الفصل الرابع

1046 Words

استيقظت ملك لأداء صلاه الفجر وبعد الانتهاء هبطت كي تجلس قليلا في الحديقة بعد وقت قليل جاء والدها حانت منه التفاته لابنته بأسي فريد باسما بحبور :تعرفي انك تشبهي مايا وانتي قاعده كده ملك باسي :الله يرحمها فريد باسماً :انتي الوحيده اللي شبهها من اخواتك شبها في حنيتها وطيبتها وحكمتها وحتي شكلها كان نفسي تكون موجوده هنا دلوقتي معانا ملك باسمة :ربنا يرحمها يابابا هي في مكان احسن بكتير من هنا فريد بحزن :وهو دا اللي مصبرني يابنتي والله اخبرته ملك بوجوب ذهابها للمستشفي بعدما اخترعت اسباب واهية لاقناعه بان هناك كثير من الحالات في انتظارها ويجب عليها الذهاب وكالعادة اقتنع والدها بسهولة.... مرت ايامها في روتينها اليومي بين المستشفى والعيادة والمنزل بدون اي تغيير وفي مساء احد الايام اخبرهم فريد بعزيمة منار وميرا علي الغداء همت ملك بالاعتراض رفضاً ......فهذا ما كان ينقصها...... نعم ولسخرية حياتها معذبها يطلب لقائهم مرة اخري ..... قطعت كلماتها حين سمعت رنين هاتفها فاعتذرت منهم واجابت بهدوء ملك بهدوء :السلام عليكم ورحمة الله ميرا باسمة :وعليكم السلام ورحمة الله كيفك يادكتورتنا العزيزة ملك باسمة :بخير حال الحمد لله يا اميرتي الصغيره كيف حالك انتي ضحكت ميرا بخفة ميرا: بخير حال عزيزتي ملك بدهشة :جبتي رقمي منين ميرا بفخر :اخدته من ريم بصي بقي وبدون مقدمات......انا مستنياكي بكرة ان شاء الله ....لازم تيجي لانك وحشتيني جدا ملك بصدق :والله انتي كمان واحشاني جدا بس انا مشغوله والله ياميرا ميرا بالحاح ميرا:بليييز بلييييز.....علشان خاطري والله وحشتيني ملك باستسلام :امري لله حاضر جايه باذن الله ميرا باسمة بحماس : هو دا الكلام يلا سلام عليكم بقي تن*دت باسي بعدما اغلقت هاتفها ابتسمت ريم بخبث ريم:من دي ياملوكه ضيقت ملك عيناها وتطلعت لريم بريبة وهي تشدد علي كلماتها لتخبرها بأنها قد علمت مخططها هي وميرا سابقا ملك:دي ميرا عاوزاني اجي بكره اومأ فريد براسه مخبرا اياهم بالذهاب في منتصف النهار في صباح اليوم التالي وبعد ذهابها الي العمل عادت الي المنزل في تمام 12 عبد الحميد بهدوء :اتاخرتي ليه ياحبيبتي ملك باسف :معلش ياجدو والله كنت مشغوله جدا دا انا جيت بالعافيه والله فريد باسماً :طيب يلا ياحبيبتي اطلعي البسي وانزلي بسرعه في فستان علي سريرك البسيه ملك باسمة:ماشي حاضر مش هتاخر باذن الله فريد باسماً :طيب ياحبيبتي صعدت الي غرفتها سريعا وتحممت وارتدت الفستان كان باللون الابيض طويل فضفاض يضيق من الاعلي قليلا ويتسع من اسفل بقصة الكلوش التي تعشقها......يزينه ورود باللون الاخضر القاني فارتدت خمار بلون الوردات وحذاء رياضي وحقيبة صغيرة بنفس اللون كانت تبدوا غايه في الجمال بهذا الفستان الذي ابرز لون عينيها الخضراوتان وجسدها الرشيق الذي دائما تخفيه خلف ملابسها الفضفاضة حتي يأتي من يستحق فريد باسماً :بسم الله ماشاء الله عبد الحميد باسماً:الله اكبر زي ما تخليته عليكي بالظبط ملك بخجل:خلاص ياجماعه مت**فونيش بقي اما كريم فقد اطلق صفيراً ما ان راها وقف امامها وانحني بجزعه ماداً يده اليها كريم :هل تتكرم مولاتي الاميره ان تذهب برفقتي انجي بغضب :في ايه لكل دا يعني فعلا اللبس بيصنع المعجزات تالمت ملك من تلك الكلمات اللاذعه...