء القراء ف الكومنتات

بدايه الفصل

طلعت من الاوضه و انا بلبس النوم لقيت امي قاعده بره في الصاله مع واحد واخده في حضنه و مبتسمين خالص

امي : (بابتسامه) صح النوم يا بوب

انا : (عاقد حواجبي و مستغرب) مين ده

امي : هههههههه طيب رد عليا الاول

انا : لما تردي انتي الاول مين حضرتك

شخص : هههههههه مش عارفني

انا : (بق*ف) لا مشرفتكش بمعرفتي خالص

شخص :طيب يا سيدي انا حسن محمود خالك اخو امك

انا : طيب طيب

سبتهم و دخلت جوه الاوضه لبست شورت جنز و تيشرت تاني و غسلت وشي و طلعت

انا : ماما عايز قهوه

امي :طيب كول اي حاجه

انا : لا عايز قهوه بس

قامت امي و خالي فضل قاعد هو اصغر من امي بكتير لدرجه اني امي كانت بتذاكر ليه و هو صغير و كان مرتبط بيها جدا زي ابنها هو تحسه شاب صغير لبس شورط قماش فاتح و عليه قميص فاتح برضه راجل تحس انه عيل صغير

حسن : (بابتسامه) مالك يا ايهاب شكلك قافش كده

انا : معلش لسه صاحي من النوم

حسن : باين عليك قولي يا ايهاب انتا بتدرس ايه

انا : تجاره جامعه القاهره

حسن : جامعه القاهره انتا كنت جايب مجموع كبير

انا : ايوه 97 علمي رياضه

حسن : مدخلتش هندسه ليه

انا : بحب التجاره و الحسابات

حسن : كويس

امي : القهوه يا حبيبي

انا : تسلم ايدك يا حلجه فين مروه

امي : نزلت مع اصول تتفسح شويه و تتف*ج على البلد

انا : وانا معرفش

امي : (حبت تبين انها مسيطره قدام اخوها) بس انا عارفه

في مشهد اخر

مروه مع أصول في كافيه

اصول : بجد انتي عسل يا مروه

مروه : انا عارفه

أصول : ايه الغرور ده

مروه : دي ثقه

دخل عليهم شاب لابس بنطلون مقطع و قميص فاتح اول ثلاث زراير و موقف شعره كله

شاب : (دخل قعد على طول) ازيكم يا بنات

مروه : نعم

شاب : ايه الي نعم

مروه : انتا دخلت و قعدت بدون ازن و بتقول ازيكم يا بنات انتا مين

شاب : انا جاسر رشوان

مروه : ايوه جاسر رشوان مين و تقعد بصفتك ايه شغال ايه يعني

اصول : اهدي يا مروه

مروه : اهدي ايه انا عارفه الناس دي كويس ابن مين في مصر انا كل قفي معدي يقولي انتي مش عارفه انا ابن مين في مصر

شاب : (كلم اصول) مين دي

اصول : دي مروه المحمدي بنت خالتي و خالتك

شاب : (بص لي مروه هيا مسحت بكرامته الارض و لو سكت شويه كانت جابته من شعره) طيب اهدي شويه يا حاجه انا ابن خالك على فكره

مروه : وانا اعرف منين

اصول : انتي حد لحق يعرفك حاجه دخلتي فيه زي القطر

مروه : بتعرض لي مواقف زي دي كتير في الجامعه عيال ملزقه

جاسر : انتي متخيله حد في اسكندريه كلها يقدر يدخل و يعمل الي انا عملته ده و يقعد على تربيزه بتاعت اصول رشوان مستحيل طبعا

مروه : طيب عندي دي يا عم (تلفونها رن و كنت انا) يا نهار اسود

اصول : في ايه

مروه : ايهاب صحي من النوم

اصول : طيب و بعدين

مروه : نزلت من غير ما اقوله و ها يخرب بيتي ده قفل

اصول : خلاص تلاقي طنط عرفته انك معايا

مروه : لا لو قفل و رن تاني تبقي مصيبه على دماغي يالهوي بيرن تاني (ردت و هيا بتترعش و جاسر و اصول مش فاهمين) الو يا اخويا يا حبيبي

انا : انتي فين

مروه : في كافيه مع أصول يا اخويا يا كبير

انا :طيب الساعه كام

مروه : (بصت في الساعه) 8 و 10 دقايق

انا : معاكي 20 دقيقه و تكوني قدامي

مروه : اقل من كده و اكون عندك

قفلت السكه من غير سلام

مروه : انا لازم اروح دلوقتي

اصول : تروحي ايه اسكندريه كله بتصحي دلوقتي

مروه : انا لو مرجعتش في خلال 20 دقيقه زي ما قال في اول طياره و هكون في الصعيد تأديب ليا

جاسر : ليه ده كله

مروه : علشان نزلت من غير ازنه علي فكره إيهاب هزار و ضحك بس لو عملت حاجه من وره يعرف و لو عرف تبقي ليله سوده

اصول : طيب و الي يوقفه عند حده و يعتذر ليكي علشان رجعك بسرعه

مروه : هههههههه انتي في حلم تحبي تشوفي براحتك

أصول : انا مش بيأس

جاسر : وانا عايز اتف*ج عم عنتر ده ها يعمل ايه مع أصول يا بنتي اصول بتخلي جدي محمود يرجع في كلامه ايهاب ها يصعب عليها لا اتف*جي