وشعرت بغصة في قلبها فريد بغضب :لا دا انتي زودتيها اوي يا انجي ملك بهدوء :خلاص يابابا مفيهاش مشكله مش يلا بقي ياكيمو علشان منتاخرش شعر بمحاولة ش*يقته في تخفيف حدة الجو فتابع باسماً كريم ً: يلا وبعد وقت قليل وصل الجميع الي منزل اياد السيوفي ركضت ميرا الي الخارج ما إن سمعت صوت السيارات فاحتضنت ملك وريم ميرا بحماس :وحشتوني جدا ريم بفرحة :وانتي كمان وحشتينا اوي ياميرا والله ملك باسمة :اديني جيت اهو علشان متزعليش ميرا:بس ايه ياملك الشياكه دي كلها ملك بزهو مصطنع :يابنتي دا اقل حاجه عندي اصلا ضحكت بخفة وتابعت ميرا:ماشي ياعم الجامد يلا بقي ندخل الكل:يلا سبقاها ملك وريم بعده خطوات ليشاهدا الحديقة فوقف كريم يطالعها بمكر مازحاً كريم:وانا موحشتكيش رفعت ميرا نصف شفتها العليا وحاجبها الناقم علي تصرفات هذا الفتي ميرا بغضب :نعم زم كريم شفتيه بحنق طفولي كريم:يعني كلهم وحشوكي وانا لا ميرا بغضب :لا حول ولا قوه الا بالله انت مجنون يابني....ايه ياربي البلاوي دي بس علي الصبح تمتمت بحدة ياملك ياريم استنوني تركته وانصرفت مسرعة حتي لحقت بهما وضع كريم يده علي قلبه كريم بهيام : مجنون بيكي والله دلف الجميع الي داخل القصر رحبوا بهم منار واياد كثيرا عقدت ملك العزم علي ان تعتذر لمنار وتشرح لها ببساطه لِما لم تجلس معهم في المرة السابقة دلف اياد وفريد وعبد الحميد الي حجرة المكتب للحديث عن العمل وظلت الفتيات في الخارج فحمدت ملك المولي كثيرا وقررت التحدث مع منار جلست ملك علي استحياء وتابعت بخجل ملك :انا عاوزه اعتذر لحضرتك عن المره اللي فاتت لم تعلق منار واكتفت بالإنصات اليها ملك بهدوء :انا عارفه اني المفروض كنت اقعد وكده بس والله مش بعرف اقعد في وجود رجاله غريبه....ومبحبش القعده مع الرجاله عمتاً ضحكت ريم بخفة وتابعت ريم :عندها فوبيا ياطنط دي بتوتر جدا لما تضطر انها تتعامل مع دكتور زميلها في المستشفي بيبقي هيغم عليها رفعت منار حاجبيها وفتحت عيناها بدهشة فهي تعلم جيدا كيف حال فتيات هذه الايام منار بعدم تصديق :للدرجه دي مَثلَ كريم ما تفعله ملك كريم : بتبص في الارض وتلاقيها بتفرك ايدها في بعضهم من التوتر وتلاقيها بقي قلبت قوس قزح وتحسي انه هيغمي عليها وهي واقفه ضحك الجميع بشده علي ما يفعله كريم ملك بخجل وغضب نزيف :بقي كده ياكريم تحدث ش*يقاها سوياً ضاحكين كريم وريم :انكري بقي لم تستطع ملك الحديث من خجلها فاكتفت بالضحك منار ضاحكة :دا انتي حالتك صعبه اوي يابنتي ملك بصدق :والله ياطنط بحاول اتدرب وافك ال*قده ......ادعيلي يمكن تتفك منار ضاحكة :لالا دعوة ايه دا انتي عاوزه زار جلس الجميع يمزحون ويضحكون ويتحدثون تحدثا منار وملك في عده مواضيع فأحبتها منار بشده واستراحت لها كثيرا وشعرت بطيبتها اما انجي فأكاد اجزم انها كانت ستنفجر من كثرة غضبها وغيرتها بعد وقت قليل خرج اياد وفريد وعبد الحميد فأخذت ملك تفرك في يدها وهي تشعر بالتوتر والخجل ضحكت منار بشده علي مظهرها منار ضاحكة : تعالي معايا ياملك لحسن يجرالك حاجه وانتي قاعده عبد الحميد بقلق :مالك ياملوكه انتي تعبانه وشك ماله جايب الوان كده ليه كريم مازحا :اهو مجبتش حاجه من عندي قوس قزح اهو اخذ الجميع في الضحك عدا اياد وفريد وعبد الحميد فلم يفهموا حرف مما يقال اياد بعدم فهم :هو في ايه ياجماعه متفهمونا فريد بدهشة :هو ايه دا اللي قوس قزح قررت منار انقاذ الموقف منار ضاحكه :لا مفيش حاجه استريحوا انتو انا هاخد ملك تساعدني وذهبا سويا الي المطبخ وورائهما ريم وميرا احتضنتها ملك مازحة ملك بخجل : ربنا يكرمك يا رب يا طنط انقذتيني احتضنتها منار ضاحكة منار: اي خدمة اعدوا الطاولة واستدعت ميرا الجميع لتناول الطعام *********************** اتمني الفصل يعجبكوا حلوياتي ?? هستني رايكوا فرولاتي ?? #اسيرة_العشق #منةالله_مجدي

Free reading for new users

Scan code to download app

App Store Google Play

Facebookexpand_more