اتحركه كلهم جاسر في عربيته و اصول مع اختي في عربيتها وصله العماره و طلعه دخله الشقه و انا قاعد

امي : رجعتي ليه

انا : (بصيت لي امي بحده) علشان انا قولت ليها ترجع

امي : (بصت ليا بغضب و غيظ) ماشي

انا : (بصيت لي جاسر) مين الشبح

حسن : ده جاسر ابني

انا : (سلمت عليه وانا قاعد) اهلا

اصول : في ايه يا عم ايهاب شادد علينا ليه

انا : (طنشت كلامها و كلمت مروه) اقعدي

مروه : (قعدت بعيد عني) خير يا اخويا يا كبير

انا : (شاورت ليها تسكت)

الكل قاعد ساكت و مترقب رده فعلي و متخيلين اني هقوم اض*بها بس ازاي دي مش اختي دي بنتي جالي تليفون رديت عليه

انا : الو طمني....... وصلت...... طيب الدور الاخير

قفلت و بعد دقايق الباب خبط قومت فتحت و اخدت حاجه من واحد و رجعت تاني

انا : مروه

مروه : (بتوتر) ايوه

انا : قليلي عملتي ايه في الترم ده في الامتحانات

مروه : لسه النتيجه مظهرتش

انا : (بأسف) لا ظهرت و طلعتي بتقدير امتياز

مروه : (وشها نور جامد) بجد

انا : هيا دي فيها هزار (شورت ليها تقعد جنبي جت تجري) لما انتي عندك مشكله مع دكتور في الجامعه مش تقولي احلها

مروه : محبتش ازعجك و بعدين انتا كنت مركز قوي في الامتحانات التخرج

انا : انا دايما فاضي ليكي قوليلي انتي كنتي بتزني علي ايه بقالك مده

مروه : وحياتك عندي ما فاكره انا اساساً رجعه خايفه منك

انا : طيب يا ستي انا فاكر (عطتها مفتاح عربيه) دي هديتك بدل كل شويه اوبر أوبر الحج اوبر نفسه زهق منك

مروه : مني كوبر (خدتني بالحضن) انتا اجدع اخ في الدينا

اصول : يا شيخ انا قولت اول ما نيجي ها تعلق اختك زي سيخ الشاورما

انا : اعلقها دي عقاب عادي لا انا كنت هبعتها اسيوط في اول طياره بس النتيجه لسه وصله حالاً

مروه : قولي انتا حليت القصه دي مع الدكتور ازاي (مروه بتدرس سياسه و اقتصاد في الجامعه الامريكيا) ده الدكتور رخم اوي

انا : عارف

حسن : ايوه ازاي

انا : كله بالجنيه

حسن : دفعت ليه فلوس

انا : لا طبعا هو انا مغفل انا صورته و هو بياخد فلوس رش*ه من طالب تبعي

حسن : و اشمعنا كده كنت دفعت ليه و خلاص

انا : علشان كل شويه ادفع علشان انجح اختي لا كده صباعه تحت ضرسي احسن ما اكون انا تحت ضرسه و بعدين انه يهزق اختي في المدرج قدام كل الطلبه و يخليها نكته لا ده ليه حساب كبير

حسن : شاطر يا ايهاب

انا : ابن المحمدي للزم ابقي شاطر

امي : تعاله يا جاسر اقعد جنبي يا حبيبي

جاسر : (قام و قعد جبنها)

امي : فيك كتير من المرحومه امك الغاليه انتا عارف انا الي سميتك جاسر ابوك كان محتار في اسم

جاسر : ماشي يا خالتو

امي : بتدرس ايه بقي

جاسر : بزنس ادمتيشن (يعني اداره اعمال بس بروح امه ل**نه معوج)

امي : امممم عايز تمسك الشركه بتاعت جدك صح

جاسر : بس جدو يرضي عني

أصول : سيبه ليا اكلمه

حسن : بقولك ايه يا ايهاب انتا متعرفش حد في جامعه اسكندريه

انا : ايه

حسن : اصول يا سيدي مش عارفين ننجحها

انا : ليه كده

اصول : علشان حقوق اسكندريه مش بتنجح فيها بالوسطه او المذاكره

انا : اومال ازلي

اصول : هما عايزين طالب مجتهد و يبقي يطلعوه دكتور في الجامعه لكن طالب عادي و ينجحوه لا لازم تبقي خارق الذكاء (وده حقيقه حقوق اسكندريه تاني اصعب حقوق في مصر بعد جامعه اسيوط)

انا : انتي في سنه كام

اصول : المفروض في سنه رابعه بس انا لسه بعيد في اوله

انا : طيب النتيجه ظهرت

اصول : لا لسه

انا : طيب انتي عملتي ايه يعني شايفه انك ممكن تنجحي

اصول : كتبت اوي حاجه في الورقه

انا : طيب اللي يخليكي تنجحي

حسن : ليك عندي الي انتا عايزه

انا : لا اسمعها منها

اصول : تاخد كام

انا : انا مش باخد فلوس

اصول : عايز ايه يعني

انا : كله بتمنه يعني عايزه تجيبي مقبول تعزميني على شاورما عايزه جيد انا الي اعزمك على شاورما عايزه امتياز انتي تعزميني على الغذاء

الكل باصص ليا بستغراب

اصول : لو عرفت تعمل حاجه ليك عندي عزومه غدا

انا : مفيش حاجه مش بعرف اعملها

####